ထာဝရဘုရားသည် အာဗြံအားကိုယ်ထင်ရှားပြသောအချိန်၌ အာဗြံ၏ အသက်ကိုးဆယ့်ကိုးနှစ် ဖြစ်ပါသည်။
အာဗြံအား ထာဝရဘုရား၏ ရှေ့၌အပြစ်တင်ခြင်းနှင့်ကင်းစင်လျက်စုံလင်ခြင်းရှိရန် ပညတ်တော်မူပါသည်။
ထာဝရဘုရားသည် အာဗြံ၏အမည်ကို အာဗြဟံဟုပြောင်းလဲပြီး၊ ထိုအမည်၏ အဓိပ္ပါယ်မှာ "များစွာသောလူမျိုးတို့၏ အဖ" ဟူ၍ ဖြစ်ပါသည်။
ပဋိညာဥ်အနေဖြင့် ထာဝရဘုရားသည် အာဗြဟံ၏လူမျိုးတော်အား ခါနာန်ပြည်တလျှောက်လုံးကို ပေးခဲ့သည်။
ထာဝရဘုရားသည် အာဗြဟံနှင့် သူ၏လူမျိုးတို့၏ ဘုရားဖြစ်မည်ဟု ပြောပါသည်။
အာဗြဟံနှင့် ထာဝရဘုရားအကြားတွင် ပဋိညာဥ် ၏ လက္ခဏာအဖြစ် ယောကျ်ားတိုင်း အရေဖျားလှီးခြင်းမင်္ဂလာကို ခံရကြမည်ဟု မိန့်တော်မူခဲ့သည်။
ကလေး အသက်ရှစ်ရက်ကျော်လျှင် အရေဖျားလှီးခြင်းမင်္ဂလာပြုရမည်။
ထာဝရဘုရားနှင့် ပဋိညာဥ်ပြုထားချက်အရ မိသားစုဝင်ဖြစ်သော တပါးအမျိုးသားတို့သည်လည်း အရေဖျားလှီးခြင်း မင်္ဂလာကို ပြုကြရမည်။
အရေဖျားလှီးခြင်း မခံသောသူတို့သည် ပဋိညာဥ်ကို ချိုး ဖေါက်သည်ဖြစ်၍ လူမျိုးတော်အဖြစ်မှ ပယ်ရှားခြင်းခံရမည်။
ထာဝရဘုရားသည် စာရဲအမည်ကို စာရာဟုပြောင်းလဲခဲ့ပါသည်။
ထာဝရဘုရားသည် စာရာအားဖြင့် အာဗြဟံ၏ သားဖွားမြင်လိမ့်မည်ဟု ကတိပြုပါသည်။
အာဗြဟံက အသက်ကြီးသောသူသည် သားကိုရလိမ့်မည်လောဟု ရယ်မောခြင်းဖြင့်တုံ့ပြန်ပါသည်။
အာဗြဟံက ကလေးကို ဣဇက်ဟူသောအမည်ဖြင့် မှည့်ရမည်ဟု ထာဝရဘုရား မိန့်တော်မူခဲ့သည်။
ဘုရားသခင်က သူသည်ဣဇက်နှင့်အတူ ပဋိညာဥ်ကိုတည်စေမည်ဟု ပြောပါသည်။
ဘုရားသခင်က ဣရှမေလကို ကောင်းချီးပေး၍၊ သူ၏အမျိုးအနွယ်ကို တိုးပွား များပြားစေမည်ဟု ကတိပြုပါသည်။
ထိုနေ့ချင်းတွင် အာဗြဟံသည် သူ၏ အိမ်သားယောင်္ကျားအားလုံးကို အရေဖျားလှီးခြင်း မင်္ဂလာပြုသည်။
ဣရှမေလသည် အရေဖျားလှီးခြင်းမင်္ဂလာပြုသောအခါ၊ သူ၏ အသက်တစ်ဆယ့်သုံးနှစ်ရှိပါသည်။