¹ Yesu yakatuka kuchihela apwile yaya mu chihunda cha yudaya kuhyana kulwiji wa yudawu, nyi mbunga ya atu yejile kuli yiye nawa. Walongesele nawa, kulita nyi ndako jenyi. ² Mba afwaliseu yeza kuli yiye nyikumweseeka nawa yamuhula,"' kulita nyishimbi, chinate lunga kulakula pwo lyenyi nyi''? ³ Yakumbulula ngwenyi, '' Moses kuchi anulongesele"'? ⁴ yamba ngwo," Moses wataijile lunga kusoneka mukanda wakumulakula". ⁵ Yesu yamba kuli ayo ngwenyi,"mumu wakukala chama mbunge jenu keshika Mose asonekene shimbi jino. ⁶ Alyoze, chize kukuputuka, Zambi watangile lunga nyi pwo." ⁷ Mumu hamukunda uno lunga makahichika tato nyi naye akalinunge nyimukwo pwo, ⁸ chocho eswe aali akapwe mujimba umuwika; keshi aali nawa ka mba hapwa musunya umuwika. ⁹ Kashika chize Zambi hanunga hamuwika wakuhi mutu mahasa kuchihandununa." ¹⁰ Shimbu ali muzuwo, tumbaji yamuhula nawa ha kulakula. ¹¹ Yesu yamba kuli ayo ngwenyi, "mweswawo makalakula pwo lyenye nyikumbata pwo weke kalinga ujila kuli pwo lyenyi. ¹² Nyi pwo neye nyi malakula lunga lyenyi nyi kusomboka kuli lunga weka, neye kalinga utanji."' ¹³ Chocho yaneha ana akaha akehe kuli Yesu ngwo asayike moko, mba ayo tumbaji yahonesa. ¹⁴ Mba muze Yesu hachinyingika chino, yapihilila nacho nyikwalweza ngwo, '' taizenu ana akehe akehe eze kuli ymi, kanda nwahonesa, mumu wanangana wa zambi unapu wa waze alifwa nyi ayo. ¹⁵ Pundu ngunambe kuli yenu ngwami, yoze mahona kutayiza wanangana wa Zambi ngwe wano ana akehe chamwenemwene kechi kanjilamo.'' ¹⁶ Chocho waseele mumoko jenyi nyi kwakisula wa sayikile moko jenyi. ¹⁷ Muze haputuka ungeji wenyi, umwe lunga yeza fuji kuli yiye nyikulyumba hashi nyikumuhula ngwenyi, ''Longeshi mupema, yika yize natela kulinga mba ngukahinge mono wamutolo?'' ¹⁸ Yesu yamba ngwenyi, ''mumu waka unangusanyikina ngwo mupema? ¹⁹ Una jinyingika shimbi ngwo: kanda ukashiha, kanda ukalinga utanji, kanda ukeya, kanda ukambulula mahuza, kanda ulaka, lemesa tatenu nyi noko.'' ²⁰ Yono lunga yakumbulula ngwenyi, ''Longeshi, jeswe jino shimbi nakujizeyela chize kuwanuke wami.'' ²¹ Yesu yamutala nyi kumuzanga mukweze. yamba kuli yiye ngwenyi, ''chuma chimuwika wahona. watela kulanjisa yeswe ulinayo nyikuhana ku yiswale, mba mukapwa nyi upite mwilu. Mba wize ungukaule yami.'' ²² Hakwivwa lino liji wakatukile nyi chinyengo, mumu wapwile nyi upite unji. ²³ Yesu yatala tala yamba kuli tumbaji ngwenyi, '' chikalu mukwa upite kunjila muwanangana wa Zambi!'' ²⁴ Tumbaji yakomoka hakwivwa wano maliji. Mba Yesu yamba nawa kuli ayo kamuchali ngwenyi, '' Ana jami, chikalu mukwa upite kunjila muwanangana wa Zambi! ²⁵ Chashi hali kamelu kupalika mu chituwa cha ndongo kuhyana pichi kuhinga muwanangana wa Zambi.'' ²⁶ Ayo alikomokene chikolo yamba kuli umwe nyimukwo, '' kuma yiya yoze mahasa kulilamwina?'' ²⁷ Muze Yesu hatala yamba kuli ayo ngwenyi, ''chikalu kuli atu, mba kuli Zambi chashi. Mumu yuma yeswe kuli Zambi yashi.'' ²⁸ Petulu yaputuka kuhanjika kuli Yesu ngwenyi, '' tala twahichika yeswe nyikukukaula.'' ²⁹ Yesu yamba ngwenyi, '' pundu ngunambe kuli yenu, ngwami nyiumwe wahichika zuwo lyenyi chipwe ayayo nyi anakwo