31

¹ Isang araw, isang tao ang nakapagsabi kay Jacob na ang mga anak na lalaki ni Laban ay nagrereklamo at nagsabi, "Si Jacob ay naging napakayaman sa pamamagitan ng pagkuha sa lahat ng bagay na nabibilang sa aming ama." ² Napansin ni Jacob na si Laban ay hindi kumikilos ng magiliw sa kanya katulad ng mga ginagawa niya noon. ³ Pagkatapos sinabi ni Yahweh kay Jacob, "Bumalik ka sa iyong bansa at sa iyong mga kamag-anak, at tutulungan kita doon." ⁴ Kaya nagpadala ng isang mensahe si Jacob kay Raquel at Lea, sinabihan sila na pumunta sa labas ng bukid kung saan nanduon ang kanyang mga kawan ng tupa at mga kambing. ⁵ Nang dumating sila, sinabi niya sa kanila, "Nakita ko na ang inyong ama ay hindi kumikilos ng magiliw sa akin katulad ng ginagawa niya noong nakaraan. Ngunit ang Diyos, kung sino ang sinasamba ng aking ama, ay tinulungan ako. ⁶ Alam ninyo sa inyong mga sarili na nagtatrabaho akong mabuti para sa inyong ama. ⁷ Dinaya niya ako ng maraming beses sa pamamagitan ng pagbabawas ng aking sahod. Ngunit hindi siya pinahintulutan ng Diyos na gawan ako ng pisikal na pananakit. ⁸ Nang sinabi ni Laban na, "Ang may batik-batik na mga hayop ang ibibigay ko sa iyo bilang sahod,' kaya lahat ng mga hayop ay sinilang na may mga batik-batik. Kapag nagbago ang kanyang isip at sinabi, 'Ang may mga itim at puting guhit sa kanila ang siyang iyong magiging sahod' pagkatapos lahat ng mga hayop ay nagsilang ng may mga guhit. ⁹ Sa ganoong paraan, kinuha lahat ng Diyos ang mga kabuhayan na nabibilang sa inyong ama at ibinigay nila sa akin. ¹⁰ Isang beses, nang ang mga hayop ay nagpaparami, nagkaroon ako ng isang panaginip. Sa aking panaginip, tumingala ako at nagulat na makita ang ilan sa mga lalaking kambing na nakikipagtalik sa mga babaeng kambing na mayroong maitim at maputing guhit sa kanila, ang ilan ay mayroong batik-batik, at ang ilan ay mayroong batik. ¹¹ Sa panaginip, isang anghel na mula sa Diyos ang dumating at sinabi sa akin, 'Jacob!' Ako ay sumagot, 'Nandito ako!' ¹² Sinabi niya sa akin, 'Tingnan mo sa itaas at makikita mo na lahat ng mga lalaking kambing na nagtatalik ay mayroong itim at puting mga guhit sa kanila, o mga batik-batik o may batik. Nangyayari ito dahil nakita ko lahat ng ginawa ni Laban sa iyo. ¹³ Ako ang Diyos na nagpakita sa iyo sa Bethel, kung saan ka naglagay ng bato, binuhusan ito ng olibong langis at gumawa ng taimtim na pangako sa akin. Kaya ngayon lisanin mo kaagad ang lupaing ito at bumalik sa lupain kung saan ka isinilang.'" ¹⁴ Sumagot sina Raquel at Lea sa kanya, "Hindi kami bibigyan ng kahit ano pang bagay ng aming ama kapag siya ay mamamatay. ¹⁵ Tinuring niya kami na parang mga dayuhan! Ang trabahong ginawa mo sa kanya sa lahat ng taon na ito ay isang kabayaran na ibinigay mo sa kanya para sa amin, ngunit hindi kami magmamana ng kahit anong kayamanan na ibinigay mo sa kanya. Inubos niya ito lahat! ¹⁶ Tiyak na lahat ng kayamanan na kinuha ng Diyos mula sa aming ama ay mabibilang sa amin at sa aming mga anak. Kaya gawin mo ang anumang sinabi ng Diyos sa iyo na gawin mo!"

¹⁷ Pagkatapos nilagay ni Jacob ang kanyang mga anak at mga asawa sa kamelyo. ¹⁸ Pinauna niya lahat ng kaniyang mga baka sa kanya habang sila ay papaalis. Kinuha din niya lahat ng ibang ari-arian at mga gamit na dinagdag niya sa kaniyang pagmamay-ari habang nakatira sa Paddan Aram. Ganito ang pagsisimula ng kanilang paglalakbay pabalik sa kaniyang ama na si Isaac, na nanirahan sa lupain ng Canaan. ¹⁹ Ngayon si Laban ay umalis upang gupitan ang kanyang mga tupa. Sa kanyang pagliban, ninakaw ni Raquel ang maliit na mga anitong kahoy na nasa tolda ng kanyang ama. ²⁰ Higit pa rito, nilinlang ni Jacob si Laban ang Aramean sa hindi pagsabi sa kanya sa planong pag-alis. ²¹ Kaya si Jacob at ang kanyang pamilya ay tumakas kasama ang lahat ng kanilang ari-arian. Tumawid sila sa Ilog Eufrates at nagsimulang naglakbay sa timog patungo sa munting bundok ng bayan sa rehiyon ng Galaad.

