¹ arany, ralahy, mampahery ndraiky magnanatra anarô amin'ny Tompo Jesosy zahay, izy koa nahazo irô fampianaragna bako aminay mikasiky fomba tsy maintsy handihanarô hamalifalianarô zagnahary anarô, mba agnanovanarô lalagna andiahananaro mihoatran'ny zegny. ² Ainaro zegny fampianaragna zaigny namianay anarô baka tamin'ny Jesosy Tompo. ³ Ity sitrapon-dRagnahary, hagnamasigny ny anarô, mba hialanarô amin'ny fampirafaisagna, ⁴ zaigny tokony ahaizan'ny tsy araikiaraiky fomba azahoagna ny fanaky tegnany amin'ny fahamasignana ndraiky voninahitry, ⁵ tsy amin'ny filan-dratsy (kara irô Jentilisa tsy mahay zagnahary). ⁶ Aoka tsisy olo handika nahagnaratsy ralahinany amin'ny zegny. Fa tompo mamaly amin'iregny ra jiaby regny, kara nampidramanay vavolombelogno taminarô. ⁷ Fa zagnahary tsy nikaiky zahay hoa amin'ny fahalotoagna, fa amin'ny fahamasignana. ⁸ Dikany zegny, tsy mandà olo zaigny mandà Zagnahary araiky magnamia fagnahy masigny ho anarô. ⁹ Mikasiky fifankatiavan'ny mpirahalahy, tsy mitady olo hafa anarô anoratra ho anarô tompony fo nampiararin-dRagnahary mba hifankatia. ¹⁰ Tegna ataovanarô zegny, hoandrô ralahy jiaby zegny eran'i Makadonia. Fa zahay zegny magnanata anarô ralahy mba hagnano mihoatra. ¹¹ Magnanatra anarô ralahy mba hagnano mihoatra. Magnanatra anarô koa zahay mba hagnadragna hiaigny am-pilaminagna, agnanaovagna raharanarô manokgna, sady mba hiasa amin'ny tagnanarô, araka nandidianay anarô, ¹² mba hanagnanarô fitondran-tegna mendriky io agnatrehandrô tsy mino sady tsy hanagna raha mampalahelo. ¹³ Fa tsy tianay tsy ho hainarô ralahy mikasiky iro zegny nodimandry, mba tsy hanagnanarô halahelo kara ambin-drô zaigny tsy managna antoko amin'ny ho avy. ¹⁴ Izy koa mino atsika fa Jesosy maty kay nitsangana ndraiky, kara zegny koa hagnandaisan-dRagnahary irô zaigny efa nodimandry miaraka tamin'ny Jesosy. ¹⁵ Kara ty raha volagninay aminarô amin'ny volagnan'ny Tompo, atsika zegny velogno, zegny farany tavaila amin'ny fahatongavan'ny Tompo, tsy andaiha alohandrô zaigny fa maty. ¹⁶ Fa ijotso baka andagitry agny tenin'ny Tompo. Ho avy miaraka amin'ny feo avo Izy, miaraka amin'ny feon'ny anjely, sady miaraka amin'ny bankoran-dRagnahary, kay ny maty ao amin'i Kristy hitsangana voalohany. ¹⁷ Avio atsika zegny velogno tavela, hiaraka amindrô agny amin'ny Tompo agny amin'ny habakabaka. amin' izegny hiaraka amin'ny Tompo mandrakariva atsika. ¹⁸ Dikany zegny, mifankaherezagna anarô amin'ny zegny volagna zegny.