¹ Dagitoy dagiti nagtaud kenni Esau, nga agnagan met laeng iti Edom, ken ti napasamak maipapan kadakuada. ² Nangasawa ni Esau iti tallo a babbai manipud Canaan: ni Ada a putot a babai ni Elon a Heteo; ni Oholibama a putot a babai ni Ana ken apoko a babai ni Zibeon a Heteo; ³ ken ni Basemat, a putot a babai ni Ismael ken kabsat a babai ni Nebayot. ⁴ Impasngay ni Ada nga asawa ni Esau ni Elifaz. Impasngay ni Basemat ni Rueul. ⁵ Impasngay ni Oholibama da Jeus, Jaalam ken Kora. Amin dagitoy a putot a lallaki ni Esau ket naipasngay kabayatan nga agnanaed isuna idiay Canaan. ^6-7 Adu unay dagiti sanikua da Jacob ken Esau, gapu iti daytoy, kasapulanda pay ti nalawa a daga para kadagiti tarakenda. Ti daga a pagnanaedanda ket saan unay a nalawa para kadagiti amin a tarakenda. Isu nga innala ni Esau nga agnagan met laeng iti Edom dagiti assawana, dagiti putotna a lallaki, dagiti putotna a babbai ken amin a kameng ti sangkabalayanna, dagiti karnerona, dagiti kaldingna ken dagiti dadduma pay a tarakenna, ken amin dagiti dadduma a banbanag a nagun-odna idiay Canaan, ket inmakarda iti daga nga adayo iti kabsatna a ni Jacob. ⁸ Napanda nagnaed iti katurturodan a pagilian ti Seir. ⁹ Dagitoy dagiti nagtaud kenni Esau, a kapuonan dagiti Edomita nga nagnaed kadagiti daga a masakupan ti Seir. ¹⁰ Impasngay ni Ada nga asawa ni Esau ni Elifaz, ken impasngay ni Basemat nga asawa ni Esau ni Reuel. ¹¹ Dagiti putot a lalaki ni Elifaz ket da Teman, Omar, Zepo, Gatam ken Kenaz. ¹² Ada met laeng ti inkabbalay ni Elifaz a putot a lalaki ni Esau. Ti naganna ket Timna. Impasngayna ni Amalek. Dagidiay nga innem a lallaki ket appoko ni Ada nga asawa ni Esau. ¹³ Dagiti putot a lalaki ni Reuel ket da Nahat, Zera, Samma ken Mizza. Appoko ida ni Basemat nga asawa ni Esau. ¹⁴ Ni Oholibama nga asawa ni Esau, a putot ni Ana ken apoko ni Zibeon, impasngayna ti tallo a lallaki: ni Jeus, Jaalam ken Kora. ¹⁵ Dagitoy dagiti panguloen kadagiti kaputotan ni Esau. Dagiti kaputotan ni Elifaz, nga inauna a putotna a lalaki, dagitoy dagiti panguloen dagiti puli a naisurot met laeng iti naganda: da Teman, Omar, Zepo, Kenaz, ¹⁶ Kora, Gatam, ken Amalek. Isuda dagiti panguloen a nagtaud kenni Elifaz a nagnaed idiay Edom; isuda dagiti appoko a lallaki ni Ada. ¹⁷ Dagiti putot a lallaki ni Reuel a putot ni Esau ket kapuonan dagiti bunggoy ti tattao a maawagan iti Nahat, Zera, Samma ken dagiti bunggoy ti tattao a maawagan Mizza. Nagtauda kenni Basemat nga asawa ni Esau. Nagnaedda met laeng idiay Edom. ¹⁸ Dagiti annak a lallaki ni Oholibama a putot ni Ana ket kapuonan dagiti bunggoy ti tattao a maawagan iti Jeus, Jaalam ken Kora. ¹⁹ Dayta ti listaan dagiti putot a lallaki ni Esau, ken dagiti bunggoy ti tattao a kaputotanda. ²⁰ Daytoy ti listaan dagiti kaputotan ni Seir a naibilang