¹ Sawulo watayijile kufwa chenyi. Ha tangwa lize kwakatukile yihungumyona yinene hachi kungulwila chize chapwile muyelasaleme; Nyi eswe amwanganyine mu yundeya nyi mu samaliya , ndo tumbaji wika. ² Malunga akwa ku yula afunjile setefano nyi ku kololoka akololokele chikolo hali yiye . ³ Mba saulu wesekele kwenyeka chikungulwila . Iye saulu wanjilile mu zuwo ngwe zuwo, kwatalyangisa malunga nyi mapwo, nawa asele mu kamenga { zuwo lya ususu}. ⁴ Mba aka kufulyela waze alimwangine ayile nyi kwambojola . ⁵ Fwilipu wayile ku limbo lyakusamaliya nyiku ambulwila sango ja kilishitu. ⁶ Atu anji aseleko mana kuli yize ya hanjikile Fwilipu ; nyi kwivwa nyi kumona yilayi alingile . ⁷ Shipilitu waluchisa atuhukile muli eswe waze apwile no, nyikulila nyi liji linene nyi anji apwile nyi kalepa nyi yitonji awukiwile. ⁸ Munakapwa kuwahilila chinene mu limbo. ⁹ Alyoze kwapwile umwe lunga jina lyenyi shimone , yoze matangwa a kunyima mu limbo walingile nyi tufutafuta ; washingile vungu lya samaliya ngwenyi yami mutu munene. ¹⁰ Eswe akwasamaliya , chize kuli mukehe ndo kuli munene . Asele mana kuli yiye ; ambile ngwo , '' yono muta tachi anzachisa ja Zambi yoze anambe ngwo munene . ¹¹ Opanjikile kulki iye mumu te ha shimbu linene waashimine nyi tufutafuta twenyi . ¹² Alyoze muze afulyele Fwilipu ha kwambujola sango lipema lya kutwala ku wanangana wa Zambi nyi jina lya Yesu kilishitu , a apapachishile , nyi malunga nyi ma pwo. ¹³ Nyi shimone mwene wafulyelele , nyi muze te ha mupapachisa watwamine nenyi Fwilipu matangwa amwe. Muze amwene yipupu yize alingile, walishikishile. ¹⁴ Muze atumbaji mu yelusaleme evwile akwa samaliya ha tambula liji lyaZambi , atumine Petulu nyi Yowano. ¹⁵ Muze ejile , kana kalembela , hanga atambule shipilitu musandu . ¹⁶ Kufuma hali ize wola , shipilitu musandu kuyake jile nyi kuli umwe mutu; awpapachishile mulijina lya mwene Yesu . ¹⁷ Hohene Petulu nyi YOwano kana kanangika moko halyayo , nyi kutambula atambwile shipilitu musandu. ¹⁸ Achi muze Shimone amwene ngwe ahanyine shipilitu ha ku nangika tumbaji moko, wahele mbongo . ¹⁹ Ngwenyi , '' ngwehenu nawa chiyulo , chino , hanga hali mweswe mungunangika moko jami akatambule shipilitu musandu'' ²⁰ Petulu wambile kuli iye ngwenyi , '' mbongo jenu jikatoke hamuwika nyi yena , mumu hiwashinganyeka kuzuka chawana cha Zambi nyi mbongo. ²¹ Ushi nyi chihanda chipwe chipinji ha chuma chino mumu mbunge ye kuyolokele ku meso ja Zambi . ²² Hohene likonekenenu ha uno uhuka we alikehese kuli mwene , hanji makukonekena kama muze muna yila yishinganyeka ye. ²³ Mumu ngunakumono ngwe uli mu kasashisa ka usasu nyi mu malenge a uhenge. ²⁴ Shimone yakumbulula ngwenyi , '' ngulembelenu kuli mwene, hanga nyichimwe cha yuma yino wamba yichi keza hali yami'' ²⁵ Muze te hashindakenya nyitachi hahanjika liji lya mwene , Petulu nyi Yowano ya hiluka ku yelusaleme , nyi kwamnbujola sango lipema ku yihunda yinji ya Asamaliya. ²⁶ Alyoze mungelo wa mwene wahanjikile kuli Fwilipu ngwenyi, '' katuka uye ku sule mujila yize ya puya ya kukatuka ku yelusaleme nyi kupalumuka ku Ngaza. ²⁷ '' Iye yakatuka yaya . Kumanyi , umwe lunga ka Etiopya , chilolo cha kandese, weswe te heza mukuwahila ku yelusaleme. ²⁸ Ha kuhiluka te kanatwama mu temba lyenyi nyi kutanga mu kanda wa mukwaminanyi Esaya. ²⁹ Shipilitu yamba kuli Fwilipu ngwenyi , '' kundama uye nyi temba lino ³⁰ '' Fwilipu ya zomboka kuli iye , ya mwivwa kanatange mukanda wa mukwaminanyi Esaya, yamba ngwenyi, '''unanyingika chize unatange ?''. ³¹ Iye wakumbulwile ngwenyi ,'' kuchi munguhasa , shina umwe mangusongwela ?''. Iye yalemba Fwilipu anyine atwame nenyi. ³² Chihanda cha chisoneka chize atangile chapwile chino ngwo , '''amutwalile ngwe panga ku chishihilo, ngwe mwana panga kumeso ja mukwa kumukamba mahola kulungunga kwenyi, chocho kapakwile kanwa lyenyi. ³³ Ha kumulelesa amuminyine . Upatwilo wa ululi mba lya makambulula chisemuko chenyi? mumu , mwono wenyi una sutuka hano hashi.'' ³⁴ Ka Etiopya yamba kuli Fwilipu ngwenyi, ngunakulembe , hali lya mukwaminanyi shina hali iyemwene nyi shina hali umwe weka?'' ³⁵ Fwilipu ya pakula kanwa lyenyi , yaputuka ku chisoneka chino yamwambulwila sango lipema lya Yesu. ³⁶ Shimbu machiya mujila , yaheta ku amwe meya mwe ka Etiyopya yamba ngwenyi, '' talenu , meya wawa . Yika yinangukwika kutambula upapachiso? ³⁷ '' Fwilipu yamba ngwenyi , nyi unafulyela nyi mbunge ye yeswe , muchilita. iye ya kumbulula ngwenyi, '' ngunafulyela Yesu kilishitu mwe mwana Zambi. I ³⁸ '' ye yamba yamanyisa temba yapalumuka . Nyikunjila meya , nyi Fwilipu nyi mwe linga , iye yamupapachisa. ³⁹ Ha kututuka mu meya , shipilitu ya mwene yamumbachile Fwilipu, ka Etiyopya kamumwene nawa , iye wayile kwenyi nyikuwahilila. ⁴⁰ Alyoze Fwilipu yamuwana ku Azotuse yapalika , nyi kwambujola sango lipema ku membo eswe ndo lume ku kesaliya.