¹ Ary raha nandalo Jesosy, da nahita lelaha jamba hatramin'izy vao teraky. ² Nagnato andreo gne mpianatriny hoe:"Raby, ia gne nagnota, io sa indreo ray aman-dreniny, no da teraky jamba mitovy amizao izy?" ³ Jesosy namaly hoe:"tsy io lelaha io no nagnota, na gne ray aman-dreniny, fa namboari izao mba hampiseoha aminy gne asan'Andriamanitry. ⁴ Tsy maitsy magnano gne asan'izay nagniraky anà itsika raha mbola mazava. Fa ho avy gne ariva izay tsy ahafan'iza na iza miasa koa. ⁵ Raha mbola eto amin'izao tontolo izao aho, da izaho no fahazavan'izao tontolo izao." ⁶ Rehefa avy nizaka izany Jesosy, da nandrora tame tany, ary nagnano feta tame rorany, ka nagnositry gne fotaky tame masony ralelaha. ⁷ Hoy izy taminy hoe:"mandehana, sasao egny ame ranon'gne Siloama(izay adika hoe:nirahina)gne masonao." Ka lasa ralelaha, nanasa izany, ary nipody nahita. ⁸ Ary nifagnotany ireo olo mpiray vody rindry tamin-dralelaha sy indreo izay nahita an'azy nangataky taloha nagnano hoe:"tsy itiky me gne lelaha nidoboky nangataky teto igny?" ⁹ Gne sasany nagnano hoe:"izy io." Ary gne sasany nizaka hoe:" tsy izy io,fa mitovy amin'azy evao io." Fa izy da nagnano hoe:"ihao ity." ¹⁰ Hoy indreo tamin'azy hoe:"akoinga gne nahitan'gne masonao?" ¹¹ Namaly izy hoe:"i rahalelaha angia hoe Jesosy no nagnano feta ary nagnositry izany tame masoko ka nizaka taminà hoe:'mandeana agny Siloama ary sasay gne masonao.' Da nandeha aho ary nanasa izany, ka nahita." ¹² Hoy indreo tamin'azy hoe:"aia izy?" Da novaliany hoe:"tsy fatako." ¹³ Netindreo teo ame Fariseo i rahalelaha izay jamba taloha. ¹⁴ Tame andro sabotsy moa no nagnamboaran'i Jesosy gne feta sy nampahita gne masony. ¹⁵ Ary nagnotany an'azy indraiky indreo Fariseo gne ame fomba nampahita an'azy. Hoy izy tamindreo hoe:"nasiany feta gne masoko, nosasako, ka mahita aho izao." ¹⁶ Gne sasany tamindreo Fariseo nizàka hoe: "Tsy avy amin'Andriamanitry ity lehilahy ity satria tsy mba magnaza gne andro sabotsy." Gne sasany nagnano hoe: "Akongaia gne ahafan'gne olo mpagnota magnano famatara zakabe mitovy amin'izao?" Ka da nisy fizarazara teo amindreo. ¹⁷ Ka da nipody nagnotany ralehilahy jamba indraiky indreo hoe:"ino no hambaranao momba anazy, hatramin'gne nampahitany gne masonao?" Hoy ralehilahy jamba hoe:"mpaminagny izy." ¹⁸ Ary mbola tsy nino gne momba anazy avao indreo Jiosy hoe izy da efa jamba ka nahita raha tsy nangaiky gne ray aman-dreniny ralehilahy nahita indreo. ¹⁹ Nagnotany indreo ray aman-dreny indreo hoe:"ity me gne zananareo izay zakainareo fa hoe teraky jamba? Ka akoinga ary no ahitany izao?" ²⁰ Ary da novalindreo ray aman-dreniny indreo hoe:"fatanay fa zananay io sady teraky jamba izy. ²¹ Gaga gne ame nahitany, tsy fatanay, ary izay nampahita gne masony tsy fatanay. Agnotanio an'azy, efa olom-be izy io. Afaky mizaka ho an'gne tegnany izy." ²² Nizaka izany indreo ray aman-dreniny, satria natatry andreo Jiosy indreo . Satria efa nifagneky indreo Jiosy fa raha misy magneky an'azy ho Kristy, da ho rohoa hiala ao ame synagoga izy. ²³ Nohon'gne amin'izany, no izakandreo ray aman-dreniny hoe:"efa olom-be izy, izy gne agnotanio." ²⁴ Ary nangaiky any rahalelaha jamba taloha fagnindroany indraiky indreo da nizaka taminy hoe:"omeo voninahitry Andriamanitry. Ftanay fa mpagnota izany lelaha izany." ²⁵ Avy teo da namaly rahalelaha hoe:"tsy fatako aloha raha mpagnota izy. Gne raha fatako da izaho:efa jamba aho taloha, fa amizao ao mahita." ²⁶ Avy teo da hoy indreo tamin'azy hoe:"fa ino no nanihiny taminao? Akoinga gne foma nampahita gne masonao?" ²⁷ Da namaly izy hoe:"efa nambarako taminareo, fa tsy niteno anareo! Ka nagnino anareo no ta-hiteno an'iza indraiky? Ta-ho isan'gne mpiantriny evakoa anareo sa,sa tsy izany? ²⁸ Nagneso an'azy indreo ka nizaka hoe:"anao no mpianatriny,fa ihay mpianatry i Mosesy. ²⁹ Fatanay fa efa niresaky tamin'i Mosesy Andriamanitry, fa raha izany lelaha izany da tsy fatanay izay nihaviany." ³⁰ Da namaly rahalelaha ka nagnano andreo hoe:"mahagaga izà, tsy fatanareo izay nihaviany, kanefa nampahita gne masoko izy. ³¹ Fantatsika fa tsy mino gne mpagnota Andriamanitry, fa raha misy mazoto mivavaky sy magnano gne sitrapony, da mihaina anazy izy. ³² Hatramin'gne nanomboan'izao tontolo izao da tsy mbola re mihitsy hoe nisy nampahita gne mason'izay teraky jamba. ³³ Ka raha tsy avy amin'Andriamanitry izany lelaha izany, da tsy mahefa na ino na ino." ³⁴ Ary da namaly indreo ka nagnano tamin'azy hoe:"tena teraky tame ota anao,da anao indraiky no hampianatry anay?" Avy teo da norohandreo hizotso izy. ³⁵ Ren'i Jesosy fa nohoroandreo tao ame synagoga izy. Ary izy nahita azy da nizaka hoe:"mino gne zanak'olo me anao?" ³⁶ Namaly izy hoe:"ia me gn'izy, Tompo,mba hinoako an'azy?" ³⁷ Jesosy nagnano tamin'azy hoe:"efa an'azy anao, ary gne raiky izay miresaky aminao ihao izany." ³⁸ Hoy rahalelaha hoe:"Tompo, mino aho." Ary da nidera an'azy izy. ³⁹ Jesosy nizaka hoe: "fa fitsara gne nihaviako eto amin'izao tontolo izao mba hahita indreo izay jamba ary mba ho lasa jamba indreo izay mahita." ⁴⁰ Nahare izany gne sasany tamindreo fariseo izay niaraky tamin'azy ka nagnotany an'azy hoe: "ary iahay avakoa me jamba?" ⁴¹ Fa Jesosy nizàka tamindreo hoe: "raha jamba anareo, da tsy ho nanan-keloky, fa anareo koa amizao mizàka hoe: 'mahita iahay; da mbola mipetraky gne helokanareo."