¹ Halyapwila kwapwile umwe lunga mu Sesaleya ,nyi jina lya Keneliwu , kapitawu ka mukana wa maswalale uze ana vuluka ngwo wa yitalya . ² Mukwa kuhalisa , yiye mukwa kwivwa woma wa Zambi hamuwika nyi akwa zuwo lyenyi eswe , yiye wahanyine yawana kuli atu , walembele kuli Zambi matangwa eswe. ³ Ha wola yamuchilivwa ya mwalwa yamona zwalala mu usolwelo mungelo wa zambi kaneza kuli yiye , '' keneliwu !'' ⁴ Keneliwu yali hulikila meso jenyi hali mungelo wa too nyi woma , yamba ngwenyi '' kuchi mwene?'' Mungelo yamba kuli yiye , '' kulemba che nyi kuhana che hichina zezuka ngwe chiwulwiso ku meso ja Zambi . ⁵ Halyapwila tuma malunga ku Yope akasanyike Semone jina likwo ngwo Petulu . ⁶ Kanamukunjika kuli umwe Semone mukwa kukotongola , kali nyi zuwo lyenyi ku sasa lya kalunga lwiji.'' ⁷ Muze mungelo yoze wahanjikile kuli yiye hakatuka , Keneliwu kasanyikile ndungo jenyi ali muzuwo lyenyi , nyi swalale mukwa kulemesa Zambi wa kuli waze akuli waze akumuvumbika matangwa eswe . ⁸ Koneliwu muze te hambulula yuma yeswe kuli ayo , yaatuma ku Yopa . ⁹ Muze mutangwa lya kawileho muhola yayi suho yitano . ¹⁰ yiye wevwile zala wazangile kulya , shimbu lyoze machililika kulya, yiye amuhele usolwelo , ¹¹ yiye yamona lilu linazuluka nyi chikwachilo chipwe chinalumuka, ngwe hina linene lineza hashi , kanalisunwisa ku mbango jiwana hashi. ¹² Muze mwapwile tushitu eswe waze akwenda nyi molu awana nyi waze akukalala hashi , nyi tujila amutetela. ¹³ Mba liji lyambile kuli yiye . '' katuka , Petulu , shaha ulye.'' ¹⁴ Mba Petulu yamba , ''' hi chocho, mwene , kanda nguchilya kama nyi chimwe shipi hanji chaluchisa'' ¹⁵ Mba liji lyejile kuliyiye cheka nawa chisuho chamuchali : '' chize Zambi hanapemesa, kanda ku chivuluka chipi .'' ¹⁶ Chino chapwile katatu ; mba haze hene chikwachila chisosele mwilu ¹⁷ Halyapwila shimbu Petulu machi kakashana nyi wulumbwinwino wa wusolwelo uze amwene , kamanyi malunga waze atumine Koneliwu kanamana kuchikolo, te hahula kulu zuwo lya Semone. ¹⁸ Atambikile nyi kuhula nyi Semone yoze avulukile ngwo Petulu , nyi kanatwamako. ¹⁹ Shimbu Petulu azewile usolwelo , nyiku wambile kuli yiye ngwenyi , '' taala malunga atatu kana fupu . ²⁰ Katuka nyi kupalumuka uye hamwe no . Kanda wuyambashana kuya no mumu hingunaatumu. ²¹ Chocho Petulu wapalumukine kuli malunga wambile ngwenyi , '' yoze nanafupu yami. chika chize nunejila? ²² Ayo yamba ngwenyi , '' Koneliwu , kapitawu mukwa ululi mukwa kwivwa woma wa Zambi kaku shindakenya ku vungu lyeswe lya Ayunda, ya mwanbulwila lusango kuli kangelo musandu ja kukatuka kuli Zambi nyi kumusaka wize ku zuwo lyenyi akevwe maliji kuli yena .'' ²³ Chocho Petulu wa asanyikine mu zuwo hanga atwame nenyi. Mukwacha chimene yakatuka nyi kuya no , nyi amwe mandumbu jenyi akukatuka ku Yopa yaya nemyi. ²⁴ Muze hikwacha anjilile mu Sesaleya . Koneliwu te kanatalatala usoko wenyi nyi tusendo twenyi se hana kunguluka. ²⁵ Chapwile muze Petulu anjilile muzuwo , Koneliwu wamupawijile wamu fulamanyine nyi kumolu jenyi nyikumuyila . ²⁶ Petulu wamukatwishile , ngwenyi ,'' katuka! yamba nawa