¹ O ahetele mu sali lya chitende mu chifuchi cha A-ngandala. ² Muze hatuhuka muwulungu, hazehene umwe lunga wapwile nyi mahamba walitakanyine nenyi kanakatuka kumafuka. ³ Awu lunga wapwile nyikutwama mu mafuka. Mba nyiwumwe wahashile kumukasa nawa, chipwe nyi malenge ka. ⁴ Mumu kanji amukashile kulu nyi kule nyi malenge alyoze malenge apatukile nyi kuli ja pa=tukile yihanda. Nyiwumwe wapwile nyi tachi jakumuhyana. ⁵ Wufuku nyimwalwa wapwile mumafuka nyi mumilundu nyi kukolojoka nyi kulipula nyi mawe. ⁶ Muze amwene Yesu uchili ha suku, wazombokele nyikumuwayila. ⁷ Mba nyikukololoka nyi liji linene ngwenyi, " kuchi yami nyiyena, Yesu, mwana wa Zambi Chitunda? Lishinge mujina lya Zambi, kanda ungupinjisa.'' ⁸ Mumu wambile kuli yiye ngwe, '' ena hamba, tuhuka katuka wuye." ⁹ Yiye wa mwambile ngwenyi," jina lye yena yiya?'' Wambile kuli yiye ngwenyi, ''jina lyami tununu, mumu tuli anji.'' ¹⁰ Walyumbile kuli yiye chikolo kachi kanda akatwisa mu chihela. ¹¹ Achi mba kwapwile chendo chinene cha ngulu kaanali hamulundu, ¹² ayo amwichile ngwo, '' tutume kama kuli ngulu; hanga tunjile muli ayo.'' ¹³ Hzehene Yesu watayijile; nyi mahamba atuhukile anjilile mungulu, nyi chendo alundumukinyine mu mbongo ya chitende, ngwe tununu ali eswe afwilile mu lwiji. ¹⁴ Mba waze alishile achinyine nyikulumbununa kulimbo yize yalingiwile mumusenge, ayo atuhukile kuya nyikutala chize alingile. ¹⁵ Yeza kuli Yesu yamona mukwa mahamba, yuze wapwile nyi tununu amahamba, kanatwama kanazala hina hapwa nyi maana; newo avwile woma. ¹⁶ Waze achimwene ambulwile ngwe chize chapwile kuli mukwa mahamba, nyi hakutwala kuli ngulu. ¹⁷ Ayo aputukile kulyumba kuli yiye, katuka ku manjiza jo. ¹⁸ Shimbu anjilile mu wulungu, yoze wapwile nyi mahamba wechile kachi akawule apwe nenyi. ¹⁹ Yiye kakamutaijile, alyoze yamba kuli yiye ngwenyi, ''yaku kumahyenu kuli usoko we nyi kwalweze yiza yuma yinene Mwene hakulingila nawa nyi chize akuvwila keke.'' ²⁰ Yiye wayile waputukile kwambujola mu dekapoli yize yuma yinene amulingilile Yesu, nyi eswe akomokene. ²¹ Muze te Yesu hazawuka cheka mu wulungu, musali mbunga yinene akungulukile kuli yiye, aye wapwile kusesa lya lwiji. ²² Mba umwe wakuli akwakuyula sunangonga jina lyenyi Yaru yeze, mba muze hamumona, ²³ yalyumba ku molu jenyi, ''mwanami wapwo kanahuzu. Tweya kama, usayike moko je haliyiye hanga akapwe mungunu nyikupwa nyimwono.'' ²⁴ Yiye wejile hamwe nenyi, nyi mbunga yinene yamukawile, ano amushinjekele. ²⁵ Mba kwapwile umwe pwo, yoze wapwile nyi musongo wakuhita manyinga hamyaka kumi nyi yali. ²⁶ wamwene lamba linji nyikupalika muyipatela nyi mbuki anji, nyikumbila upite unji nawa kakamukwashile nyichimwe, alyoze wayijile kuhyana. ²⁷ Yiye te hanevu hakutwala hali Yesu, wejile hakachi kambunga kunyima, wasele minwe ku hina lyenyi. ²⁸ Mumu wambilele ngenyi, ''chipwe munusa munwe ku hina wika, mungupwa mungunu.'' ²⁹ Nyihazehene, kuhita chamanyinga chapatukile. Yiye wanyingikine mumujimba wenyi, hinahinduka ku upupilo wami. ³⁰ Yesu hazehene wanyingikine muli yiye mwene ngwenyi, ''tachi hijatuhuka muli yami. watalile mukachi kambunga nyikuhula, ''yiya wangukwata ku uzalo wami? ³¹ Tumbaji jenyi ambile uli yiye ngwo, ''unamono anakushinjeka anji, hindu unambe, ''yiya wangukwata nyi? ³² Mba Yesu watalyele kufupa yoze walinga chino chuma. ³³ Alyoze pwo, mumu kanyingine yize yinakalingiwa kuli yiye, yevwa womw nyi kuchikima. wejile nyikulwumba nyikumulweza umwenemwene weswe. ³⁴ Yiye wambile uli pwo ngwenyi, '' mwanami, ufulyelo we hiwakupwisa mungunu. Yako kanawa upwe nyi uhindukilo ku upipilo we.'' ³⁵ Shimbu achili nyikuhanjika, amwe akazuwo lya mukwa kuyula sunangonge, yeze yamba ngwo, ''Mwane hafwa. kuchi te ukatalisa Longeshi nawa? ³⁶ Alyoze Yesu hakwivwa lize liji ahanjilile, yamba kuli mukwakuyula sunangonga ngwenyi,''Kanda wivwa woma. Fulyela wika.'' ³⁷ Yiye kataijile nyiumwekuya hamwe nenyi shina Petulu,Tiyangu nyi mwanakwo Yowano. ³⁸ Awo ajile kuzuwo lyamukwa kuyula sunangonga. Yiye yamona kupinda nyizungo; kapwile nyikulila chikolo. ³⁹ Muze te hanjila, yamba kuli ayo ngwenyi, ''kuchi te nunaneha zungo nyi kulila? Mwanapwo kafwile, alyoze mutulo ali.'' ⁴⁰ Ayo amusehele. Mba yatuhwisa eswe haze nyi kumbata tato nyi naye yamwanapwo nyi waze apwile hamwe nenyi, yanjila muze mwana apwile. ⁴¹ Yiye wakwachile mwanapwo ku kwoko yamba kuli yiye ngwenyi, ''Talita kumi!.'' chinalumbunuka, ''Mwana-pwo, ngunambe kuli yena, hinduka! ⁴² hazehene mwe mwana-pwo wahindukile. mumu wapwile nyi kumi lya myaka nyi mwyaka yali. Ayo alishimwokene haze hene. ⁴³ Yiye wakanyishine chikolo ngwenyi, nyiumwe kanda akachinyingika. Mba Yesu walwezele kumwaha chakulya.