¹ Yesu yaputuka kulongesa muyishima . yamba ngwenyi, ' umwe mutu yatumba munda wa uva , yausa muchipaka wafulile wina wakukamwinamo , yatunga kaposhi waukujikile munda kuli njimi , mba wahi chikile nyi kuya kuchifuchi chikwo . ² Hawola yipema ya kwaha mbuto , watumine ngamba jenyi akatambule mbuto yakukatuka mu wande. ³ Ayo yamukwata yamulamba, chocho yamukatwisaho nyi chimwe ka . ⁴ Cheka nawa watumine ndungo kuli ayo , mba yamukolesa hamutwe nyi kumukatalisa cha sonyi . ⁵ Yiye nawa yatuma mukwo mba ya mushaha . Chocho ayishile ali mujila jizejene , alambile akwo yashaha. ⁶ Mba hikwasala umuwika mwanenyi yoze azanga , chikolo ; wamutumine kuli ayo hakusula ngwenyi , makalemesa mwanami ; ⁷ ''Alyoze waze njimi yalyamba hakachiko ngwo ,'yono mwechisalakanyi '. tatuyenu tu mu shihe , mba chihinga chi pwe nichetu '. ⁸ Chocho yamukwata , yamushaha yamumbila haze lya wande . ⁹ Keshika , mwinya wande kuchi makalinga ? kuma keza nyi kwenyeka waze njimi, nyi kuhana wande kuli akwo . ¹⁰ 'kunwatangile chipwe chisoneka chino ngwo?'' liwe lize alitunyine mukwa kutunga kulya pwa liwe lya helu lya mbango . ¹¹ Chino chinapu chakuli mwene , chikomokeso kumeso jetu.''' ¹² Halutwe lyachino o zangile kumukwata alyoze yevwa woma . wa mbunga wapwileko mumu anyikine ngwo , chishima chino ata cha kutuhisa nacho kashika yamuhichika yamu katuka. ¹³ Yatuma amwe akuli A -fwaliseu nyi akuli A-heronde kuze apwile ngwo amutele muyihayika yenyi . ¹⁴ O yamuhula ngwo , '' longeshi tunanyingika ngwetu yenu nuli wamwene mwene , ku ushi kwivwila woma nyi umwe mutu , mumu ku ushi katonde kuli atu. Alyoze kuwakulongesa jila ya Zambi .Nyi umwene mwene ngwetu muchilita nyi? sesala nyi ka? '' shina mutuhana chimwe nyi ? ¹⁵ Yiye kana nyingika kalimbalimba wo yamba kuli ayo ngwenyi , '' kuchi te munu ngweseka ? ngunehenenu lumbungo ngumutale'' ¹⁶ O yamunehenaye . chocho yamba kuli ayo ngwenyi , '' chizulye chino nyi chisoneko chino chaya ?'' o ngwo, '' cha sesale '' ¹⁷ Yesu yamba kuli ayo ngwenyi , '' hanenu sasele , nyi kuli Zambi yuma ya zambi .'' O amukomokene chikolo . ¹⁸ Nyi A-satuseu yeza kuli yiye , waze akwamba ngwo ¹⁹ ,Longeshi , mose wasone kene kuli yetu ngwenyi ,'' kachi lunga umwe mafwa nyi kuhichika mukwo -pwo , mwana wakuhi , mwanakwo akamumbate yoze pwo lya yayo akasolole mbuto ya yayo . ²⁰ Kwapwile chisemuka chama lunga ajimo limuwika shimbyali ; mutangu yambata pwo mba yafwa , nyi kuhichika mwana ka. ²¹ wamu chali yamumbata yafwa ,kwakuhona kuhichika mwana . ²² Chasulileko yoze wa mu chishimbyali yafwa kwakuhona mwana . kusula kwachino nyi mwe pwo mafwa. ²³ Ha uhindukilo , pwo lyaya makapwa hakachi ko?mumu eswe amumbachile kupwa hipwo'' ²⁴ Yesu yamba ngwenyi , '' achi che chikuma nuna honena kulinga kanawa , mumu