²² Sa ikatlong araw pagkatapos nilang umalis. May isang taong nakapagsabi kay Laban na si Jacob at ang kanyang pamilya ay wala na. ²³ Kaya kinuha niya ang ilan sa kanyang mga kamag-anak kasama niya at nagsimulang habulin si Jacob. Sila ay naglakad ng pitong araw at nakahabol sila sa burol na bansa ng rehiyon ng Galaad ²⁴ Pagkatapos nagpakita ang Diyos kay Laban sa isang panaginip sa gabi. Sinabi niya sa kanya, "Kapag naabutan mo si Jacob, mag-ingat ka kung ano ang sasabihin mo sa kanya." ²⁵ Ang sumunod na araw, sa oras na naabutan ni Laban si Jacob, si Jacob at ang kanyang sambahayan ay nagtayo ng kanilang mga tolda sa bundok ng Galaad. Kaya si Laban at ang kanyang mga kamag-anak ay nagtayo rin ng kanilang mga tolda doon. ²⁶ Pagkatapos pumunta si Laban kay Jacob at sinabi sa kanya, "Bakit mo nagawa ito? Nilinlang mo ako sa pamamagitan ng pagdala sa aking mga anak na babae na tila nabihag mo sila sa isang digmaan! ²⁷ Bakit ka tumakbo palayo at ako ay nilinlang? Bakit hindi ka nagsabi na kayo ay aalis, upang tayo ay nakapagdiwang at nagkantahan habang ang mga tao ay magpapatugtog ng musika sa mga tamborin at mga alpa bago ako magsabi ng 'paalam' sa iyo? ²⁸ Hindi mo man lang ako hinayaang humalik sa aking mga apo at sa aking mga anak na babae bago sila umalis! Ang ginawa mo ay kahangalan! ²⁹ Ako at ang aking mga kamag-anak ay may kapangyarihan na saktan kayo, ngunit kagabi ang Diyos na sinasamba ng iyong ama ay sinabi sa akin sa isang panaginip, 'Mag-ingat ka sa kung anuman ang sasabihin mo kay Jacob.' ³⁰ Ngayon nalaman ko na umalis ka dahil gusto mong bumalik sa inyong tahanan. Ngunit bakit mo ninakaw ang aking mga diyos-diyosan?" ³¹ Sumagot si Jacob kay Laban, "Hindi ko sinabi sa iyo na nagpaplano kaming umalis, dahil natatakot ako na kukunin mo ng puwersahan ang iyong mga anak na babae sa akin. ³² Ngunit kung sino man ang matagpuan mo dito na kumuha ng iyong mga diyos-diyosan, papatayin natin ang taong iyon. Habang ang aming mga kamag-anak ay nanunuod, suriin ninyo upang makita kung mayroong anumang bagay ang pag-aari mo na nandito sa akin. Kung mayroon kang matagpuang anumang bagay, maaari mo itong kunin!" Nang sinabi ito ni Jacob, hindi niya alam na si Raquel ang nagnakaw ng mga diyos-diyosan ng kanyang ama.

³³ Pagkatapos pumunta si Laban sa tolda ni Jacob, at pagkatapos sa tolda ni Lea, at pagkatapos sa tolda ng kanyang dalawang babaeng mga alipin at naghanap sa mga diyos-diyosan, ngunit hindi niya ito natagpuan. Pagkatapos niyang umalis sa kanilang mga tolda, pumasok siya sa tolda ni Raquel. ³⁴ Ngunit si Raquel ay dati na niyang kinuha ang mga iyos-diyosan at nilagay ang mga ito sa silya ng isang kamelyo at siya ay umupo doon sa silya. Kaya naghanap uli si Laban sa mga ito sa loob ng tolda ni Raquel, hindi niya natagpuan ang mga ito. ³⁵ Sinabi ni Raquel sa kanyang ama, "Huwag kang magagalit sa akin, ginoo, ngunit hindi ako makakatayo sa iyong harapan upang magbigay ng paggalang sa iyo, dahil mayroon akong buwanang dalaw."Kaya kahit pagkatapos niyang maghanap, si Laban, hindi niya natagpuan ang kanyang mga diyos-diyosan.

