¹ Yamba kuli ayo , '' umwenemwene ngunanulweke ngwami, muli umwe muli yenu anamana hano kechi kafwa ndo mamona wanangana wa Zambi mu wiza nyi tachi.'' ² Muze hihapalika matangwa atanu nyi limuwika , yesu yambata Petulu nyi Tiangu nyi Yowano yakanduka kumulundu , nyi wukaho lume . hohene amwalumwine kumeso ,jo. ³ Mahina jenyi aputukile kukejima , yatoma yahyana hakutoma , nyi wumwe mukakutomesa mahasa kwatomesa chize anakatoma. ⁴ Kwasolokele kuli ayo Eliya hamuwika nyi Mose , kapwile nyi kuhanjika nyi Yesu . ⁵ Petulu yakumbula kuli Yesu ngwenyi , '' longeshi chinatuwahila kupwa kuno , tutungenu yisakila yitatu , chimuwika chayenu , chiko cha Mose , chikpo cha Eliya.'' ⁶ Mumu kakanyingine yakuhanjika , mumu woma wunji wa akwachile . ⁷ Lelwa lyejile nyiku wazulamina . Mba liji lya hanjikile mulelwa ngwo ,'' Awu mwemwanami nazanga . Mwivwenu Iye.'' ⁸ Susumuku , haku kengesa meso , kakamwene nawa nyi mukwo ndo lume Yesu. ⁹ Hakukatuka ku mu lundu , muze apwile nyi ku palumuka ku mulundu , yalweza ngwenyi kanda nulweza chipwe umwe yize nwamona ndo mwana mutu mahinduka muli afu. ¹⁰ Ayo afungile wano maliji kuli ene , mba ashimutwilile umwe nyi muko ''' yize hakutwala haku hinduka kuli afu '' chize muchipwa. ¹¹ Yamu hula ngwo , '' yika alongeshi a shimbi kakwamba ngwo chitangu Eliya kulyanga kwiza?'' ¹² iye yakumbulula ngwenyi,'' chamwenemwene Eliya malyanga kwiza nyi kuhilwisa yuma yeswe . Mba kuchi chinasonekewa hali mwana mutu ngwo makamona lamba linji nyi kumupwisa wamokomoko? ¹³ Ngunambe kuli yenu ngwami Eliya haneza, hana lingi yuma kuli iye , cheswacho azangile ngwe muze xchonasonekewa hali iye. ¹⁴ Ha kuheta kuli tumbaji , yamona mbunga yinene yajingilika , nyi alongeshi a shimbi ya lihamika nyi ye. ¹⁵ Mba mbunge yeswe ha kumumona Yesu , mbunga yakomoka chikolo yazomboka nyi kumumeneka, ¹⁶ Yahula tumbaji jenyi, '' yika nunalihamika no?' ¹⁷ Mba umwe wa mu mbunga yamukumbula ngwenyi , '' longeshi nanehanga kuli yenu mwanami walunga . Shipilitu ya ka mama ali nayo. ¹⁸ Kweswako maya chakumukwata nyi kumu limbula ,iye matutumuna fulufulu , malikopola ku mazo , nyi kuma . Nalwekanga tumbaji je ngwami awachize muli iye , mba kahashile.'' ¹⁹ Yakumbulula ngwenyi , ''chisemuko chakuhona kufulyela , matangwa angahi mungupwa nyi yenu ? matangwa angahi mungukalihumikiza nyi yenu? mune henu akuno.'' ²⁰ Yamuneha kuli Iye . Shipilitu hakumumona Yesu hazehene yamutunyisa chikolo . Yamuholola hashi nyi fulufulu muyituhuka ku kanwa. ²¹ Yesu yahula tato ngwenyi , '' myaka yingahi ayiza yino yikola ?'' tato yakumbulula ngwenyi , '' chize kuwanuke wenyi. ²² Nyi kanji kakulimbuka mu kahya nyi mumeya nyi kuzanga kumwenyeka. Nyingwe unatela kulinga chilicheswe , tuvwile kama keke.'' ²³ Yesu yamba kuli yiye ngwenyi , '' nyi mufulyela?' yuma yeswe yinashiwa kuli yoze wunafu;lyela.'' ²⁴ Haze hene tato ya mwana watetele ,'' nguna fulyela! kwasa chize ngunahono ha ufulyelo wami!'' ²⁵ Muze