¹ koo lah, kamaru'-kamaruku nang kungasihi' ba nang ku ngaleotn nang jaji karepoatnku ba nangku maraso ayo' ati, badirilah tatap ocor ka doopm Tuhan. ² Aku mito' sidi ka Eoudia ba ka Sintikhe ga'e yak idupo rukun ka doopm Tuhan. ³ Au', aku minto' ka kau, ayukng-ayukng ku sidi, tolonglah ambini-ambini nyian jukut ne'ido' dah bakarajo karas basabayo-bayo ba aku onto pelayanan injil, sabayo ba Klemens ga'e ba ayukng-ayukng karajaku nang lain, nang nama-namae taconteng ka buku kaidupotn. ⁴ barepo-repolah meokng ari ka doopm Tuhan.sakai agi ku katootn, barepo-repolah! ⁵ biar samuo urokng nahui' kalamutotn ati ngu. Tuhan koo dah makin samak. ⁶ Amelah gai' ka dameapun gae' tapi samuo sigalo jukut minto dameo kamaoan ngu ka Allah waktu basampokng ba paminto' ba pakatootn sukur ga'e ⁷ paraso nyaman ba kacukupotn Allah nang malabihi' samuo pangarati mao' miharo ati ba pikiran ngu ka doopm Yesus Kristus. ⁸ ngabisane, kamaru-kamaru, samuo nang banar, samuo nang mulio, samuo nang adil, samuo nang suci, samuo nang gagas, samuo nang tapuji, samuo nang ano bakakurangan, samuo nang patut dipuji, pikirotn lah samue'e koo, ⁹ dameo nang ako' dimaajarotn, tarimo', dangar, tanang ampat ka aku, turuti samue' koo. ako' koo Allah nang pangatangan idup nyaman ba idup, ba idup nang bakacukupotn mao' maragei kau. YESUS BATARIMO' KASIH KA UROKNG-UROKNG PICAYO' KA FILIPI ¹⁰ Aku paling barepo-repo ka doopm Tuhan barang kanio', pangabisane kau muokng mare'otn, paratiatn ngu ka aku. memang, sanape'e kau maratiotn ka aku, tapi kau ano' ba waktu. ¹¹ Aku ngatootn jukut nyian buke baarti aku maraso bakakurangan, soale aku dah baajar nyukupotn diri' sandiri' doopm daemeapun kaadaane. ¹² Aku nahui' dameo artie kakurangan, aku nahui gae dameo artie bakalabihotn ka doopm sigalobba samuo ka adaan, aku dah baajar rahasio idup bakacukupotn waktu kanyang maopun kaparotn, waktu idup manyak duit maopun idup ano' baduit, ¹³ aku biso mijawat sigalo jukut ngalalui' Io nang mare kakoatan ka aku. ¹⁴ Tapi, kau dah baik, mao' babagi masaloh ba aku. ¹⁵ Kau sorog nahui', jemaat Filipi, waktu awal pamulo palayan injil, waktu aku ako' ningootn binuo Makedonia, ano ado jemaat nang mao' babagi masaloh ba aku hal onto mare' ba narimo', kacoali kau. ¹⁶ buke'. kahe koo, waktu ka koto Tesalonika, kau ngirima manto' onto' kaparluanku labih dari sakai. ¹⁷ Tapi, buke' banto'an koo nng ku ngago' tapi aku ngago' buoh nang mo' makayo' kauntungan. ¹⁸ Aku dah narimo' pamayar nang pol, labih dari koo. Aku dah namu samuo nang aku malaluotn jukut pamare' nang kau ngiriman ka aku ngalalui' Efaproditus. pamare' ngu koo jaji buis nang mangat, korban nang biso ditarimo', biso nyamani' ati Allah. ¹⁹ Allah ku mo' mare' samuo kaparluanngu sasuai ba kakaya'at-Ne nang mulio doopm Yesus ²⁰ Kristus ²¹ Sampeotn salam kami ka urokng kudus ka doopm Yesus Kristus.Salam onto kau ampat ka kamaru'-kamaru' saiman nang ado sabayo-bayo ba aku ka sio. ²² Samuo urokng kudus makiripm salam onto' kau ka ne'ido' nang bakarajo pajajokng ka istana Kaisar. ²³ pamare ampat ka Tuhan Yesus kristus maragei rohngu. Amin.