kadagiti bunggoy ti tattao a maawagan iti Horeo, nga isu dagiti immuna a bunggoy dagiti tattao a nagnaed iti rehion ti Edom: da Lotan, Sobal, Zibeon, Ana, ²¹ Dison, Ezer ken Disan. Dagitoy a pito a tattao ket nagbalin a kapuonan ti bunggoy ti tattao. Tunggal bunggoy dagiti tattao ket nagtaud ti naganda iti nagan ti kapuonanda. ²² Dagiti putot a lallaki ni Lotan ket da Hori ken Heman. Ti kabsat a babai ni Lotan ket ni Timna. ²³ Dagiti putot a lallaki ni Sobal ket da Alban, Manahat, Ebal, Sefo ken Onam. ²⁴ Dagiti putot a lallaki ni Zibeon ket da Aya ken Ana. Daytoy nga Ana ti nakasarak iti napudot nga ubbog idiay let-ang kabayatan nga agay-aywan kadagiti asno ni Zibeon nga amana. ²⁵ Addaan ni Ana iti dua a putot - maysa a lalaki nga agnagan iti Dison ken maysa a babai nga agnagan iti Oholibama. ²⁶ Dagiti putot a lalaki ni Dison ket da Hemdan, Esban, Itran ken Keran. ²⁷ Dagiti putot a lallaki ni Ezer ket da Bilhan, Zaaban, ken Akan. ²⁸ Dagiti putot a lallaki ni Disan ket da Uz ken Aran. ^29-30 Dagiti bunggoy ti tattao a kaputotan ni Hor ket nagnaed idiay Seir. Dagiti nagnagan dagiti bunggoy ket Lotan, Sobal, Zibeon, Ana, Dison, Ezer ken Disan. ³¹ Dagitoy dagiti nagnagan dagiti ar-ari a nagturay idiay Edom sakbay pay nga adda ari a nagturay kadagiti Israelita. ³² Ti immuna a nagturay kas ari idiay Edom ket ni Bela a putot a lalaki ni Beor. Ti nagan ti siudad a nagnaedanna ket Dinhaba. ³³ Idi natay ni Bela, naisukat a nagturay kas ari ni Jobab a putot a lalaki ni Zera. Nagtaud isuna iti siudad ti Bozra. ³⁴ Idi natay ni Jobab, naisukat a nagturay kas ari ni Husam Nagtaud isuna idiay rehion a nagnaedan dagiti bunggoy ti tattao a maawagan iti Teman. ³⁵ Idi natay ni Husam, naisukat a nagturay kas ari ni Hadan a putot a lallaki ni Bedad. Ginubat dagiti soldado ni Husam dagiti soldado ti bunggoy ti tattao a Midianita idiay rehion ti Moab ket pinarmekda ida. Ti siudad a nagdaedan ni Husam ket Avita. ³⁶ Idi natay ni Hadad, naisukat a nagturay kas ari ni Samla. Nagtaud isuna idiay Masrecca. ³⁷ Idi natay ni Samla, naisukat a nagturay kas ari ni Saul. Nagtaud isuna idiay Rehobot nga adda iti abay ti karayan nga Eufrates. ³⁸ Idi natay ni Saul, naisukat a naturay kas ari ni Baal Hanan a putot a lalaki ni Akbor. ³⁹ Idi natay ti putot a lalaki ni Akbor a ni Baal Hanan, naisukat a nagturay kas ari ni Hadad. Ti siuadad a nagnaedanna ket naawagan iti Pau. Ti nagan ti asawana ket Mehetabel. Ni Mehetabel ket putot a babai ni Matred, a putot ni Me Zahab. ^40-43 Ti sumaganad ket listaan dagiti amin a bunggoy ti tattao a kaputotan ni Esau. Da Timna, Alva, Jetet, Oholibama, Ela, Pinon, Kenaz, Teman, Mibzar, Magdiel ken Iram. Nagnanaedda amin iti daga ti Edom. Ti nagan iti daga a nagnaedan ti tunggal bunggoy ti tattao ket naisurot iti nagan dagiti bunggoy.