nguli mutu ''. ²⁷ Shimbu Petulu apwile nyi kuhanjika nenyi yiye wanjilile nyi kuwana atu hanakunguluka hamwika. ²⁸ Wambile kuli ayo ngwenyi , '' yenu nunanyingika ngwe kuchalitele halika yunda kulifutula hanji kulyendela nyi umwe wa ku vungu likwo . Alyoze Zambi hanangulweza ngwenyi kanda wuvuluka nyi wumwe mipi hanji wa luchisa . ²⁹ Keshika yingwiza nyi kuhamika nyi chimwe , keshika nejile muze . Nguna wula ayo nwangusanyikile.'' ³⁰ Koneliwu yamba ngwenyi , '' matangwa awana a kunyima ndo ku wola yino , nyi ha wola yamu chilivwa napwile nyi kulemba mu zuwo lyami nyi ku mona lunga hanamana kumeso jami nyi hina lya mukambo lya kulejima. ³¹ yamba ngwenyi , ' Koneliwu , kulembe che hanachipanjika kuli Zambi nyi ku hana che hichinapu chiwulwiso kumeso ja Zambi . ³² keshika tuma wumwe ku Yopa , akasake lunga wajina lya Semone lijina lyenyi likwo petulu . kana muzeke muzuwo lya Semone mukwa kukotongola kusesa lya kalunga lwiji. ³³ Hazehene keshika ngunakatuka kuli yena nyi wakalakala hiweza . Halyapwila muze yetu eswe kuno kutali kumeso ja Zambi mukwivwa yuma yize yeswe hana kwambe kuli Mwene.'' ³⁴ Mba Petulu wapalikile kanwa lyenyi wambile ngwenyi , '' chamwenemwene , ngunamono Zambi keshi katonde . ³⁵ Alyoze mu mavungu eswe yoze wakumuvwila woma nyi kulinga wululi nyi kulinga yitanga ya wululi kakupena kuli yiye . ³⁶ Nunanyika maliji waze atumine kuli a Izalele , nyikwambujola sangu lipema nyi sambukila muli Yesu kilishitu , Iye mwene wa eswe ³⁷ yenwene nunanyingika yuma yize yasolokele , yize yafuma nyine ndusu mu yundeya mweswen , nyikuputuka mu ngalileya chize ku wupapachiso wuze ambwolele Yoano; ³⁸ Yuma yize yakutwala hali Yesu kanazale , chize Zambi anuwayishile nyi mwiku wusandu nyi tachi . yiye wendele nyi kulinga yipema nyi kuhindwisa waze eswe waze aamwesele lamba kuli lyapu , mumu Zambi wapwile nenyi. ³⁹ Yetu tuli yela ja yuma yize Yesu alingile , nyi muchfuchi cha Ayunda nyi mu Yelusaleme . Iye a mushihile mu kumuzezeleka ha mutondo , ⁴⁰ Mba Zambi wamuhindwishile hatangwa lya mutatu wa musolwele pundu , ⁴¹ Hikuli atu eswe ko , alyoze kuli yela waze Zambi wa atimgwele kushio kuli yetu twalile nyi kunwa hamwe nenyi muze te hahinduka hakachi k afu . ⁴² Iye watuhele shimbi mukwambujola kuli atu nyikushindakenya chikolo ngwetu yono hana musela kuli Zambi ngaji ya a mwono nyi afu. ⁴³ Kuli yiye apolofeta eswe ambile hali yiye , ku jina lyenyi mweswawo mafulyela kuli yiye makatambula ukonekeno wa milonga . ⁴⁴ Shimbu Petulu machihanjika wano maliji shipilitu musandu wejile hali waze eswe evwile liji lyenyi . ⁴⁵ Atu eswe wazea kungalami chizavu cha akwakufulyela waze eswe ejile hamwe nyi Petulu a;ishimwokene , mumu hachawana cha shipilitu musandu yoze wazukukilele hali akwa mavungu . ⁴⁶ Mumu akwamavungu evwile kuhanjika mu malimi eka nyikuchichimyeka Zambi . mba Petulu yakumbulula ngwenyi , ⁴⁷ umwe mahasa kukanjisa meya akupapachisa wano atu , mumu ano atu hatambula shipilitu wusandu nawa nyi? '' ⁴⁸ chocho yiye wa ambile apapachise mujiina lya Yesu kilishitu . Ayo amwambile kutwama no matangwa anji.