¹ Yesu yanjila cheka nawa musunangonga,mwapwile nyi mutu wa kwoko hili nasosewa. ² Ayo mulayilila nyi kachi mamuwuka ha tangwa lya sambata hanga amuwanyine mulonga. ³ Yesu yamba kuli lunnga wapwile nyi kwoko lya ku sosewa ngwenyi, ''katuka umane mukachi ka eswe.'' ⁴ Mba yamba kwatu ngwenyi','' muchilita nyishimbi kulinga yipema hatangwa lya sambata nyi shina kushiha?''mba yahola kulungunga. ⁵ Muze yiye watalatalile nyi wutenu, nyi kwivwa chinyengo ha kukala cha mbunge jo, nyi yiye wambile kuli lunga, ''olola kwoko lye ''.Yiye yolola, nyi kwoko lyenyi lyehindukile. ⁶ Afalisewu atukile nyi haze hene nyi a-heloda amutwamine punga hamuwika akahase kumwonona. ⁷ Mba yesu, yakatuka hamwika nyi tumbaji twenyi,ayile kuchitende,nyi mbunga ya atu yamukawile kutuka kungalileya nyiku tukakuyundeya. ⁸ Nyi kutuka muyelusalema nyi kutuka muyindumeya nyi kuze kanda lya yotawu nyi waze aku chifuchi cha kujingilika telu nyi sendone.Chizavu chinene ha kwivwa yuma yinene halinga, yeza kuli yiye. ⁹ Yiye yatuma tumbaji twenyi hanga amusele wato amanemo mumu hambunga, hanga kechi kumushinjeka. ¹⁰ Mumu te hawuka anji, chocho waze eswe akwa upupilo yamuuzukila hanga amuse minwe. ¹¹ Heswaho minanyi yaluchisa yamumwene ,yafulamanyine kumeso jenyi kukololoka, ngwo,''yena mwana zambi''. ¹² Yiye yakanjikiza chikolo hanga kanda amusolola. ¹³ Yiye yakanduka ha mulundu, wasanyikile waze apalile, nyi ayo ejile kuliyiye. ¹⁴ Yiye watongwele kumi nyi ali {waze atongwele kupwa tumbaji} akapwe nenyi hanga akatume mukwambujola sango lipema. ¹⁵ Hanga akapwe nyi chiyulo chakutuwisa mahamba. ¹⁶ Yiye yatongola kumi nyi ali:semone, yiye yamuluka jina likwo ngwenyi petulu. ¹⁷ Tiangu mwana wa zebedewu, nyi yoano mwanakwo jya tiangu, yamu luka mjina likwo ngwenyi mbaoaneje, linalumbunuka ngwo, aana ja kulunguza. ¹⁸ Nyi andelewu, fwilipu nyi tiangu mwana alefweu,tatewu semone ka-zelo. ¹⁹ Nyi yundase ka keliyote , yoze te mamukujika. ²⁰ Mba yanjila muzuwo, nyi mbunga yiyi kunguluka cheka nawa,chocho kahashile chipwe hakutambwila kulya. ²¹ Muze chisemuka chenyi achivwile, ya vumbuka nyi kumu kwata, ayo yamba ngwo, ''kanazaluka''. ²² Mulongeshi jashimbi waze te ejile kukatuka ku yelusalema ambile ngwo, ''mbelezepu alinenyi'' chikwo ngwo, ''katuwisa ma hamba nyi mwe mwata wa mahamba. ²³ Yesu wasanyikile kuli aye wambile kuli ayo nyi yishima, ngwenyi, ''ngwe kuchi satana mahasa kutuwisa satana?. ²⁴ Nyi kachi wanangana mulihandununa wene, nyawuze wanangana wu chikeza kamana. ²⁵ Nyi kachi akwa zuwo malihandununa ene, akwa zuwo lize keshi kahasa kumana. ²⁶ Nyi kachi satana malikatukila mwene, hali handununa keshi kuhasa kumana, alyoze kumujimuwa. ²⁷ Alyoze nyiwumwe mahasa kunjila mu zuwo lya chitakame akeye yikwata yenyi shina hatangu makasa chitakame,mba hohene meya mu zuwo lyenyi. ²⁸ Chamwenemwene ngunambe kuli yenu, shili ya ana jia atu eswe kumakakonekena, chipwe nyiku shilika cheswe mashililika cheswe aku hanjika. ²⁹ Mba yoze mweswe mashililika mwiku usandu kechikamukonekena , alyoze makahisa nyi mulonga waya myaka. ³⁰ Yesu yamba chino mumu ayo ambile ngwo, ''kali nyi mwiku wa lichisa. ³¹ Naye nyi anakwo kejile nyi kumana haze.Amutuminyina kanganda amusanyike. ³² Nyi mbunga yinene yatwamine hakamwihi nyi yiye, amwambile ngwo,'' noko nyi anakwenu kali haze,kanakufupu. ³³ Yiye wakumbulwile ngwenyi,'' ayo aya amama nyi anakwetu?''. ³⁴ Yiye yatala tala waze atwamine nyi kumujinguluka yamba ngwenyi,'' talunu, wano e anakwetu nyi mama!. ³⁵ Mweswawo malinga wupale wa Zambi, yiye ye mwana akwetu, nyi ndumbwami, nyi mama''.