¹ Fa gne fanjakan-lanitry da mitovy amè lehilahy tompon-tragno, izay nizotso marandray ka hanakarama mpiasa ho any an-tanim-boalobony. ² Ary rehefa nifanaiky gne mpiasa, da nalefany negnagny an-tanim-boalobony indreo. ³ Ary nizotso tamè lera fahatelo izy, da nahita gne sasany nidoboky fotsiny. ⁴ Ka hoy izy taminy: " Alao koa anareo handeha amè tanim-boaloboky, fa izay an-keviny marina da homeko anareo." Ka nandeha niasa indreo. ⁵ Ary nijoso tamè lera fahenina sy fahasivy indraiky koa izy ka nagnano mitovy amin'izà koa. ⁶ Ary rehefa tokotry ho tamè lera fahiraika ambin'ny folo da nijoso izy ka nahita gne sasany nidoboky teo, da hoy izy taminy: " Nahoa anareo gne midoboky fotsiny etoa tontolon'andro?" ⁷ Hoy izy taminy: " Satria tsy nisy olo nagnakarama anay." Da hoy ralehilahy taminy: " Alao koa anareo megnagny amè tanim-boaloboky." ⁸ Ary rehefa ariva gn'andro, da hoy gne tompon'gne tanim-boaloboky tamè mpitandrina gne raharahany: " Angio gne mpiasa, ka aloavy gne karamany, atomboy amè tafara ka megnagny amè voalohany. ⁹ Ary rehefa avy indreo nokaramà tamè lera fahiraika ambin'ny folo, da nahazo denaria misesy agnaby indreo. ¹⁰ Fa rehefa tonga indreo voalohany, da nagnategna hahazo mihôtry indreo, kaiky samy denaria misesy avakoa gne azondreo. ¹¹ Rehefa nahazo izà izy, da nimenimeny tamè tompon-tragno ka nagnano hoe: " ¹² Indreo farany ireo da niasa lera raiky avao, kanefa naninao mitovy aminay, izay niaritry gn'avalà sy gne hain'andro." ¹³ Fa izy namaly ka nagnano tamè raiky hoe: " Ry sakaiza, tsy mba magnano izay tsy marina aminao iao. Tsy efa denaria gne nifagneketsika?'' ¹⁴ Alay gnanao, da mandehana, fa gne farany da tiako omè mitovy amin'gnanao koa. ¹⁵ Tsy mahazo magnano gne tiako amin'gn'anah me iao? Ratsy me gne masonao, satria tsara iao? ¹⁶ Da mitovy amin'izà, gne farany ho voalohany, ary gne voalohany ho farany. ¹⁷ Ary Jesosy, raha niakatry ho an'i Jerosalema, da nangala malomaloky gne mpianatry roa ambin'ny folo lahy ka nizàka tamin'azy t'andala hoe: ¹⁸ " Miakatry ho egny Jerosalema isika io, ary gne zanak'olo da atolotry ho amè lehibe gne mpisorona sy gne mpanora-dalàna, da ho sazy ho faty izy. ¹⁹ Ka atolotry amè Jentilisa mba haniny fiomezà sy ho vangoiny fiky sy ahisiny amè hazo fijalia. Fa amè andro fahatelo da hatsanga indraiky izy. ²⁰ Ary tam'izà da nagnato an'i Jesosy i endrin'gne zanak'i Zebedio izy amè zanany lehilahy, da nitanondriky sady nangataky raha maro. ²¹ Ary hoy izy taminazy hoe: " Ino gne tianao?" Da hoy ra-viavy taminazy: " Manomeza baiko mba hidoboan'itoa zanako roalahy itoa, gne raiky ho amè ankavagnanao, ary gne raiky ho amè ankavianao, da ho amè fanjakanao. ²² Fa i Jesosy namaly da nizàka hoe: " Tsy fantatrareo izay angatahinareo; hainareo gne mindragno amè kapôky izay efa hindranomako?" Hoy izy roalahy taminazy: " Hainay kà." ²³ Hoy koa Izy taminazy: " Indragno amè kapôkiko dato anareo; fa gne hipetraky amè tagnako ankavagna sy amè tagnako ankavia da tsy iao gne hanome an'izà fa izay nagnamboaran'iabako anizà gne omè anizà." ²⁴ Ary raha naharè an'izà indreo folo lahy, da vignitry tamè nan'izy mirahalahy. ²⁵ Fa i Jesosy nangaiky anazy da nizàka hoe: " Fantatrareo fa gne mpanjaka gne Jentilisa da magnandevo anazy dato, ary gne lehibeny da mpanapaky anazy fatratry." ²⁶ Fa tsy mitovy amin'izà anareo, fa izay te-ho zakabe aminareo da ho mpagnompo anareo. ²⁷ Ary izay te-ho akaboa indrindra aminareo da ho mpagnomponareo. ²⁸ Fa mitovy amin'izà, gne zanak'olo tsy tonga mba ho tompoina, fa mba hanompo ka hanolotry gn'ainy ho avotry hisolo gne maro. ²⁹ Ary raha niala tao Jeriko izy, da nisy vahoaky betsaky nagnaraky an'i Jesosy. ³⁰ Ary igny, nisy jamba roa lahy nidoboky teo amoron-dalà, ary rehefa reny fa i Jesosy gne mandalo, da nangaiky izy ka nagnano hoe: " Mamindrà fo aminay, ry Tompo, zanak'i Davida ô! ³¹ Ary gne vahoaky nizàka mafy anazy mba hangina, fa vao nagnato izy ka nagnano hoe: " Mamindrà fo aminay, ry Tompo, zanak'i Davida ô! ³² Ary Jesosy nijano, da nangaiky anazy ka nagnano hoe: " Ino gne tianareo aniko aminareo?'' ³³ Hoy izy taminy: " Zagnahariko ô, gne mba hapagnitenao gne masonay. ³⁴ Ary Jesosy da firaigny anazy ka nanendry gne masony; ary nahiratry niaraky tamin'izà izy, da nagnaraky an'i Jesosy.