Yesu hamona mbunga yina zombokela kuli ayo, yambila shipilitu wa luchisa ngwenyi, '' yena shipilitu wa kamama nyi kafwa matu , nguna kwambe ngwami , tuhuka muli yiye , kanda ukanjila nawa muli iyeye.'' ²⁶ Yina kamutetesa nyi kumutunyisa chikolo nyi kutuhuka muli yiye . yasoloka ngwe mutu wakufwa , chanacho anakamba ,'' anji ngwo hafwa''. ²⁷ Yesu yamukwata ku kwoko nyi kumukatwisa, nyi yiye yakatuka . ²⁸ Yesu muze anjilile mu zuwo , tumbaji jenyi yamuhula kwawukaho ngwo , yika tuna kahonena kwatuhwisa.'' ²⁹ Yamba kuli ayo ngwenyi , '' uno mulali kushi kutuhuka ndo shina kulemba .'' ³⁰ Ytuhuka nyi kupalikamu Ngalileya .kakazangile nyi umwe kunyingika akuze ali ³¹ mumu kanakapwa nyi kulongesa tumbaji jenyi . Yamba kuli ayo ngwenyi , '' mwana mutu makamuhana ku moko ja atu, O makamushiha . Achize makamushaha hakupalika matangwa atatu makahinduka nawa.'' ³² kakanyingikine yuma anakamba , mba yevwa woma wa ku muhula. ³³ Yaheta ku Kafwnaume . Yanjila mu zuwo ya hulisa ngwenyi , '' yika nwapwanga nyi kuliha ngujola shimbu nwapwanga nyi twiza? '' ³⁴ O lyoze yahola . Mumu apwile nyi kulihangujola mujila ngwo munene wahyana hakachi ketu . ³⁵ Muze atwamine hashi , yasanyika eswe kumi nyi ali mba yamba kuli ayo ngwenyi , '''yoze mafupa kupwa mutangu , ndo akapwe musula nawa ndo mapwa ngamba ya eswe.'' ³⁶ Yanda mwana mukepe nyi kumusa mukachi ko . Yamukwata ku kwoko nyikwamba kuli ayo ngwenyi, ³⁷ Mwesawu matambula umwe mwana mukepe ma jina lya mi matambula yami ; mweswewo . matambula yami katambwi;le yami alyoze yoze wangutumine.'' ³⁸ Yowano mamba kuli yiye ngwenyi , '' longeshi , twamwene umwe kana tuhwisa mahamba mu jina lyenu mba twamukanyisanga , mumu keshi kutukaula yetu.'' ³⁹ Yesu yamba ngwenyi , '' kanda nukanyisa , mumu kunushi mutu mahasa kulinga yuma yinene mujina lyami mba nahase kuhanjika yuma yipi hali yami. ⁴⁰ Mumu yoze kalimikine nyi yetu wa yetu . ⁴¹ Mweswawo , mangwaha musenge wa meya mu jina lyami mumu nuli akwa kilishitu, umwenemwene ngunanulweke kachi katokesa ufweto wenyi. ⁴² Mweswawo,matalingisa umwe wa muli ana akepe anangufulyela , china mutela kumukashila liwe linene hakota yenyi nyi kumumbila mu kalunga lwiji. ⁴³ Nyi ngwo kwoko iye mulikutalingisa, uliteteko . chinawahe kunjila mu wanangana wa melu nyi utonji kuhyana kupwa nyi moko ali nyio kuya ku kalunga kafu , mu kahya kaze kashi kujima. ⁴⁴ Muze misangwinya keshi kufwa , nyi kahya keshi kujima. ^{45 46} Nyingo kulu iye mulikutalingisa, liteteko. chenawahe kunjila mu wanangana wa melu kuhyana kupwa nyi molu ali nyi kuya ku kalunga kawafu mu kahya kaze kashiku hasa. ^{47 48} Nyi ngwo liso lye mulikutalingisa, li chizemo. chinawahe kunjila mu wanangana wa Zambi nyi liso umuwika kuhyana kupwa nyi meso ali nyi kukumbila mu kahya ⁴⁹ Mumu kumakavungila mweswe nyi kahya . ⁵⁰ Mungwa unawaha , nyingwe mungwa unasamuka , neka mauyemesa? pwenu nyi mungwa muli yenwene , pwenu nyi sambukila umwe nyi mukwo.''