¹ Yesu muze atuhukile mutembele, umwe watumbaji jenyi yamuhula ngwenyi, " Longeshi tala malolwa apema nyi mazuwo apema!" ² Wambile kuli yiye ngwenyi, ''Wano mazuwo unamono? Nyilimwe zuwo kachikahichika liwe kulichikapuzuka." ³ Muze atwamine hamulundu wa Olive ha sali likwo lya tembele, Petulu, Tiyang, Yowanu nyi Andeleya amuhulile wukawo, '' ⁴ Tulyeze, shimbu lika muyikasoloka yino yuma. Chilayi chika chakumanununa yino yuma?'' ⁵ Yesu waputukile kwamba kuli ayo ngwenyi, '' kanyamenu nyiwumwe kanda anupyangula. ⁶ Anji makeza mujina lyami nyikwamba ngwo, mwe Kilishitu yami; makapyangula anji. ⁷ Muze munwivwa jita nyi ndundumwiso ya jita, kanda nukasungalala: yino yuma yeswe chatamba kupwa shimbu songo kanda lichipwa. ⁸ Mumu akwa mavungu makakatukila nyi mavungu nyiakwwo, wanangana muwukakatukila wanangana nyiwukwo. Kumukukapwa minyiko ku yihela yinji, kumukukapwa tupunga. Yino yuma we wuputukilo wa misongo yakupapa. ⁹ Kanyamenu mumu makanukunjika kuli akwa kuyula, nawa makanulamba mumasunangonga. Munukamana kumeso ja nguvulu nyi mwanangana mumu hali yami, muyikapwa shindakenyo kuli ayo. ¹⁰ Alyoze sango lipema chatamba kulyambulula chitangu kumavungu eswe. ¹¹ Muze makanukwata nyi kunukunjika, kanda nukalipikala yika munuka hanjika. Mumu muli yize wola, yakuhanjika makanwahayo: hiyenuko munukahanjika, alyoze Spilitu Musandu. ¹² Mukulwana makakunjika mwanakwo kukufwa, nyi tato mwanenyi. Ana kumakakatukila isemi nyikwashihisa. ¹³ Kumakanuvwila kole mumu ha jina lyayami alyoze yoze manyongonona ndo kusongo makamulamwina. ¹⁴ Muze munumona chizelwokeso chakwenyeka chinamana kuze chatambile kumana.'' (yoze matanga ase chinyingi)'' hohene waze mapwa mu Yudeya akachinyina ku milundu. ¹⁵ Yoze mapwa helu lya zuwo kanda akasunuka hashi chipwe akande chimwe chuma muzuwo, ¹⁶ nawa yoze makapwa muwande kanda akahiluka nyikwanda hina lyenyi. ¹⁷ Alyo lamba kuli waze makapwa thufumba nyi waze makapapisa ana jo muliwaze matangwa. ¹⁸ Lembenu kanda chikapwa mu chishika. ¹⁹ Mumu makapwa matangwa alamba waze kanda apwako kuputuka muze Zambi atangile chifuchi ndo halyapwila, kukuchikapwa nawa. ²⁰ Kachi nyi ngwe Zambi katepulwile matangwa, nyi wumwe mutu maakalamwina. Alyoze ha waze hanatongola, yiye watepulile matangwa. ²¹ Nyingwe umwe mahanjika kuli yenu ngwo, '' talenu Kilishitu yono! chipwe awuze uli akuze! Kanda nukatayiza. ²² Mumu a Kilishitu amakuli nyi tupulofita amakuli kumakeza nyi yilayi nyiipekesa hanga akapyangula chipwe waze hanatongola nyingwe mahasa. ²³ Alyoze yenu, kanyamenu! hinanwambulwila yuma yeswe shimbu kanda. ²⁴ Matangwa waze akulutwe lwa lamba, tangwa kumulikalaa, kakweji kachikahana mweji. ²⁵ Tongonoshi makaholoka mumalilu nyi tachi jili mumalilu kumujikalinyika; ²⁶ Hohene makamona mwe mwana Mutu kaneza mumalilu nyi tachi jinene nyi wuhenya. ²⁷ Makatuma angelo jenyi aka kungulule waze eswe atongwele mwene kumbango jiwana, chize kusulasongo lya hashi ndo kusulasongo lya lilu. ²⁸ Lilongesenu longeso lya kumukunyu muze mitango muyovula muyisokoloka mafwo, manyingika lwiza hapwa mukamwihi sokenu mapito. ²⁹ Muze munamona yino yuma muyilingiwa, nyingikenu kuli hakamwihi kali hachikolo. ³⁰ Chamwenemwene ngunambe kuli yenu ngwami, chino chisemuka kuchichikupalika ndo yino yuma yikapilike. ³¹ Lilu nyi hashi kumuikapalika, alyoze maliji jami kechi kahwa. ³² Mba hakutwala ha tangwa lize nyi wola yize, nyiumwe kainyingikine chipwe angelo amwilu, chipwe mwe Mwana ndo Tata. ³³ Kanyamenu! laulenu, lembenu mumu kunwanyingikine ye wola muyikapwa. ³⁴ Chinapu ngwe mutu unayi muwungeji mahichika zuwo lyenyi nyikuhana milimo kuli akwamilimo ngwenyi, ''kuli mweswe milimo yenyi, mamba kuli mukwakufunga pito alawule. ³⁵ Keshika kanyamenu mumumkunwanyingikine muze mwenya zwo meza; shina chingoloshi nyi shina mukachi kaufuku, shina hakutambika ndemba, nyi shina chimenemene. ³⁶ Nyingwe meza susumuku, kanda anuwana mutulo. ³⁷ Chize ngunambe kuli yenu, ngunambila eswe; kanyamenu!''