¹ Pol tara i vali o Debe o Listra,pali malaviriri kunana,ia tara disaipel rana e Timoty ia tara ia vonga, ia tuna ngatavine tara o Juda erei i luhoi maea e tamana ia Grik. ² Hurika turana o Listra o Ikonum ri ta kamumu vona. ³ E Pol i ngarua e Timoty ge rua,lakea ru vano i bolea ni pala kulina nara huriki lobo a Juda ri made vona ra tangea ri palala maea e tamana ia bakovi o Grik. ⁴ Na tahuna ria ri lalaho lakea ne hurika Citi,ri taki e huriki ri maka pololilo na roho ni vasileki ne hurika ni vara ra rigi ramai,re hurika vinara i here a maka aposel a maka mugamuga o Jerusalem. ⁵ Mavonga e hurika ri made pololilo na roho ni vasileki ri pesi tora na ni luhoi tora ne ria pali e huriki a bakovi a ngatavine ri valai takutaku na parava lobo. ⁶ Pol turane hurika tara erei ri muri vona ri lakea na krukruna tanga iea o Frigia turane Galatia,lakea Hanu Kiripiripi i nugukari a ngavane ria nahani rigi takitala ngavane Deo na tanga e Esia. ⁷ Na tahuna ri bele tabukoi o Misia,ri toni ni dili na tanga e Bitinia,pali a Spirit e Deo i nugutata ria. ⁸ Pali na tahuna ri polotaroa e Misia,ri puru valai na tanga iea o Troas. ⁹ Poli i vurena na rodo:Lakea tara bakovi iea o Masidonia ia i pesi vonga,i galea i ta maea,"O valai o Masidonia o kori mia." ¹⁰ Tahuna e Pol i matai maea ia i vurena,laviriri mia mi pesirike mi lakea o Masidonia,na rana mia mi luhoi maea e Deo i gale mia ni takitala velenga kamumu ne ria. ¹¹ Mia mi rike na bout mi pea a tanga dagi e Troas,ni lakea o Samotrais,na parava muri mi bele o Neapolis. ¹² Muri mia mi lakea o Filipai,ia tara tanga dagi o Masidonia,ia tara tanga dagi na distrik turane hurika bakovi a ngatavine ri made o Rom,mia mi made na tanga dagi na parava ranga. ¹³ Na parava na Sabat mia mi pori na nihebi na gagana naru,na tabeke nga mia mi luhoi maea ge tahoka tara murina ni vasileki.Mia mi made palupu mi ta turane hurika ngatavine erei ri valai ni vasileki. ¹⁴ Tara ngatavine a rana e Lidia,ia i habi vakuloi a varikia kamumu na tanga eTiatira,ia tara ngatavine i vasileki bala ne Deo,i longo mia.Viridagi i ru kamumua tamudina ra ngatavine ni longo ara ngava e Pol i takia. ¹⁵ Muri ne Pol turane Sailas ru baptaisim, turane hurika tara erei ri made na ruma vona,ia i taki maea mia,"Pali re mua mugu luhoi maea iau a made malimali turane Viridagi,valai na ruma nau o made."Lakea ra ngatavine iea i ru kamumu a tamudine mia. ¹⁶ Na parava tara,mia mi lakea na murina ni vasileki,mi vakorokoro tara ngatavine a sirula erei i tahoka spirit hale i tabuli vona.Ia i kara ni taki maka bakovi a ngatavine na ara maki bari bele muri ma.Ne ria ri kara ni habi kupo a moni na matakari ne vona. ¹⁷ Ra ngatavine iea i muri ne Pol turane mia i gale,i ta maea,"Ra verea a voravora e Deo.Erei i made polomeli liu.Bara ri takitala dalane Deo bari bole mule hurika bakovi. ¹⁸ Ia i rata bala na parava vakaroro ra ngava nga.Pali e Pol kama i tamudi taku,lakea i matanonoa ra ngatavine iea i takia ra spirit iea,"Iau a takoe na rane Isu Kristo o pea."I laviriri kunana ra spirit iea i pea i pagitala. ¹⁹ Tahuna e hurika matakari vona ri matai maea a dalane ria ni bole moni i pe ia,i madihi a hatene ria ri turari