¹ Ra hini nga i bele iea o Ikonium e Pol turana e Banabas rua varago ru dili na ruma na ni vasileki ne hurika Juda ru takitala ngavane Viridagi.Ra hini nga i rata e hurika tara dagi na bakovi a ngatavine na Juda turana Grik i luhoitora na ngavane Viridagi. ² Pali e huriki erei kama ri longoa ngavana ri vango rikea ni luhoi ne hurika bakovi a ngatavine ranga rigi vakabele ni vatepu turana maka turana. ³ Ru made tabaka vonga,turana ni tora ne Viridagi,ru takitala ngava kama ru maegeng.Na parava iea tara iea tara,Viridagi i kori rua ni rata maka mirakel turana ni dodo vona.Viri dagi i rata maka maki nga na tahuna ia i longo ne Pol turane Banabas ni rata maka mirakel. ⁴ Pali maka tara dagi na tanga dagi ri vapida;ri tara rua ri vano ri made turana maka Juda ranga ri made turana maka aposel. ⁵ Na tahuna e hurika bakovi a ngatavine iea o Juda(ri leho ni toni ni vango rike a tamudine ria a mugamuga) ne ria,ne ria rigi rata hale rua, ⁶ ru mata kilala hini nga,ru ha lakea na tanga dagi iea o Likonia,Listra,Debi turana tanga ranga i tabuli tabukoi, ⁷ Lakea rua ru leho ni takitala velenga kamumu ne Isu Kristo. ⁸ Na tanga dagi e Listra tara bakovi i made vonga,ia kama i tora vahana,tahuna ia pololilo na tamudine kinana i hale a vahana,i uka ni tora vahana kama laho. ⁹ Ra bakovi iea i longoa e Pol i tata.Lakea e Pol i ru a matana vona ra bakovi iea ia i matai maea ia i tahoka ni luhoi tora bara i kamumu. ¹⁰ Lakea e Pol i galea i ta"Pesi na vahamu."Lakea ra bakovi iea i pesi i laho. ¹¹ Pali e huriki ri matai ra hininga i rata e Pol,ria ri gale tala dagi,ri tata na nita ne ria a Likonia ri tamaea,"hurika Deo ri puru valai ne hita manga bakovie." ¹² Ri gale e Banabas e "Seus",pali e Pol e "Emes",na ra ia i muga ni taki tala ngava. ¹³ Hurika mugamuga e Seus,erei i tahoka tempel i tabuli polo vavo na tanga dagi,i bole a bulmakau a viri paua i peda lakea na matani dili na tanga dagi;ia turane huriki ri ngaru ni haba ni habi. ¹⁴ Pali na tahuna e aposel, Banabas e Pol,ru longo ra hininga, rua ru rape a varikia ne rua pali malaviri kunana ru vano ru lake vona re huriki a bakovi a ngatavine ru gale, ¹⁵ "Bakovi, navai mu rata mavonga? Maria ranga miri manga kunana mua.Miri taki talea ngava ne mua mugu pulo a maka naro hale ne mua mugu lakea ne Deo, erei ratea hunu na malala,a dari,pali a maki lobo i tabuli vona. ¹⁶ Hosi,i ru e huriki ri laho na ni luhoi ne ria. ¹⁷ Pali ia,koma i hataro mulea natahuna ia i uka bole kori vona,na ra ia i rata kamumu pali habia matou a vala na huna pali a parava na maka kai ge vua,pali rata mua mu vivi na hatenemua." ¹⁸ Pali vona ra ngava ea,Pol rua e Banabas koma ru kara ni patutu e huriki ri valai ni haba ni habi ne nrua. ¹⁹ Pali ranga Juda ri valai o Antiok o Ikonium ri vaLi ri vakuku e huriki.Ri padia e Pol pali ri turari talea na tanga dagi,ri luhoi maia ge mate. ²⁰ Vonga e huriki a murimuri vona ri pesi haluia,ia i pesi rike i dili na tanga dagi.Na parava muri,ia i turana e Bababas ru vano ru lakea o Debe. ²¹ Muri ne rua ru taki talea ngava kamumu pololilo na tanga dagi rua ru tara e huriki ri ala kupo ri muri ne rua,pali rua ru hamule o Listra,o Ikonium pali o Antiok. ²² Rua ru vaka tora e huriki a murimuri rigi pesi tora ni laho vakaroro vonz ni luhoi tora,pali ru tamaea,"Ne hita sigi dili na harikianga ne Deo hita bari si bela ni madihi." ²³ Na parava rua ru pasi ru gamai e huriki a mugamuga ne hurika roho ni vasileki, ria ri hataro a maki ni kani pali ria ri vasileki, pali ru ru na limane Deo a maka mugamuga, erei rua ru luhoi torea. ²⁴ Muri rua ru valai maea o Pisida ru bele o Pamfilia ²⁵ Na tahuna rua ru taki talea ngava kamumu o Pega pali muri ri puru lakea o Atalia. ²⁶ Vonga ngane rua ru bola aga ru lakea o Antiok,ra tanga rua ru habi rua ne Deo ni tara leho vona pali ra leho ea rua ru vaka loboa vona ra tanga ia. ²⁷ Na tahuna rua ru bele o Antiok rua ru gale lolo e huriki a roho lobo ni vasileki, rigi taki a maka maki i rata ne ria e Deo,pali navai i talea ne hurika bakovi a ngatavine na tara tara a dala ni luhoi tora. ²⁸ Pali ru made tabaka turana e hurika murimuri.