¹ Mba afwaliseu nyi amwe akuli malongeshi waze akathukile ku Yelusalema amukungulukile. ² Ayo amwene amwe thumbaji kanali mbolo nyi moko aluchisa, akuhona kusana. ³ (Mumu Afwalisewu nyi Ayuda keshikulya ndo masana kumoko jo. ⁴ Muze afwalisewu akukatuka kuchitanda chakulanjishila, keshikulya ndo masana, nyikukaula yako ikwo yinji yize hanahingi, ngwe kukosa misenge, mandoho, malonga nyiize akulilaho.) ⁵ Afwalisewu nyi malongeshi yahula Yesu, "mumu waka tumbaji je keshikulinga yize makulwana hanatulongesa, nyikulya mbolo kwakuhona kusana kumoko?'' ⁶ Mba aaye yakumbuluna ngwenyi, ''Yizaya kanakaprofita kanawa hamulonga wayenu akwa malimi ali. Hanachisoneka ngwo, 'Awa athu kakungulemesa nyi kanwa, alyoze mambunge jo katwama kusuku nyiyami. ⁷ Kakunguwayila chamoko moko, mba longeso lyo lya athu." ⁸ Shimbi ja Zambi hinunambila nyi kukakaminya shimbi ja athu.'' ⁹ Nawa yalweza, '' Hinunamakuna shimbi ja Zambi hakwamba nufunge yilongeso ya tushakulu jenu! ¹⁰ Mose yamba, Lemesa tatenu nyi noko; nawa yoze masa mukuta tato nyi naye umwenemwene makafwa! ¹¹ Alyoze nwakwamba ngwo, 'nyi muthu mamba kuli tato nyi naye, "ukwaso weswe uze mutambula kuli yami Corpane"'( kulumbunuka wana wa Zambi), ¹² nushi kumuijisa cheka nawa kuhana nyichimwe kuli tato nyi naye. ¹³ Keshika nwakulelesa liji lya Zambi mumu wa yako ya yushakulu jenu. Nyi yikwo yili ngwe yiyi nwalinga." ¹⁴ wasanyikine mbunga nawa nyikwalweza, "'panjikenu kuli yami enu eswe. ¹⁵ kushi chuma chakukatuka haze lya mujimba chize muchi chisa muze muchinjila mumujimba. Chize chakukatuka mukachi ye yakuchisa." ¹⁶ Nyi umwe kali nyi matwi, apanjike. ¹⁷ Mba muze Yesu hahichika nyikunjila muzuwo, thumbaji amuhulile hachishima. ¹⁸ Yesu wambile, nyiyenu kunwavwileko? Kunushikumona ngwo chize chakunjila mulu mutu chishikuhasa ku muchisa, ¹⁹ mumu kuchishi kunjila mumbunge, alyoze yakunjila mujimo nyikuya mu wese? Nyimaliji wano Yesu wawahishile Kulya cheswe. ²⁰ Yiye wambile, " Yize yakukatuka mukachi ka mujimba ye yakumuchisa. ²¹ Mumu mukachi ka mbunge ya muthu, mwatuhuka manyonga api, utanji, wiji, kushaha, ²² upangala, lwiso, ungulungulu, kalimba limba, ujila, nyi lisolipi, nyi kushililika, kulizelula, kulivwa nyi uzuzuke. ²³ Upi weswe awu wakukatuka mu mbunge, yenayo yakuchisa muthu." ²⁴ Wakatukile kuze nyikuya ku njiza ja Teru nyi Sedone. Akuze wanjilile muzuwo, mba kakazangile nyiumwe kunyingika kuze ali, alyoze kakamuswekele. ²⁵ Shimbu yoyene, umwe pwo wapwile nyi mwana wapwo yoze wapwile nyi mahamba wavwile hamulonga wa yiye nyikwiza nyikulimbila ha molu jenyi. ²⁶ Achi, pwo wapwile Ka-Ngeresia mukwa munyachi wa Serufwenishya. walyumbile kuli yiye kuchiza mahamba muli mwanenyi wapwo. ²⁷ Yesu yamba kuli yiye, " Echa ana achilye chitangu. Mumu chatelele kwanda kulya cha ana hanga ngumbilile tuwa." ²⁸ Mba pwo wamukumbulwile ngwenyi, "Ewa mwata, chipwe tuwa mwishi lya mesa kakulya yize yinaholoka ku mesa. ²⁹ Yesu yamba kuli yiye ngwenyi, "Hakukumbulula chino, yako. Mahamba hatuhuka muli mwane." ³⁰ Aye wahilukile ku zuwo lyenyi mba wamuwanyine kanapombo hamuhela, nyi mahamba hanayi. ³¹ Cheka nawa wakatukile ku njiza ja Ture, nyi kuya ku Sidone ku lwiji wa Galileya kunjiza ja Decapole. ³² Anehene kuli yiye kafwa matwi nawa wapwile nyi chilimi cha kuhanjika, mba yamwita hanga amukwate moko. ³³ Mba Yesu yamutwala wukawenyi kuthenga, yasa minwe mu matwi jenyi, chocho yafila maate nyikukwata limi lyenyi. ³⁴ Mba yatala mwilu, nyikulikuma, nyikwamba kuli yiye, "Efwata," chinalumbunuka, "Jikuka." ³⁵ Hazehene matwi jenyi yazuluka, nyi wuta wa limi lyenyi hiwazuluka, yaputuka kuhanjika kanawa. ³⁶ Yesu wakinyishine kulweza nyiumwe. Alyoze chipwe ka kanyishine, awo ambulwile chinji. ³⁷ Ayo akomokene, kwamba, "Kulinga yuma yeswe kanawa. Aye kakupwisa akuhona matwi nyi atulimi kuhanjika."