¹ Raha nagnato an'i Jerosalema Jesosy sy gne mpianany ka negnao Betifaga, any an-tendrombohitr'i Oliva, da nandefa mpianatry roy Jesosy, ka nagnano hoe: " ² Mandehana anareo aminio vohitry tandrify anareo io, ary miaraky amin'izà da hahita boriky mifatotry sy gne zanany eo aminy anareo". Vavaro izy, da indeso megnaty amiko. ³ Ary raha misy mizàka anareo, da zakay hoe: " Misy raharaha ilan'i Tompo anazy, ary da havelany hindeshy miaraky amin'izay izay." ⁴ Ary nitranga izà mba hahatateraky izay nambara tamè alalan'gne mpaminany. Hoy Izy hoe: " ⁵ Izakay gne zanaka vavin'i Ziona hoe: ' Igny gne Mpanjakanao magnato anao, Manetry tegna ary mitikitry boriky-zana-boriky lahy.''' ⁶ Ary da nandeha gne mpianatry ka nagnano arak'izay nandidian'i Jesosy anazy. ⁷ Da nindeshiny gne boriky sy gne zanany ary naniny tambonin'gne lambany, ary Jesosy da nitikitry tamboninazy. ⁸ Ary gn'ankamaroan'gne vahoaky da namelatry gne lambany tandàla, ary gne sasany nagnapaky piripiky, da natapiny t'andàla tegny koa izà. ⁹ Ary gne vahoaky izay nialoha Anazy sy izay nagnaraky da nangaiky hoe: " Hosana ho an'gne Zanak'i Davida! Isaorà anie Izay avy amè agnaran'i Jehovah! Hosana any amè avo indrindra!'' ¹⁰ Ary raha efa tafiditry tany Jerosalema Izy, da nitabataba gne tanà rehetra ka nagnano hoe: " Ia me izà?" ¹¹ Ary gne vahoaky nizàka hoe: " Iao gne Jesosy mpaminany izay avy any Nazareta any Galilia. ¹² Ary Jesosy niditry teo an-kianjan'gne tempolin'Andriamanitry, da nandrôky izay rehetra nivarotry sy nivanga teo an-kianjan'gne tempoly ka nandavo gne latabatry gne mpanakalo vola sy gne fidoboan'gne mpivarotry gne voromamanga. ¹³ Da hoy izy taminy: " Efa voasoratry hoe: Gne tragnoko hanì tragno fivavahana. Fa anareo kosa magnano azy ho zohy fieren'gne Jiolahy. ¹⁴ Ary nisy jamba sy mitongaitry nagnato Anazy teo an-kianjan'gne tempoly, da nahasitrany anazy izy. ¹⁵ Fa nohon'gne hitan'gne lehibe gne mpisorona sy gne mpanora-dalàna gne zavatry mahagaga izay naniny sy gne marao madiniky eo an-kianjan'gne tempoly ka nagnano hoe: " Hosana ho anin'gne zanak'i Davida!" da vignitry indreo. ¹⁶ Ka nagnano taminy hoe: " Renao gne zakaindreo?" Da hoy Jesosy taminy: " Eka, tsy mbola voavakinareo me gne teny magnano hoe: " Avy amè vavan'gne koboty sy gne zaza minono gne nagnamboaranao fideragny?'' ¹⁷ Da nandao anazy Izy ka niala tao an-tanà nandeha avy Betania, ary da nidoboky tao manditry gne ariva Izy. ¹⁸ Ary rehefa hipody mandraigny handeha an-tanà Izy, da mosare. ¹⁹ Ary nahita hazo aviavy raiky tamoron-dalà Izy, da nagnato anazy, kaiky tsy nahita na ino na ino teo aminy, afa tsy raviny evao; da hoy Izy taminy: " Ka misy voa avy aminao esana mandrakizay." Da maigny tselatsela ilay hazo aviavy. ²⁰ Ary rehefa hitan'gne mpianatry izà, da gaga indreo ka nagnano hoe: " Akongaia lôtry gne da tonga da nahamaigny tselatsela io aviavy io?" ²¹ Ary Jesosy namaly ka nagnano taminy hoe: " Zakaiko aminareo marina tokôtry, raha manam-pinoa anareo ka tsy mihagnahagna, da tsy izao nanì tamin'gne aviavy izao avao gne ho vitanareo, fa raha hizàka amin'ity tendrombohitry ity aza anareo ka hagnano hoe: " Mifindrà anao, ka milavoa any an-dranomasy, da ho tonga izà." ²² Ary na ino na ino gne angatahinareo amè fivavahà atao amè finoà da ho azonareo. ²³ Ary rehefa tafiditry teo an-kianjan'gne tempoly Jesosy ka nampianatry, da nagnato anazy gne lehiben'gne mpisorona sy gne lonaky ka nagnano hoe: " Fahefà laha taia gne agnamboaranao anizao? Ary ia gne nagnomè anao anizao fahefà izao?" ²⁴ Ary Jesosy namaly ka nagnano taminy