kunwa nyikine yisoneka nyi tachi ja Zambi? ²⁵ Mumu muze atu makahinduka , kukushi kapwa kambata hanji kusomwesa malo , mba o mapwa ngwe angelo amwilu . ²⁶ Ha kutwala hauhindukilo wa afu , te kunwatangile hamikanda ya mose nyi? hakutwala kuchiputa , muze Zambi ana kahanjika ngwenyi , '' yami Zambi wa apalahama nyi Zambi wa Izake nyi wa yakomba ? ²⁷ Yiye hi Zambi ya afu ko , alyoze wakwa mono .Mba hinuna toko chikolo ''. ²⁸ Mba umwe wakuli alongeshi a shimbi yeza cheswe malihulahula kanevuko , yiye hakuhanjika ngwenyi Yesu kakumbulula kanawa .Yahula ,'' shimbi yitangu kuchi yinambe ?'' ²⁹ Yesu yamutayiza ngwenyi , '' lye liji litangu ngwo , 'yenu , aizalele , mwene Zambi yiye mwene umuwika . ³⁰ Ukazange mwene Zambi ye nyi mbunge ye yeswe , nyi tachi ye yeswe . ' ³¹ Mba yamuchali yalifwa nyi yino ngwo , 'ukazange mukwenu ngwe chize walizanga ye mwene ,'kushi liji likwo lyahiana wano ka'' ³² Hohene yiye longeshi ya shimbi yamba ngwenyi, '' pundu longeshi ,! nwamba kanawa ngwenu Zambi yiye umuwika muko nawa keshiko ndo yiye wika . ³³ Yiye kumuzanga nyi mbunge yeswe nyi yishinganyeka yeswe nyi mwono weswe nyi tachi jeswe , nyikuzanga mukwenu ye mwene , chino kuchinahiana milambu yeswe yakulumba nyi yitapo yeswe .'' ³⁴ Mwe Yesu hanona ngwe hatayiza kanawa, yamba kuli yiye ,'' ku ushi kusuku nyi wanangana wa Zambi .'' Halutwe wachize nyi umwe ya hula Yesu nawa ka. ³⁵ Muze te Yesu kanalongesa mutembele yamba ngwenyi,'' ngwe kuchi akwakusoneka akwamba ngwo kilishitu yiye mwana Zambi ? ³⁶ Ndawichi mwene, wambile nyi shipilitu musandu ,ngwenyi,'' mwene hahanjika kuli mwene wami , twama kuchilyo chami ndo mungulingisa akwakole je kupwa akulyata yena ''' . ³⁷ ndawichi yiye kamuvuluka ngwenyi 'mwene ' mba kuchi hashi te kilishitu mapwa mwana ndawichi ? chocho mbunga yinene yawahilile nyi kwivwa yize mamba. ³⁸ Mukulongesa chenyi Yesu ngwenyi , '' kanyamenu kuli akwa kusonyeka , waze akwenda nyima hina asuku akungunda kanawa hanga akameneke muyitanda. ³⁹ Kakuzanga yitwamo ya helu mu masunangonga , nyi yilela yahelu kuyi teleka . ⁴⁰ Wano kaku lumbula mazuwo amapwo twamishi , nyi haulembekese kakulemba shimbu linene wano . Kumatambula upatwilo wahiana. ⁴¹ Nyi yiye Yesu watwamine kukamwihi nyi chikasa cha kulambwilamo; chocho muze apwile nyi kuhana mbongo wa amwene . Nyi anji pichi aselemo mbongo jinji . ⁴² Umwe twamishi mukwalamba yeza , yalambula tukepe twali ,twenatwo apwile natwo ngwe sentavo yimuka. ⁴³ Yesu yasanyika tumbaji jenyi nyi kwamba kuli ayo , '' chaumwene mwene ngunambe kuli yenu , yono twamishi wapwo kalambula kanawa kuhiana eswe asanga muchikasa chakulabwila . ⁴⁴ mumu o eswe kahananga mukwoka cha mbongo jo .Mba yono twamishi mulamba lyenyi kahana jeswe jiakumu kwasa mu utwamo wenyi.''