¹ Chekanawa waputukile kuwalongesa kusesa lia chitende mbunga yinene akungulukile kuli iye.Chocho wanjilile mu ulungu watwaminemo ha chitende,nyi mbunga yeswe apwile hehi nyi chitende hashi. ² Yiye walongesele yuma jinji nyi yishimo wambile kuli ayo mulongeso lye nyi ngwenyi. ³ Yivwenu chikuwa watuhukile mukuwa. ⁴ Nyi shimbu akawile, yimwe yaholokele kusesa lya jila, nyi tujila ejile, ayi takishile. ⁵ Yikwo yaholokele homa ha mawe, haze kuyapwile nyi mavu anji.Nyi haze hene yasokele, ndama ya mavu. ⁶ Muze tangwa lya jumbukile,yapapiwile, momo kuyapwile nyi miji, yomine. ⁷ Yikwo yahololokele hakachi hamingonga, yatatukile, yayikekeselele, kuyemine mbuto. ⁸ Yikwo yahololokele ha mavu apema yemine mbuto nyi kusoka nyi kutatuka yemine yimwe makumi atatu, nyi yikwo makumi asambano, nyi yikwo kulakanji. ⁹ Yiye wambile ngenyi,'' yoze uli nyi matwi akwivwa,evwe!'' ¹⁰ Muze apwile wukawenyi, waze amu jingilikile hamwe nyi kumi nyi alyi amu hulile hakutwala kuyishima. ¹¹ Yiye wambile ku ayo ngwenyi, ''hana nwehecho kunyingika chimbikilo wanangana wa zambi. Alyoze kuli waze ali haze yuma yeswe kakuyilinga nyi yishima. ¹² Hanga hakutala aka tale, alyoze kechi kamona, mba hakwivwa akevwe, alyoze kechi kanyingika,kuchina hanji malumuka ma akonekeneko. ¹³ Iye wambile kuli ayo ngwenyi, '' kumwanyingikine chishima chino nyi?mba ngwe kuchina munu nyingika yishima yeswe?'' ¹⁴ Chikuwa makuwa lye liji. ¹⁵ Waze kusesa lya jila,haze makuwa liji, muze te hevwe, haze hene satana meza, machiza lye liji hachikuwa mumbunge jo. ¹⁶ Waze chizechene ma akuwa homa hamawe, waze muze te hevwa lye liji, haze hene malitambula nyi uwahililo. ¹⁷ O keshi nyi mizhi muli ayo ene, alyoze manyongonona hakashimbu. Kulutwe lya chize muze luyinda hanji yikumwiono muyiza mumu halya liji,hazehene matalinga. ¹⁸ Akwo waze makuwa hachi kami ngonga wano waze te hanevu lya liji, ¹⁹ alyoze yipikalo ya mwaka uno nyi kwonga chawupite nyi wusolo wa yuma yikwo hakunjila muyiketesa lye liji,mulikanda. ²⁰ Waze maakuwa hamavu apema waze mevwa lye liji, malitambula mema mbuto ,amwe makumi atatu, mukwo makumi masambano, nyimu kwo kalukaji. ²¹ Yiye wambile kuli ayo ngwenyi, ''maneha ndeya hanga ayise mushi ya chisoka nyi mushi yaka hela nyi?nehenu nuyise hachi twamo chayo. ²² Mumu chuma cha kuswana chize kachisolola chakuhi nyi chimwe, chipwe kahengekele chuma shina hanga chikasoloke nyichimwe. ²³ Kachi wumu uli nyi matwi akwivwa,evwe!'' ²⁴ Yiye wambile ayo ngwenyi,''kanyamenu hachize munwivwa, nyi cheseko chize munwese nacho kumaka nweseka nyi kuli yenu nwakwivwa, kumakanu wezela yikwo. ²⁵ Mumu mweswe ukwete, kumaka mwahayinji, nyi yoze keshi nacho kumaka muchizacho. ²⁶ Yiye wambile ngwenyi,''chocho wunapu wanangana wazambi ngwe kachi mutu makuwa mbuto hashi . ²⁷ Mba maya tulo ufuku mahinduka mwaka, nyi mbuto muyisoka nyikusuhwa,kanyingikine ngwe chize yakutatuka. ²⁸ Mumu hashi kuhakwima mbuto ya hohene :hatangu mafwo , kulutwe lya chize mutwe.Kulutwe lya chize lunona mwa to ha mutwe. ²⁹ Alyoze muze mbuto muyihia,hohene matumisa kwengo mumu kucha hicheza .'' ³⁰ Yiye wambile ngwenyi,'' chika mutupwisa wanangana wa Zambi, hanji nyi chishima chika mutu tesa? . ³¹ Ngwe lunona wa mosetate, yoze, muze mamukuwa hashi,makeha kuhyana mbuto jeswe jili hashi. ³² Alyoze, muze hamukuwa, matatuka wahyana yiputa yeswe,matangala mitango yinene, chocho tuli a mwila mahasa kutwama mu chizulye chawo.'' ³³ Mba nyi yishima yinji ngwe yino wahanjikile lye liji kuli ayo, nyi kulita nyi kuhasa cho, ³⁴ kahanjikile kuli ayo shina nyi chishima.Mba muze wapwile wukawenyi kalumbunwine yeswe kutu mbaji jenyi. ³⁵ Ha tangwa lizelyene, muze hapwile chingoloshi, yamba kuli ayo ngwenyi,'' tuzawukenu tuye musali .'' ³⁶ Mba yahichika mbunga, yamu twala hamwe no ulungu . Chizechene ngwe apwile nyi mato akwo nawa a pwile hamwe nenyi. ³⁷ Kwejile kakundukundu munene wa fuji, nyi mikanya ya supwo kelele mu ulungu chocho waputukile kuzala nyi meya . ³⁸ Yesu wapwile kunyima, mutulo hamu sau . oyamulawisa, yamba kuliye ngwo, ''longeshi, kwatu nyongenene yetu ngwetu tunatoko nyi ?'' ³⁹ Yiye walawile, wambile fuji, mba wambile kuchitende ngwenyi, '' Hwima ! hola!'' nyi fuji yahwimine, kwapwile kuhola chinene. ⁴⁰ Yiye wambile kuli ayo ngwenyi, ''kuchi te muna susu myana ? kushi te nushi nyi ufulyelo ?'' ⁴¹ o evwile woma wunji alyambile umwe kuli mukwo , ''nyi mukwo ngwo yiye kevwe yono, chipwe fuji nyi meya mamwononokena?''