hoe: " Iao kosa hagnotany anareo zavatry raiky aloha, ary raha hovalianareo izà, Iao kosa da hagnambara aminareo izay fahefà agnamboarako izà." ²⁵ Gne batisan'i Jaona, avy taia mè izà? Avy t'andanitry, sa avy tamè olo? Ary indreo niara-nandiniky ka nagnano hoe: " Ka nahoa ary gne tsy nino anazy anareo? ²⁶ Ary raha ambarantsika hoe: Avy tamè olo, da malia gne vahoaky isika, satria anindreo agnaby ho mpaminany Jaona. ²⁷ Da namaly an'i Jesosy izy ka nagnano hoe : " Tsy fantatrinay." Da hoy Jesosy taminy: " Iao kosa tsy nizàka aminareo izay fahefà agnamboarako izà. ²⁸ Fa akongaia kosa gne hevitrao? Nisy zalà roy lahy iray nana zanaky lahy roy. Nandeha negnagny amin'ilay voalohany izy ary nagnano hoe: " Anaky, mandehanà miasa any amè tanim-boaloboky androany." ²⁹ Fa namaly izy ka nagnano hoe: " Tsy handeha iao". Nefa rehefa afaky izà, da nanegny da nandeha avao. ³⁰ Avy eo da nagnato amin'ilay faharoy izy ary nizàka mitovy aminizà koa. Namaly izy ka nizàka hoe: " Ho any iao, tompoko," nefa tsy negnagny izy. ³¹ Ia tamin'ireo zanany roy ireo gne nagnano gne sitrapon'gne rainy? Ary hoy indreo hoe: " Ilay voalohany." Jesosy nizàka andreo hoe: " Zakaiko marina aminareo, ireo mpamory hetra sy ireo mpivaro-tegna da hiditry gne fanjakan'Andriamanitry alohanareo. ³² Fa Jaona nagnano anareo tamè fahamarinà, fa tsy nitegno anazy anareo. Fa ireo mpamory hetra sy mpivaro-tegna nitegno anazy. Fa anareo, na da nahita izà aza, da tsy nibebaky sy tsy nitegno anazy. ³³ Tenomy ity fagnohara raiky hafa itiky. Nisy lehilahy raiky, tompona tany. Nambotry tanim-boaloboky izy, no valahany izà, nandavahany famiazana tao agnatiny, nananganany tilikambo, ary nampamondrony andreo mpamboly voaloboky. Avy teo da negnagny amè tanà hafa izy. ³⁴ Rehefa marigny gne taom-pamokarana, da nagniraky gne sasany tamin'ireo mpagnompo izy hegnagny amin'ireo mpamboly voaloboky hangala gne vokatrany. ³⁵ Fa nosamborin'ireo mpamboly voaloboky ireo mpagnompony, novangony fiky gne raiky, novonoiny gne raiky, da mbola notorahany vato gne hafa. ³⁶ Ary mbola, nandefa mpanompony hafa indraiky ilay tompon-tany, maro nohon'gne tamè voalohany, fa ninindreo mitovy aminizà evakoa. ³⁷ Taorian'izà, da nagniraky gne zanany lahitokany tany amindreo gne tompon-tany, nizaka hoe: " Hagnaza gne zanako indreo." ³⁸ Fa rehefa nahita ilay zanaky lehilahy ireo mpamboly voaloboky, da nikorà indreo hoe: " Itiky gne mpandova, Aska, ho vonointsika izy ary ho alaintsika gne lovany.'' ³⁹ Noho izà da nosamborindreo izy, natsipy tao agnatigne tanim-boaloboky ary novonoigny. ⁴⁰ Ary rehefa avy gne tompon'gne tanim-boaloboky, ino gne ho ataony amindreo mpamboly voaloboky?" ⁴¹ Hoy indreo taminy hoe: " Ho ravany amin'izay fomba mafy indrindra ireo olon-doza, ary avy eo hampamondrony amin'ireo mpamboly voaloboky hafa gne tanim-boaloboky, olo hanome anazy gne hajara-voligny amè fotoam-pamokarà." ⁴² Jesosy nizàka tamindreo hoe: " Tsy mbola namaky gne Soratra Masina mihitsy anareo hoe: " Gne vato nolavin'gne mpanorin-tragno gne natao vato fehizoro. Avy tamè Tompo izà, ary mahagaga eo imasontsika"? ⁴³ Noho izà zakaiko aminareo, hesory aminareo gne fanjakan'Andriamanitry ary homè gne firenegny izay mamokatry gne voany. ⁴⁴ Na ia na ia ho lavon'io vato io da ho rotorotiky. Fa gne hianjerany kosa da ho vilavila." ⁴⁵ Rehefa naharè ireo fanoharany ireo gne lehiben'gne mpisorona sy ireo Fariseo, da azondreo ireo fa mahakasiky andreo gne noresahany. ⁴⁶ Nikasa gne hisambotry Anazy, nefa natahotry gne vahoaky indreo, satria nanin'olo ho mpaminagny Izy.