e Pol turane Sailas ru dili na ruma na ni habi vakuloi na matane hurika mugamuga na lo. ²⁰ Tahuna ri bole rua lakea na maka mugamuga,ri ta maea,ra bakovi nga i rua o Juda ru vakavaroru hurika bakovi a ngatavine na tanga dagi ne teu. ²¹ Ri takitala naro na maka Rom kama ri ratea o ramaia. ²² Lakea e hurika bakovi a ngatavine ri pesirike ri tavagege ne Pol turane Sailas;maka mugamuga ri kalitala varikia ne rua ri taki maka nugu maheto nigi lagu rua na kai. ²³ Tahuna maka nugu maheto ri habi a ni madihi ne rua,ni ru rua na bavi.Ri taki e hurika matakari na bavi rigi matakari kamumu rua nahani rugu ha. ²⁴ Muri ne vona i bolea ra ngava,ra matakari iea i bole rua i rudili pololilo na bavi ni kolotata vahane rua na tabeke i taku kunana. ²⁵ Na kururodo e Pol rua e Sailas ru vasileki ri kalolo lakea ne Deo,ranga bakovi na bavi ri longo rua. ²⁶ I laviriri i bele a vuruke dagi a simen na ruma iea i vakulu,i laviriri i mataka maka nihebi turana maka mota ni kolo a vahane ria a limane ria i mavuka lobo. ²⁷ Ra matakari na bavi i hadongo i matai maka nihebi na bavi i mataka;lakea i bolea bainat vona i papote ge rabalakia mulea,na rana ia i luhoi maea ta ri ha lobo pali huriki na bavi. ²⁸ Pali lakea e Pol i gale dagi hateka,i ta maea,"Nahani ratapile muloe,na rana mia lobo mi tabana koea." ²⁹ Ra matakari na bavi i gale nigi matakana ranga ni para ge para na tara ri tabana,turana ni mangenge dagi,i valai i pasike puru na vahane Pol rua e Sailas, ³⁰ lakea i boletala rua i nana rua,"Matakari,ga rata ara e Deo ge bole mule iau?" ³¹ Rua ru ta maea,"Ioe turane huriki erei ri made na ruma ne vonu bara mu luhoitora ne Isu lakea e Deo biri bole mule mua." ³² Rua ru vaka longoa na velenga kamumu ne Viridagi ne vona,turana maka tara erei ri made na ruma vona. ³³ Muri a matakari na ruma na bavi i bole rua vona ra aua iea lakea i loi a patala ne rua,i laviriri ia turane hurika tara erei ri kara ni made na ruma ne vona i bole a baptais. ³⁴ Muri ia i bole e Pol rua e Sailas ru rike na ruma vona lakea i habi a maki ni kani ne rua,ia i tahoka ni vivi dagi turane huriki lobo na ruma vona,na rana ia i luhoitora ne Deo. ³⁵ Ngane na tahuna a haro i rike, maka mugamuga ri vakaru a ngava na maka matakari na bavi ri ta maea,"Ru rua rugu pagitala malimali." ³⁶ Lakea matakari na bavi i taki maea e Pol,"Hurika mugamuga ri vakaru a ngava i valai ne nau ga taki marua muru vano.Ngane muru pagitala muru vano turana ni tamudi puru ma." ³⁷ Pali e Pol i taki maea ia,"Mia maka Rom lakea ri ubi mia,na matane hurika bakovi a ngatavine lakea ri rudili mia na bavi.Navai rigi vakaha kapiloho mia migi vano?Uka! ru ria ra maka jas nga rigi valai rigi boletala mia migi pagitala na bavi." ³⁸ Maka matakari na bavi ri bole maka ngava ri vakalongo maka jas,na tahuna ri longo maea e Pol turane Sailas rua Rom, ni mangenge dagi bole ria. ³⁹ Maka jas ri vala ri tadodo ne rua lakea ni bole tala rua na bavi,ni nana rua rugu pea tanga dagi rugu vano. ⁴⁰ Lakea e Pol turane Sailas ru pagitala na bavi ru lakea na ruma e Lidia.Tahuna e Pol turane Sailas ru matai ranga bakovi a ngatavine ni luhoitora,ru vakatora ria pali ru pea ra tanga dagi iea ru vano.