hanji naye chipwe tato hanji ana jenyi hanji mande ha welo wayami nyi sango lipeme. ³⁰ Yiya yoze makahona kutambula kulakaji lya isuho mu mwaka uze muchifuchi chino: mazuwa hanji ayayo hanji mandumbu jenyi anaye nyi ana nyi mande jo, nyi hungumyona,muchifuchi chize muchiza kwiza, nyi mwono wamutolo. ³¹ Mba anji waze atangu makapwa asula, asula makapwa atangu. ³² Yakayuka ungeji wakuya ku Yelusaleme mba Yesu yatetekela. Tumbaji yalikomokena, nyiwaze apwile hanyima yo yevwa woma. Mba Yesu yambata tumbaji jenyi kumi nyili kulumbu nawa nyi kuputuka kwalweza ize muyimusolokela halutwe. ³³ Talenu tunakanduka ku yelusalema, mba mwe mwana wamutu kuma kamukunjika kuli Asasendote akwa lutwe nyi alongeshi. kumakamuhisa nyi mulonga wa ku mushiha chocho makamukunjika kuli akwa mavungu. ³⁴ Kumaka muhungumyona, makamufwilila mate, makamulamba shikote, nyi kumushiha. Halutwe lya matangwa atatu makahinduka.'' ³⁵ Tiyangu nyi Yowanu, ana ja Zebedeu yeza kuli yiye nyi kwamba ngwo, ''Longeshi, tunazange utulingile yize mutukuhula,'' ³⁶ Yesu yamba kuli ayo ngwenyi, ''yika nunazange ngunulingile yenu?'' ³⁷ Yamba kuli yiye ngwo, '' tutayize kutwama nyiyena muwuhenya we, umuwika kukwoko lya chipipa mukwo kuchilyo.'' ³⁸ Yesu yakumbulula ngwenyi, ''kunwanyingikine chize nunechi. munuhasa kunwa mumusenge umuwika nyiyami nyi chipwe munuhasa kupwa nyiyami mulamba lya upapachiso uze mungu papachisamo?'' ³⁹ Ayo yamba kuli yiye ngwo, ''tunahase.'' Yesu yamba kuli ayo ngwenyi, ''musenge wuze mungunwa, nyiyena monwamo nyi, nyi upapachiso uze mungu papachisa, nyiyenu manupapachisamo. ⁴⁰ Mba yiya yoze mahasa kutwama ku kwokwo lyami lyachilyo hanji kukwoko lya chipipa hiyamiko mukwa mukwakuchihana, ndo waze hanalulikilacho.'' ⁴¹ Muze tumbaji akwo hachivwa, yevwila uli Tiyangu nyi Yowano. ⁴² Yesu yasanyika nyikwalweza ngwenyi, '' nunanyingika ngwo waze maasela ulemu wakuyula hakachi ka akwo kuli mavungu kakulipwisa ngwe myanangana hali ayo, makulwana jo kakupwa nyiwata hali ayo. ⁴³ Mba chichikapwa chocho hali yenu. Yoze mweswe mazanga kupwa mukulwana hakachi kenu ndo mapwa ngamba, ⁴⁴ nyi yoze mazanga kupwa mutangu ndo mapwa ndungo ja eswe. ⁴⁵ Mumu mwana Mutu kakejile akamuzachile, ndo yiye akazachile, nyikwecha mwono wenyi kupwa fweto ya anji.'' ⁴⁶ Ejile ku Yeriku. Muze hakatuka muchihunda cha Yeriku nyitumbaji jenyi, nyi mbunga yinene, Mbatulumeu mwana wa Timeu, kapuputa mukwakwita, watwamine kusesa lya jila. ⁴⁷ Muze hevwa ngwo Yesu ka-Nazale, yaputuka kukolojoka nyi kwamba ngwenyi, ''Yesu mwana Ndawichi, kuvwile kama keke!'' ⁴⁸ Anji amuholesele kapuputa, nyikumulweza ngwo hola. Chocho yiye wahyanishineho chikolo, ''Mwana Ndawichi nguvwile kama keke!'' ⁴⁹ Mba muze Yesu hamana yamba ngwenyi musanyikenu. Ayo amusanyikine yoze kapuputa, yamulweza ngwo, ''hamuka katuka! Kanakusanyika," ⁵⁰ Wambilile chikuto chenyi, yakatuka yenda yaheta kuli Yesu. ⁵¹ Yesu yamukumbulula ngwenyi, ''yika unazange yami ngukulingile?'' Kapuputa yamba ngwinyi, ''Longeshi, ngunazange meso ngumone.'' ⁵² Yesu yamulweza ngweni, '' yako ufulyelo we wakuwuka. Hohene yaputuka kumona nawa, chocho wamukawile.