¹ Yesu wakatukile kuze apwile nyi kuya kuchihunda kumahyo nyi tumbaji jenyi amukawile. ² Muze Sambata hiyaheta, yaputuka kulongesa musunangonga. Atu anji amuvwile nawa alikomokenene. Yamba ngwo, ''kuli anakalilongesela lino longeso? Mana aka wano hanamwehe yono? Yipupu yipwahaha akulinga nyi moko jenyi iya unakamwaha? ³ Hiyeuko wakusonga mapulanga, mwana wa Maliya ukwete wano anakwo; Tiyangu, Jose, yundase nyi Semone? Kuma mandumbu jenyi keshi kuno nyiyetu? Yamuvwila kupihya Yesu. ⁴ Yesu yamba kuli ayo ngwenyi, ''Kapolofita keshi kulema muchihunda chenyi, mukachi kausoko wenyi nyi muzuwo lyo.'' ⁵ Kakalingile chilayi nyichimwe muchihunda ndo kusayika moko ha akwaku yiza akehe. ⁶ Walishimwokene ha kuhona ufulielo. Chocho Yiye waputukile kupalijeka muyihunda nyi kulongesa. ⁷ Yesu ya sanyika tumbaji kumi nyi ali, chocho yatuma ali nyi alikuya nyi kulongesa wahele tachi ja kuchiza mahamba. ⁸ Mba yalongesa kuhona kumbata nyichimwe muungeji wo, ndo mulumbu wika Mbolo ka, pakumuna ka, chipwe mbongo mumiya. ⁹ Mba yaalweza kuzala haku kumolu jo, chocho wechesele kuzala mbinja jali. ¹⁰ Yalweza ngwenyi, ''Muzuwo mweswamo munutulila, nukatwame momwene ndo nyi ha kukatukako. ¹¹ Mweswe muchihunda mahona kunutambula chipwe kunwivwa, nukakakukumuna fufuta ya kuyilyato yenu ipwe shandakenyo kuli ayo.'' ¹² Muze hatuhuka mu chihunda mba yambujola ngwo chinate atu kulikonekena. ¹³ O atuhwishile mahamba anji awayile anji nyi maji nawa awukile anji akwa kuyiza. ¹⁴ Mwanangana Helonde yevwa chize jina Yesu lyayile lufuma. Akwo yamba ngwo, ''Yowanu wachipapachisa hahinduka kukufwa keshika analingi yipekesa.'' ¹⁵ Mba akwo yamba ngwo,''Eliya'', akkwo yamba ngwo, '' Yiye kapulofeta, ngwe tupulofeta ja mwaka.'' ¹⁶ Muze Helonda achivwile yamba ngwenyi, ''Yowanu yoze nachijile mutwe hahinduka.'' ¹⁷ Helonde te hatuma kulu ngwo Yowano amukase nyikumusa mu njele hachitela cha Helondeya(pwo lya mwakwo Fwilipu) momo yiye wamumbachile. ¹⁸ Mumu Yowanu yalweza Helonde, ''Kuchatelele ana kumbata pwo lya mwakwenu.'' ¹⁹ Mba Helondeya yamuvwila kole kachi te amushihe, ²⁰ Helonda wamuvwilile woma Yowanu, wanyingikine ngwenyi mukwa ululi nawa musandu, chocho wamulamine kanawa kwivwilila kuli yiye chamunehenene uli mba kapwile nyikumwivwa kuwaha. ²¹ Mba tangwa lipema lya kusemuka chenyi, yasnyika yilolo jenyi nyi hali mahando nyi akwa lutwe a mu Ngalileya. ²² Mwana wa Helondeya wapwo yeza kuli ayo nyikuputuka kwakinyina, nyi kwavwisa kanawa Helonde nyi waze eswe asanyikine ku chiteleka. Mwanangana yamba kuli mwana pwo, '' Ngulwe yuma yeswayo unazange ngukulingile.'' ²³ Yalishinga kuli mwana pwo ngwenyi, '' Cheswe mwita kuli yami, mungukwahacho chipwe kuheta hakachi kawanangana wami.'' ²⁴ Mwana pwo wayile haze hapwile naye nyikwamba ngwenyi, '' chuma chika mungumwita yono mwanangana angulingile?'' yiye yamba, ''Mutwe wa Yowanu Chipapachiso.'' ²⁵ Hohene yazomboka washi kuli mwanangana, ngwenyi,''Ngunazange nungwehe mutwe wa Yowanu wachipapachiso halonga lya panda.'' ²⁶ Chipwe chino chamunehenene