¹ Mumatangwa waze, kwawile nawa mbunga yinene, mba kwakapwile nyi chechimwe chakulya. Yesu yatambika tumbaji jenyi,yamba kuli ayo, '' ² keke ngune vwila mbunga mumu yapwa nyiyami kulu mumatangwa atatu mba keshi nyi chimwe chakulya. ³ Nyingu atuma kuya kumahio kwakuhona kulya, malezumuka mujila. Amwe kanakatuka kusuku.'' ⁴ Tumbaji jenyi yakumbulula,''kulimutuwana mbolo ina tesamo kukuchisa awano atu muno mupuya?'' ⁵ Ya hula, '' mbolo jingahi nulinajo?''yamba ngwo,''shimbyali.'' ⁶ Yambila mbunga kutwama hashi.Yanda mbolo shibyali, yasakwila, nyikujipalula .Yahana tumbaji jenyi hanga ahane kuli ayo, nyi kumbunga. ⁷ Kapwile nyi ishi akehe, mba muze hasakwila,yambila tumbaji kuhana. ⁸ Kalile nyi ku kuta, yanda yipalupalu yize yasalile, yiseke shimbyali yinene. ⁹ Atu apwileko ngwe tununu awana.Mba yawalweka kulimwanga. ¹⁰ Hohene yanjila mu ulungu nyi tumbaji jenyi, mba yomaya mu chihela cha ndulumanuta. ¹¹ Mba afwalisewu kejile nyi ku putuka kuhamika nenyi. Kana zange kuli yiye chilayi cha mwilu, amwesekele. ¹² Yatwa mikumi chikolo mu shipilitu yenyi mba yamba ngwenyi,'' mumu yika chisemuko chino chinazangila chilayi? mpundu na hanjika kuli yenu, chakwihi chilayi muchikahanyiwa kuchisemuko chino .'' ¹³ Mba wahichikile, nawa yanjila mu ulungu,mba yaya kusali. ¹⁴ Muze tumbaji avulamine kumbata mbolo. yambata mbolo umuwika mu ulungu. ¹⁵ Yakanyamisa ngwenyi,''kanyamenu nyi kupwa aku likingilila ku futumwiso ya afwalisewu nyi futumwiso ya heronde .'' ¹⁶ Tumbaji yanyonga hakachi ko,''mumu tushi nyi mbolo.'' ¹⁷ Yesuwanyingikine chino, yamba kuli ayo ngwenyi,''mumu yika nuna nyongela hakuhona ku pwa nyi mbolo ?enu nuli tupuputa? hanji kuchanulumbunukine? mbunge jenu hijanukala nyi ? ¹⁸ Meso nuli no, kunushi kumona? matwi nuli no, nushi kwivwa?kunushi kwiuluka?. ¹⁹ Muze napalwile mbolo jitanu hakachi ka tunun atanu, yiseke jingahi jayipalupalu nwanjile?''yamba kuli yiye,''likumi nyi alyi.'' ²⁰ Muze nguna kapalula mbolo shimbyali hakachi ka tununu atano, yiseke jingahi yaipalupalu yambolo muna katongona ?'' yamba kuli yiye ngwo, '' shimbyali.'' ²¹ Yamba ngwenyi, ''hindu kuchanulumbunukine nyi? ²² kejile kumbeteseta. Atu akuze yaneha kapuputa walunga, nyi kulyumba kuli Yesu hanga amukwate. ²³ Yesu yakwata kapuputa walunga ku kwoko, mba yamu tuwisa haze lyachihunda .Muze yafwila mate ha meso jenyi mba yasayika moko hali yiye, ya muhula, ''unamono chimwe chuma?''. ²⁴ Yahetula meso kwilu, mba yamba ngwenyi,'' ngunamono atu kana soloka ngwe mitondo yinende.'' ²⁵ Yamusayika nawa moko hameso jenyi, mba uze lunga yalaula, nyi meso jenyi ya hiluka, mba yamona yuma yeswe zwalala. ²⁶ Yesu yamulweka kuya kumahio mba yamba kuli aye ngwenyi , ''kanda unjila mumbonge .'' ²⁷ Yesu yatuhuka nyi tumbaji jenyi nyi kuya kuchihunda cha sesaliya fwilip. mba mujila yahula tumbaji jenyi , '' kuchi atu akunguvuluka ?'' ²⁸ Yakumbulula nyi kuhanjika ngwo,''yoano chipapachisa amwe ngwo 'eliya', mba akwo ngwo , umwe watu pulofeto.'' ²⁹ Ya hula, mba yenu kuchi nwakunguvuluka?'' petulu yamba kuli yiye, yena kilishitu .'' ³⁰ Yesu yakanyamisa ngwenyi kanda nukambulwila nyi umwe hakutwala kuli yami . ³¹ Yaputuka kwalongesa ngwenyi mwana wamutu mapwa mulamba linji, nyi ku mukana kuma kulwana asasendote akulutwe nyi akwa kusoneka, mba akamushihe, nyi muze matangwa atatu hapalika akahinduke. ³² Yahanjika jize sango zwalala . Mba petulu ya munjisa mukachi nyi kumuputukila kumu tenukina. ³³ Mba Yesu yateuluka nyikutala tumbaji jenyi mba yatenukila petulu ngwenyi, '' sosoloka kunyima , satana! wasele manyonga je yuma ya zambi, mba muyuma ya atu.'' ³⁴ Mba ya sanyika mbunga nyi tumbaji jenyi hamwe, yamba kuli ayo ngwenyi, '' mweswawo mazanga kungukawula, akalikale mwene nyi ku mbata kulusu lyenyi , nyi kungukawula . ³⁵ Mumu mweswawo mazanga kulamwina mwono wenyi makawutokesa, mba mweswawo makatokesa mwono wenyi mumu hali yami nyi sango lipema kumakaulamwina. ³⁶ Mumu kuchi mutu mafumbaka,kachi mapita chifuchi cheswe mba matokesa mono wenyi? ³⁷ Chika chize mutu mahana chakusumbakenya mono wenyi? ³⁸ Mweswawo mangwivwila sonyi nyi ma liji jami muno muchisemuko cha utanji nyi shili, mwana wa mutu makamwivwila sonyi muze meza mu uhenya wa tato nyi angelo asandu.''