¹ Fa ny tegnanarô zegny mahay ry avako aby, fa ny fahaviany teto aminarô zegny tsy raha navinavy hoazy fo. ² Hainarô fa taloha tiô, nijaly sady nalaigna baraka tagny Filipy tagny zahay. Izhay zegny nasaky taoamin'ny Zagnarinay hivolagna volagnanany aminarô tagnatin'ny fanoheragna maventy. ³ Fotony fagnaragnanay zegny tsy boaka tamin'ny fahadisoagna, na boaka tamin'ny fahalotoagna, na koa tamin'ny fitaka. ⁴ Fa kanefa, araka ny fagnikian-dRagnahary zahay mba hatokisagna amin'ny tenin-dRagnahary, dikany zegny, mivolagna zahay, tsy hamparavoravo olo, fa hamparavoravo Zagnahary. Izy araiky mahay raha agnaty fô nay. ⁵ Fotony tsy napiasa irô volagna fagnokoaragna foeky izahay, araka ny fahaizanarô, na koa fialan-tsigny, fôtony Zagnahary zegny vavolombelognonay. ⁶ Na koa nitady ny voninahitry boaka amin'olo izay, na koa boaka amin-drô na boaka amin'ny hafa. Zahay zegny afaka nitaky irô tombotsoha kara irô apostolin'ny Kristy. ⁷ Fakanefa, zahay zegny tsotra taminarô kara ny reniny mankahery ny zanany naterany. [Fanamariana: Irô dikan-teny hafa sasany zegny karaty: "Fa kanefa, zahay zegny karaha tsaiky hely taminarô, koa fa mampangigny zanany naterakany ny reny."] ⁸ Kai kara zegny koa nanagnany fitiavagn ho anarô. Faly izahay magnamia anarô, tsy ny volagna Zagnahary fo, fa fihainagna nany koa. Fotony anarô nanjary tegna tianay. ⁹ Fotony azonarô honogno ry avako aby, ny asanay dariky fasahiragnanay. Rango marandraigny zisak'aligny zegny asanay mba tsy avitanay mampitondra anarô raha mavesatra. Nandritran'izegny fotoagna zegny, zahay nitony tenin-dRagnahary zegny taminarô. ¹⁰ Anarô no vavolombelogno, sady Zagnahary fo koa zegny, masigny, marigny sady tsisy tsigny ny fitondran-tengnanay teminarô iazay mino. ¹¹ Kara zegny koa zegny ahaizanarô fa hoe karakôry ma nataonay taminarô tsy araikiaraiky kara nataon'ny baba tamin'ny zanany naterany, ¹² niahangavy nagnamia môraly sady nadrisiky anarô izahay mba handeha amin'ny fomba araiky mety amin'ny Zagnahary, araiky mikaiky fanjakagnanany draiky voninahitrinany manôkagna. ¹³ Izegny no antony isaoranay Zagnary fo mandrakizay. Fa anarô koa fa mangala hafatra Zagnahary zay regninarô zegny, nalainarô zegny mba tsy ho kara volagnan'olo. Kanefa, nalainarô zegny kara raha marigny zegny, ny volagna Zagnahary.I volagna zegny fo koa no miasa aminarô zay mino. ¹⁴ Fôtony anarô, ry avako aby, zegny lôso kara irô Eglizy agny Jodia izay amin'i Jesosy Kristy. Fa anarô fo koa ane mba nijaly tamin'ny raha aby io koa boaka tamin'ny nataon-drô mpiray tanindrazagna aminarô, kara ny nahazoirô koa nohon'ny nataon'ny Jesosy taminany. ¹⁵ Irô Jiosy no namono Jesosy Kristy na irô mpaminaniny. Irô Jiosy io ane nandroaka zahay. Tsy nankasitraka Zagnahary irô. Kanefa, irô zegny fahavalon' ny olo jiaby. ¹⁶ Irô koa zegny tsy nagnomba zahay tsy hivolagna amin-drô jentilisa mb tsy hamonjegna irô. Vokatra zegny, mameno ny fahotagnan'ny tegnany mandrakizay Irô. Ny heloko zegny tsy maintsy avy amin-drô fo amin'ny farany agny. ¹⁷ Nisy fotoagna zegny zahay tafisaraka taminarô ry avako aby, ramin'ny fihatrehagna fa tsy tamin'ny fô. Tegna nazoto marigny zahay, nagniry mare,ny hahita ny sôranarô. ¹⁸ Fôtony nagniry ny andeha aminarô zahay, za, Paoly, matetiky, kanefa nisakanan'ny setoany zahay. ¹⁹ Ino mba ny tokony antenanay amin'ny hoavinay, na ravoravo, na satro-boninahitra ny fandrisiagna amin'ny tany fihaviany? Anarô ma tsy mba karaha irô sasany io koa? ²⁰ Fa anarô voninahitrinay sady fifalianay.