chinyengo mwanangana, kakahashile kuhona kumwaha kulita nyi lushiko ashikele mumu hikupwa nyi ngeji. ²⁷ Chocho mwananganan yatuma liswalale kuya nyikuneha mutwe wa Yowanu, Kalayi wayile nyi kuteta mutwe wa Yowanu mu njele. ²⁸ Muze haneha mutwe halonga lya panda nyi kumwaha mwana pwo yautwala kuli naye. ²⁹ Muze tumbaji jenyi hachivwa chino, ejile nyikumbata mujimba nyikutwala kufuka. ³⁰ Tumbaji ejile hamuwika nyi Yesu nyikumulweza yeswe yize alingile nyi kulongesa. ³¹ Mba yamba kuli ayo ngwenyi, '' Katukenu nuye mu puya nukahwime ha kehe.'' Mumu anji apwile nyi kwiza nyi kuya nawa kakapwile nyi wola ya kulya. ³² Yakatuka yaya mu ulungu kupuya kwa ukawo. ³³ Chocho amwene chize apwile nyikuya yazomboka fuji hamuwika kukatuka muyihunda, yalyanga kuheta. ³⁴ Mue heza ku ngenge, wamwene mbunga ya atu wavwile keke mumu apwile ngwe mapanga akuhona kafunga. waputukile kwalongesa yuma inji. ³⁵ Muze himukuya nyikutoka nyi kutoka, tumbaji ejile kuli yiye yamulweza ngwo, '' tuli mupuya nawa hikwatoka.'' ³⁶ Atumenu mu mbonge hanga alande yimwe yakulya.'' ³⁷ Alyoze wakumbulwile ngwenyi, ''Ahenuko yimwe yakulya.'' Yamba kuli yiye, ''Chinetela tuye nyi kulanda mbolo ya kulakaji jali ja mbongo hanga twahe alye?'' ³⁸ Yamba kuli ayo ngwenyi, '' Mbolo jingahi nuli najo? Yenu hanga nutale,'' Muze hanyingika, yamba ngwo, mbolo jitano nyi yishi aali.'' ³⁹ Yalweza atu eswe kutwama hashi mu mazavu ha mwambu wa wisu. ⁴⁰ Mba atwamishine mumikana ya kulakaji nyi mikana ya makumi atano. ⁴¹ Wambachile mbolo jitano nyi yish aali, mba yatala mwilu yalemba yapalula mbolo yanda yahana kutumbaji hanga ahane kuli atu. Yambata nawa yishi nyi kwapangila eswe. ⁴² Eswe alile nyi kukuta. ⁴³ Mba anjile yipalupalu ya mbolo, nyi yipakili kumi nyi yali too nyi yishi nawa. ⁴⁴ Waze alile mbolo kapwile ngwe yununu atano amalunga. ⁴⁵ Hazehene walwezele tumbaji jenyi kunjila mu wato atetekele musali ku Mbeteseta, shimbu yiye mwene machishika nyi mbunga ya atu. ⁴⁶ Muze te hashika, yaya kumulundu nyi kulemba. ⁴⁷ Ha chingoloshi, wato wapwile hakachi ka chitende, kapwile ukawenyi musali. ⁴⁸ Yiye hakwamona nyi kupinda hakupulula, mumu fuji yamikine no. ngwe mukamwihi nyi kucha, yeza kuli ayo, kanende ha chitende, yalinga ngwe mahyana. ⁴⁹ Muze hamumona nyi kwenda hachitende, yashinganyeka ngwe, mujimu mba yateta, ⁵⁰ mumu eswe mwamumona yalipikala nyi mbunge. hazehene wanjikile no ngwenyi, '' hamukenu! Yami! kanda nwivwa woma!'' ⁵¹ Hohene yanjila muwato no, nyi fuji yaholele. Kalishikishile chikolo ⁵² mumu chipupu cha mbolo te kanda chichalumbunuka. Mumu mbunge jo ja kalile. ⁵³ Muze hazawuka, ahetele kuchifuchi cha Ngenezale akashile wato. ⁵⁴ Amu atuhukile mu wato, atu yamunyingika hazehene, ⁵⁵ ya zomboka chifuchi cheswe chakujingiluka nyi kumbata mweji ha yalo kweswako avile ngwo kwali. ⁵⁶ Mweswamo anjilile mu yihunda, hanji mumembo hanji aze kuchifuchi, yatumbika mweji mu yitanda. Nyi kulyumba kuli yiye hanga akwate minwe chipwe kulupula wa hina lyenyi, nyi waze eswe amusele minwe yalumuka angunu.