¹ Olyoze saulu, shimbu te machihwilijela nyi maliji akwavwisa woma wakushiha tumbaji a mwene. Wayile kuli kapilishitu munene ² nyikwita mikanda yayi kungulwila yaku Ndamaseku, hanga nyikaile nyikuwana amwe akujila, malunga chipwe mapwo, akanehe akukasa ku Yelusaleme. ³ Shimbu te machiya muwenyi wenyi, nyikuheta kwihi nyi Ndamashiku, susumuku kwejile pangu lyamujingulukile kukatuka mwilu; ⁴ walimbukile hashi nyi kwivwa liji lyambile kuli yiye ngwo,"' Saulu,Saulu, yika wakunguhungumyona.''? ⁵ Saulu yakumbulula ngwenyi,''Yena yiya Mwene?'' Mwene yamba ngwenyi; " Yami Yesu, yoze unahungumyona; ⁶ alyoze katuka, njila muchihunda mba makakulweza chize watamba kulinga'' ⁷ nyimalunga waze endele nyi Saulu amanyine ngwe tumama, ha kwiva liji mba kamwene nyi umwe. ⁸ Saulu yakatuka hashi,alyoze muze alawile meso jenyi, kakahashile kumona nyichimwe; chocho amukwachile ku kwoko nyikumuneha ku Ndamaseku. ⁹ Hamatangwa atatu wapwile kapuputa, kakalile nyi kunwa nyi chimwe. ¹⁰ Acho kwapwile umwe kambaji mu Ndamaseku jina lyenyi Ananiya. ¹¹ Mwene yamba muwusolwelo, ngwenyi, "Ananiya!'' Wambile ngwenyi ''Tala yami uno, Mwene.'' Mwene yamba kuli yiye, ''Katuka, uye kutapalo lya jina ngwo Lyalulama, uye ku zuwo lya Yunda ukahuleko lunga unakatuka ku Tasu jina lyenyi Saulu, aye kanalembe. ¹² Hanamono mu usolwelo umwe lunga jina lyenyi Ananiya kaneza hanga amusayike moko jenyi amone nawa.'' ^{13 14} Mba Ananiya yakumbulula ngwenyi, ''Mwene, hingunevu kuli anji hali awu mutu, chocho alingile chipi hali asandu jenu mu Yelusaleme: nyikuno kali nyilisesa lya Asasendote akwalutwe akakase eswe waze akusanyika ha jina lye.'' ¹⁵ Alyoze Mwene yamba kuli yiye ngwenyi, '' Yako, mumu yiye chikwachilo chami chakutongola kuli yami hanga akatwale jina lyami kuli akwamavungu nyi myanangana nyi ana ja Izalele. ¹⁶ Mumu mungukamulweza lamba lize yiye mapalikamo hamulonga wa jina lyami.'' ^{17 18} Chocho Ananiya yaya, mba yanjila muzuwo. Yasayika moko jenyi hali yiye nyikwamba ngwenyi, '' Ndumbwami Saulu, Mwene Yesu yoze wasolokele kuli yena mujila mze wapwile nyi kwiza, kangutuma hanga ulaule uzale to nyi Shipilitu Musandu.'' Susumuku mumeso jenyi himuholoka yihali nyi yihali, yiye yalaula meso; yakatuka yamupapachisa. ¹⁹ chocho walile watakamine. Watwamine nyi tumbaji mu Ndamaseku matangwa anji. ²⁰ Haze mba yambujola Yesu muma sunangonga, ngwenyi Yesu yiye Mwana Zambi. ²¹ Eswe waze amuvwile alishikishile ngwo, ''Yono hiyiyeko unakonwona mu Yelusaleme eswe anakasanyika hajina lino? Heza ambate akukase atwale kuli apilishitu anene. ²² Alyoze Saulu wapwile nyi tachi, kuhyana Ayunda amu Ndamaseku hakwa lweza ngwenyi Yesu mwe Kilishitu. ²³ muze