¹ Pangabisane, kamaru' - kamaru'ku barepo - repolah, kadoopm Tuhan. Aku ano' kabaratan nyontengan agi hal - hal nang sabayo ka kau barang hal nyian nang mo' nyago kau. ² Ati-ati ba adapotn ba asu' - asu', ati - ati ba adapotn samuo urokng jahat, ati - ati ga'e ba ka ne'ido nang baturih tubuh, ³ soale diri' lah urokng - urokng nang batol ba turih, nang nyambok ka doopm Roh Allah, nganjong Yesus Kristus, ba nang ano' nang ano picayo' ka jukut - jukut nang gari dinanang. ⁶ hal parasaan ati, aku nyian panyiso jemaat, doop hal nang banar ka baboh ukum taurat, aku ano' suoh ba saloh, ⁷ tapi samuo jukut nang daoho' nguntungan aku, kanio' ku anggap rugi soale dah nganal kristis. ⁸ Memang batol, samuo jukut ku anggap rugi aso dibandingan ba aku nganal Yesus Kristus, Tuhanku, nang jauh labih barago dari dameapun. atas namo kristus, aku dah kailangan samue'e, samuo jukut koo kanio' ku anggap rabo' biar aku muih namuan Kristus. ⁹ Aku dinamuan doopm Kristus buke ka doopm kabanarotn nang barasal ampat kadiri' ku sandiri' nang ku namuan ampat ka ukum Taurat, tapi nang atokng ngalalui' iman ka doopm Kristus, kabanarot ampat ka Allah iman nang jaji dasare. ¹⁰ kirae aku muih nganali io ba koaso kabangkitat-E, ako' koo jaji sete' ba kasusahatn-E, yak jajio angayo Io ka doopm kamatiatn-E ¹¹ koolah akhire aku biso namuan kababgkitotn ampat ka antaro urokng mati. BAGARAK MAJU KA PANYARU' SUBAYOTN ¹² Tapi, buke' baarti aku dah namuan io buke' ugo' dah sampurna, tapi aku ngeleh io biar aku biso nangkap io ayamae gae' Yesus Kristus dah nangkap aku ¹³ .kamaru' - kamaru, aku ano' nganggap kade' aku dah nankap io. tapi sete' hal nang dah ku ngamuat : aku ngaupaatni dameo nang ka baikakng ngu ba nojokotn diri' ka dameo ka dameo nang ka adapatn ku ¹⁴ aku tarus maju ka tujuan yak namuo' adiah, koonyo panyaru' subayotn ampat ka Allah ka doopm Yesus Krustus. ¹⁵ Je' lah diri' nang sampurna bapikir angayo jaiyo. kade kau ano' bapikir macan nyian, Allah mao nojokatno io nang sasidie ka kau. ¹⁶ Tapi jayo, je'lah diri' tarus idup sasuai ba kababarotn nang dah ado ka diri' ¹⁷ Kamaru'-kamaru', tuna'anlah sipat kabaikatnku paratiotn gae' sidi-sidi dangan-dangan nang idup ga'e sasuai ba sipat kabaikatnku, nang kito' nanang ampat ka kami. ¹⁸ Soale ado manyak urokng nang idup jaji musuh-musuh salip Kristus. masalah jukut nyian, aku dah biaso nyuritootn io ka kito' ako' koo kanio' aku nyuritootn io agi ba ai mato. ¹⁹ pangabisan idup ne'ido' kabinasootn, jukut Allah ne'ido parut ne'ido' ba pujiotn ne'ido' ka jukut-jukut nang nyupatni' pikiran ne'ido' kahe ka mikiratni' hal-hal nang dunio. ²⁰ Tapi, asal kadiaman diri' ampat ka subayotn, dimae diri' barepo-repo ngantiotn tukang kasuniaan, Io koo Tuhan Yesus Kristus. ²¹ Io mao nguboh tubuh diri' nang hina jaji sarupo ba tubuh kamuliaat-Ne. Ba koasa-E koo, koasae koo mampunabanan sagalo jukut yunduk ka Io.