ဣဇာက်ပြောင်းရခြင်း အကြောင်းမှာ သူနေထိုင်ရာပြည်၌ အစာခေါင်းပါးမှုကြောင့် ဖြစ်ပါသည်။
ထာဝရဘုရားက ဣဇာက်အား အဲဂုတ္တုပြည်သို့ မသွားဘဲ မိမိပြောသောပြည်၌သာ နေရန်ပြောပါသည်။
ထာဝရဘုရားရှင်သည် ဣဇာက်၏ အဖအာဗြဟံကို မိမိကျိန်ဆိုသည်အတိုင်း ပြည့်ဝစေမည်ဟု ဣဇာက်အား ပြောပါသည်။
ထာဝရဘုရားက သူသည်သွား၍ ထိုသို့ပြုမည်ဟုပြောရခြင်းအကြောင်းမှာ အာဗြဟံသည် စကားတော်ကိုနားထောင်လျက် သူညွန်ပြသော ပညတ်တရားနှင့်ဥပဒေတို့ကို စောင့်ရှောက်သောကြောင့်ဖြစ်ပါသည်။
ဣဇာက်က ဂေရာအမျိုးသားတို့အား ရေဗက္ကသည်သူ၏ ညီမဖြစ်သည်ဟု ပြောပါသည်။
ဣဇာက်၏ လိမ်ညာခြင်းကြောင့်၊ တစုံတယောက်သောသူသည် ရေဗက္ကနှင့်ဆက်ဆံခြင်းဖြင့် လူအပေါင်းတို့အပေါ်သို့ အပြစ်ကျရောက်မည်ဖြစ်ပါသည်။
အဘိမလက်က ရေဗက္ကအား စော်ကားသော မည်သူကိုမဆို အသေသတ်ခြင်းခံရမည်ဟု ပညတ်ထားပါသည်။
အဘိမလက်က ဣဇာက်အား ဖိလိတ္တိပြည်မှပြောင်းခိုင်းရခြင်းအကြောင်းမှာ ဣဇာက်သည် သူတို့ထက် တန်ခိုးကြီးသောကြောင့်ဖြစ်ပါသည်။
အာဗြဟံလက်ထက်က တူးခဲ့သောရေတွင်းကို ဣဇာက်ပြန်တူးရခြင်းအကြောင်းမှာ အာဗြဟံသေဆုံးပြီးနောက်ရေတွင်းကို ဖိလိတ္တိလူတို့က ဖို့လိုက်ကြသောကြောင့်ဖြစ်ပါသည်။
ရေတွင်းကို ဂေရာအမျိုးသားနွားကျောင်းသားတို့နှင့် ငြင်းခုန်ခြင်းမရှိသောကြောင့် ထိုရေတွင်းကို ဣဇာက်က ရဟောဘုတ် အမည်ဖြင့် မှည့်ပေးခဲ့သည်။
ထာဝရဘုရားသည် ဣဇာက်ကို ကောင်းကြီးပေး၍၊ သင်၏ အမျိုးအနွယ်ကို ငါများပြားစေမည်ဟု မိန့်တော်မူခဲ့သည်။
အဘိမလက်သည် ဣဇာက်နှင့် တဖက်နှင့်တဖက်ခိုက်ရန်မဖြစ်စေဖို့ ပဋိညာဥ်ချုပ်ဆို လိုပါသည်။ ထာဝရဘုရားသည် ဣဇာက်နှင့် အတူရှိသောကြောင့်ဖြစ်ပါသည်။
ဣဇာက်သည် စားသောက်ပွဲကိုပြုလုပ်၍၊ သူတို့အချင်းချင်း ကျိန်ဆိုခြင်းကို ပြုကြပါသည်။
ဧသော၏ မိန်းမနှစ်ယောက်သည် ဟိတ္တိအမျိုးသားအုပ်စုမှ ဖြစ်ကြပါသည်။
ဧသော၏ မိန်းမများသည် ဣဇာက်နှင့်ရေဗက္ကတို့ထံစိတ်ပူပန်စရာတို့ကို ယူဆောင်လာကြသူများ ဖြစ်ကြပါသည်။