mwapalikile matangwa anji, Ayunda anyongene kumushiha. ²⁴ Alyoze nyonga lyo Saulu walinyingikine. Ayo alayile nawa yajilo ufuku nyi mwalwa hanga amushihe. ²⁵ Hazehene mba tumbaji jenyi mu ola yaufuku yamusunwisa hashi ya mbango, nyi kumuzeza mumutonga. ²⁶ Muze heza ku Yelusaleme,Saulu wesekele kulichinga nyi tumbaji, o eswe apwile nenyi nyiwoma, kamufulyelele ngwo kambaji. ²⁷ Mba Mbalanavwe wamutwalile nyi kumuneha kuli apostolo, nyikwalweza chize Saulu amwene Mwene mujila nyi chize ahanjikile kuli yiye, nyi chize ku Ndamaseku Saulu ahanjikile nyi hamu mujina lya Mwene. ²⁸ Yiye wapwileno hamuwika nyikunjila nyi tuhwoka mu Yelusaleme. Wahanjikile nyi hamu mujina Mwene Yesu ²⁹ nyikuhungujola a Yunda; amu Ngalasha; hindu esekele kumushiha. ³⁰ Mba muze mandumbu jenyi evwile chino, ayo amunehene ku Sezeliya amutumine ku Tasu. ³¹ Chocho, chikungulwila cheswe chapalikile mu Yuleya, ngalileya nyi samaliya ahwinine alikolwezele; mba endele mu woma wa Mwene nyi kulembejeka chaShipiltu Musandu, che chikungwila chatohele. ³² Shimbu Petulu machipalijeka ndusu muchihunda cheswe,wejile nawa kuli atu ja Zambi asandu waze apwile muchihunda cha Lita. ³³ kuze wawanyine umwe lunga jina lyenyi Eneya, yoze wapwile mumuhela myaka nake, wapwile nyi kalepa. ³⁴ Petulu wambile kuliyiye ngwenyi, ''Eneya Yesu Kilishitu kankuhindwisa. Katuka lulika muhela we.'' Chocho hazehene wakatukile. ³⁵ Waze eswe atwamine mu Lita nyi Salome amumwene newo alumukinyine kuli Mwene. ³⁶ halyapwila mu Yopa mwapwile umwe kambaji jina lyenyi Tavwita (''kulyamuna ngwo Kai''). Awu pwo hanazala nyi milimo yipema nyi yitanga ya keke yize alingile ku yiswale. ³⁷ Hamatangwa waze wayijile wafwile; muze amusanyihsine, amupombesele muchipatulo chenyi cha helu. ³⁸ Shimbu telita yapwile kwihi nyi yopa nyitumbali hamevu ngwo petulu neye kuze kwali,ayo atumine malunga aali kuli yiye,nyi kumulemba,ngwo,''tweya kama washi kuli yetwe kamda ushimbula''. ³⁹ Petulu wakatukile yaya no hamuwika. muze ahetele, amukandwishile ku chipatulo cha helu, twamishi amapwo eswe amanyine kwihi nyiyiye nyi kulila, nyikumulweza yikuto nyimahina atongele kai muze apwile no ⁴⁰ Petulu waasele haze lya chize chipatulo, ya lyumba makungunwa, ya lemba chocho mba yalumuka yatala we mujimba, yamba ngwenyi, " Tavwita hinduka." Hazehene walawile meso jenyi, chocho yiye wamwene Petulu kanatwama. ⁴¹ Petulu hazehene wamuhele kwoko lyenyi nyi kumukwachisa; muze hasanyika atu asandu ja Zambi nyi twamishi, wamuhanyine wa mwono kuli ayo. ⁴² Chino yachinyingika mu Yopamweswe nyi atu anji afulyelele Mwene. ⁴³ Mba Petulu yatwama matangwa anji mu Yopa nyi lunga umwe jina lyenyi Semone, yiye mukwa kutongola.