¹ Dikany zegny, izy ka tsy afaka niaritry zegny eky zahay, nieritreretinay fa tsara mipaitraka mitaokana tao Atena. ² Nandefa i Timoty zahay,ralahinay ndraiky mpiara-miasa amin`dRagnahary ao amin`ny filazantsaran`i Kristy, mba hagnamafy ndraiky hankahery mahakasiky finoagnanarô.[Fanamariagna: dikany volagna sasany hafa taloha mivaku hoe: "nandefa Timoty zahay,ralahinay ndraiky mpanompon`dRagnahary ao amin`ny filazantsaran`i Kristy."] ³ Ntaonay zegny mba tsy hisy olo taitry baka amin`ny fahorignan`drô. Fa tegnanarô mahay fa zegny nitindregny atsika. ⁴ Marigny tsara, efa niaraka taminarô zahay, nivolagna taloloa taminarô fa atsika tsy maintsy hampahorigna, kay nitranga zegny,kara hainarô. ⁵ Dikany zegny, antony zegny, efa tsy madigny zegny eky za,mba ahaizako finoagnanarô. Donc irô mpangala fagnahy efa nangala fagnahy anarô, kay tsisy varany asatsika. ⁶ a navy taty aminay i Timoty baka taminarô aviô nitaondra vaovao maharavoravo ny finoagna ndraiky fitiavanarô zahay. Nagnambara taminay izy fa anarô managna fahatsiaraovagna tsara ninay fo,ndraiky anarô magniry maré ahita zahay kara fagniriagnanay ahita anarô. ⁷ Dikany zegny, ralahy, zahay nampaherezinarô nohon`ny finoagnanarô, tao tagnatin`ny fijaliagna ndraiky jalinay jiaby. ⁸ Fa zio ty velogno zahay,ka mipetraka maré amin`ny Tompo anarô. <sup>9</sup> Fa fankasitragna karakôry azonay amiagnan-dRagnahary aminarô, tamin`ny haravoagna jiaby zegny anagnanay tiô devant ndRagnaharinay noho ny aminarô? ¹⁰ Mivavaka maré andra aman`aligny zahay mba mety ahita saoranarô ndraiky amatsy zegny tsy ampy ao amin`ny finoagnanarô. ¹¹ hainganie tegnany Babatsika ndRagnahary, ndraiky Jesosy Tompotsika, hagnitsy lalgnanay aminarô. ¹² Tompo anie hagnabe ndraiky hampavagnono amin`ny fifankatiavanarô amin`ny hafa aviô olo jiaby,kara atanay aminarô koa. ¹³ Hainganie Izy hagnamafy fônarô, mba tsisy tsigny amin`ny fahamasignana irô devant ndRagnahary Babatsika, amin`ny fihavian`i Jesosy Tompotsika miaraka amin`drô masigny jiaby.