¹ Muze akandukile ku yelusalemu, kanakapwa kukamwihi nyi mbete fweji nyi bentanyi kumu lundu wa olevwe, nyi yesu yatuma tumbaji jenyi ali ² nyi kuwalweka ngwenyi, ''yenu muchihunda tulitalanganacho. Hohene nyimwanjila , munuwana mwana chimbulu yoze kanda achinyinaho. Numukasunune mwize nenyi kuliyami . ³ Nyi kachi umwe mamba ngwenyi ,'' yika munalingila chize ?'numba ngwenyi,mwe mwene kanafupu halyapwila mahiluka cheka nawa .'' ⁴ Kanakaya nyikuwana mwana chimbulu wakukashila kupito haze ku makano ;yamukasununa . ⁵ Mba amwe kuli waze amanineko ambile kuli ayo ngwo, ''yika nunaliingi , nunaka sununa mwana chimbulu?'' ⁶ Yambulula muze mwene yesu awalwekele kulu, mbayatayiza kuya. ⁷ Amunehene mwana- chimbulu kuli Yesu asele mahina jo hali chimbulu , katwamine hali yiye . ⁸ Atu anji kanakala mahina jo mujila , nyi akwo {asembele } apatule mitongo mu minda yo . ⁹ Waze anakatetela nyi waze akawile yoze uneza mujila lya mwene . ¹⁰ Kuwafumana wanangana wuze uneza wanangana wa tata ndawichi! vulye mwilu mwahiana!'' ¹¹ Yesu yanjila muyelusalema myi kuya mutembele yatalatala kuma yeswe muchingoloshi .Yatuhuka nyi kuya ku mbetanyi hamwe nyi kumi nyi ali. ¹² Hatangwa lya kawileho muze apwile nyi ku fuma ku mbetanyi , yevwa zala . ¹³ Yiye hakumona mukuyu ku suku nyi mafwo , yakandamina ngwenyi kachi mawanako chuma ,muze ejile haka mwihi kawanyineko nyi chechimwe shina mafwo , mumu mwaka wamukuyu kanda wuheta. ¹⁴ Yesu yamba kumu kuyu ,'' nyi umwe kainda akalya mihoko kuliyena nawa . Nyi tumbaji twenyi achivwile . ¹⁵ Yeza ku yelusalema , wanjilile mutembele wapukile ku tuwisa waze alanjishile nyi waze alanjile mu tembele . Kalimbwile mesa ja akwa kusumbakenya mbongo nyi yitwamo ya kwa ku lanjisa tutele. ¹⁶ Kakataijile nyi umwe wakumbata chili cheswe chaku lanjisa mutembele. ¹⁷ Yiye yawalongesa ngwenyi ,'' kucha sonewene ngwo ; zuwo lyami makalisanyika ngwo zuwo lya kuhalishila lya micha yeswe?'' himwalumuna chivwenge cha muhuza. ¹⁸ Asasendote akwa kulutwe nyi akwa kusoneka achivwile , afupile jila ngwo amushahilemo. O yevwa woma mumu mbunga yeswe yali shimwokene ha longeso yenyi . ¹⁹ Muchingoloshi katuhukile mu limbo . ²⁰ Muze endele chimene ,amwene mukuyu hiwoma chau nyi kumiji . ²¹ Petulu hakwiwuluka muze yese ambile yamba ngwenyi , ''longeshi tala ! mukuyu wuze wuna kashinga hiwoma chau .'' ²² Yesu yakumbulwile ngwenyi , '' pwenu nyi ufulyelo kuli zambi . ²³ Wumwenemwene ngunambe kuli yenu ngwami mweswawo mamba kuli awano mulundu ngwenyi, ''tutuluka wulimbile muka lunga lwiji , nyi kayambashanyine mu mbunge yenyi alyoze mufulyele chize mamba chipwa , cheswacho mamba nyi zambi malinga chize chene. ²⁴ Keshika ngunambe kuli yenu ngwami :yeswayo munwita mukulemba , fulyelenu ngwenu matambula , muchikapwa hichenu. ²⁵ Nyi muze munumana nyi kulemba, konekenenu akwenu kushi chuma chimwe nuli nacho umwe; hanga tatenu nawa yoze wuli mu malilu , akakone milonga jenu. ²⁶ Mba nyi kunushi kukonekena , nyi tatenu wa mwilu keche kakonekena shili jenu.'' ²⁷ Kanahiluka kuyelusalema nawa . muze Yesu ejile mutembele , asasendote akwa kulutwe , akwa kusoneka, nyi makulwana ejile kuli yiye . ²⁸ Kanakamba kuli yiye ngwo , '' nyi chiyulo muka walingila ayi yuma , nawa hiya wakwaha chiyulo ?'' ²⁹ Yesu yambila kuli ayo ngwo , '' ngunuhula chihula chimwe . Ngulwekenu nyi yami ngunulweka chiyulo nakulingila . ³⁰ Wupapachiso wa yowano , wakatukile mwilu nyi kuli mutu ? ngukumbululenu'' ³¹ O kahanjikile hakachi kwo ngo , '' nyi kwamba ngwo ,' kufuma mwilu' ,'mamba ngwenyi , 'yika mwahonena kumu fulyela ? ³² mba twamba ngwo , 'kuli atu ,..avwile woma watu mumu eswe kanakatayiza ngwo yoano kapwile kapulofeto. ³³ O kanakamukumbulula Yesu ngwo,'' kutwanyingikine ''. Nyi Yesu yamba kuli wayo ngwo , ''nyi yami chishi kunulweka chiyulo chize nakulinga nacho yuma.