³⁶ Pagkatapos nagalit si Jacob. Sinabi niya kay Laban, "Ano bang krimen ang aking nagawa? Para sa anong kasalanan na ako'y iyong tugisin? ³⁷ Ngayon hinalughog mo na lahat ng aking mga ari-arian at wala kang nakita na pag-aari mo! Kung mayroon ka mang mahanap anumang bagay, ilagay mo ito sa harap ng aking mga kamag-anak at ng iyong mga kamag-anak, upang sila ay magpapasiya kung sino ang tama, ikaw o ako! ³⁸ Kasama mo ako ng dalawampung taon. Sa lahat ng mga panahong iyon, ang iyong mga tupa at kambing ay hindi nakunan. Hindi ako pumatay at kumain ng kahit anong mga lalaking tupa mula sa iyong kawan. ³⁹ Noong isa sa iyong mga hayop ay sinalakay at nilapa ng mababangis na hayop, hindi ko dinala sa iyo. Pinalitan ko ng buhay na hayop mula sa aking alagang hayop ang iyong mga alagang hayop na namatay. Tuwing isa sa iyong mga alagang hayop ay ninakaw, umaga man o sa gabi, hihingiin mo na palitan ito mula sa aking sariling mga alagang hayop. ⁴⁰ Nagdusa ako mula sa init sa panahon ng araw at mula sa lamig ng gabi. Malimit hindi ako nakakatulog! ⁴¹ Nanirahan ako sa iyong sambahayan ng dalawampung taon. Nagtrabaho ako sa iyo ng labing apat na taon para mapangasawa ang iyong dalawang anak na babae, at sa anim pang taon para bilhin ang ilan sa iyong mga tupa at mga kambing. Sa panahon na iyon, pinalitan at binawasan mo ang aking sahod ng sampung beses. ⁴² Kung ang Diyos, ang isa sa sinasamba ng aking lolo na si Abraham at sa harapan kung sino ang aking ama na si Isaac na nanginginig sa takot, ay hindi ko kasama at tumulong sa akin, nais mo akong paalisin na walang dala sa aking mga kamay! Ngunit nakita ng Diyos kung paano ako nagdurusa at papaano ako naghihirap na nagtatrabaho, kaya kagabi sinabihan ka niya na anuman ang ginawa mo sa akin ay mali."

⁴³ Sumagot si Laban, "Itong dalawang babae ay aking mga anak na babae at ang kanilang mga anak ay aking mga apo, at ang mga hayop ay aking mga hayop. Ang lahat na nakikita mo dito ay akin! ⁴⁴ Wala akong magagawa para sila ay pigilin, kaya gagawa tayo ng isang payapang kasunduan, ikaw at ako. Ito ay magsisilbing saksi sa pagitan natin." ⁴⁵ Kaya kumuha si Jacob ng malaking bato at itinayo sa dulo nito. ⁴⁶ Pagkatapos sinabi ni Jacob sa kanyang mga kamag-anak, "Magtipon kayo ng ilang mga bato." Kaya nagtipon sila ng mga bato, at nilagay nila ito sa tambak, at kinain nila ang ilan sa mga pagkain doon malapit sa tambak. ⁴⁷ Binigyan ni Laban ang tambak ng Aramaic na pangalang Jegar-sahaduta, ngunit binigyan ni Jacob ang tambak ng Hebreo na pangalang Galeed. ⁴⁸ Sinabi ni Laban kay Jacob, "Ang mga bato na ito na itinayo natin ngayon ay tutulong sa atin upang maalala ang ating kasunduan." Kaya tinawag ito ni Jacob na Galeed. ⁴⁹ Pinangalanan din nila ang lugar na Mizpah, na ang katunog sa salitang Hebreo na ibig sabihin ay "bantayog na tore," dahil sinabi ni Laban, "Hihilingin natin kay Yahweh na bantayan ka at ako habang tayo ay magkahiwalay sa isa't isa, para hindi natin masubukan na saktan ang isa't isa. ⁵⁰ Kapag inaabuso mo ang aking mga anak na babae, o kapag nag-asawa ka ng ibang babae, kahit na walang magsabi sa akin tungkol dito, huwag mong kakalimutan na nakikita ito ng Diyos kung ano ang ginagawa mo at ako!" ⁵¹ Sinabi din ni Laban kay Jacob, "Nakikita mo itong malaking bato at itong mga tumpok ng bato na ating itinayo upang mamagitan sa atin. ⁵² Itong dalawang mga tumpok at itong malaking bato ay magpapaalala sa atin, na ako ay hindi makakadaan sa mga batong ito upang saktan ka, at hindi ka makakadaan sa mga batong ito upang saktan ako. Nawa ang Diyos na sinasamba ni Abraham at sa sinasamba ng kanyang ama na si Nahor para paparusahan ang alinman sa isa sa atin, kapag sinaktan natin ang isa't isa." ⁵³ Kaya si Jacob ay taimtim na nangako para gawin ang anumang sinabi sa kanilang kasunduan pangkapayapaan. ⁵⁴ Naghandog siya ng alay sa Diyos doon sa bundok ng bayan, at inaanyayahan niya ang kanyang mga kamag-anak para kumain kasama niya. Pagkatapos nilang kumain, natulog sila doon ng gabing iyon. ⁵⁵ Kinaumagahan hinalikan ni Laban ang kanyang mga apo at ang kanyang mga anak na babae, humingi siya na babasbasan sila ng Diyos. Pagkatapos, umalis siya at ang kanyang mga tauhan at bumalik sa kanilang tahanan.