¹ Ary nisy Fariseo raiky angia hoe Nikodemosy, mpitarika Jiosy. ² Nagnato an'i Jesosy tame andro ariva io lehilahy io ary nizàka taminy hoe: "Raby, fatanay fa mpampianatry izay avy amin'Andriamanitry anao, satria tsy misy mahavita ireo famatara amboarinao raha tsy miaraka amè Andriamanitry." ³ Da namaly anazy i Jesosy nagnano hoe:" zakaiko aminareo marina, da marina tokoa, fa raha tsy ateraky indraiky gne olo, da tsy nahita gne fanjakan'Andriamanitra izy." ⁴ Nikodemosy nizàka taminy hoe: " Amè fomba akongaia gne hahatateraky gne olo hiditry fagnondroa ao an-trokin-dreniny izy ary hateraky, sa afaky?" ⁵ Namaly Jesosy hoe:" Zakaiko aminao marina, da marina tokôtry, fa raha tsy nateraky tamè rano sy gne fagnà gne zanak'olo, da tsy afaky hiditry ao amè fanjakan'Andriamanitry izy. ⁶ Izay ateraky gne nofo da nofo, ary ateraky gne fagnà da fagnà. ⁷ Aza gaga am'izay nozakaiko anao hoe:'tsy maitsy hateraky indraiky anareo.' ⁸ Gne rivotry miala na aia na aia iriany; renao gne feony, fa tsy fatanao izay niaviany na izay andeanany. Mitovy aby izay ateraky gne fagnà." ⁹ Namaly Nikodemosy ka nizàka taminy hoe:" Akongaia gne fomba hahatanterahan'izà raha izà?" ¹⁰ Jesosy namaly ka nizàka taminy hoe: "Mpampianatry an'Isiraely me anao, da mbola tsy azonao avao izà raha izà? ¹¹ Zakaiko aminao, marina, da marina tokôtry, fa izay fantatray gne resahanay, ary izahay magnambara gne momba izay hitanay. Kanefa mbola tsy magneky gne fagnambaranay anareo. ¹² Raha nagnambara taminareo gne raha tety an-tany aho nefa tsy hinoanareo, ame fomba akongaia gne hinoanareo anah raha hitantara aminareo gne zava-misy agny an-danitry iao? ¹³ Tsy nisy niakatry agny an-danitry afa tsy gne nidigny avy tagny, da gne zanak'olo izá. ¹⁴ Ary mitovy gne nanandratan'i Mosesy gne bibilava tagny an'efitra, gne tsy maintsy hanandratana gne zanak'olo, ¹⁵ mba hana fiaigna mandrakizay izay rehetra mino anazy. ¹⁶ Fa tena tian'Andriamanitry izao tontolo izao, ka nomeny gne zanany lahy tokany, mba tsy ho very izay rehetra mino anazy fa hanà gne fiagna mandrakizay. ¹⁷ Fa Andriamanitry tsy nagniraky gne zanaky laha ho am'izao tontolo izao mba agnameloka an'izao tontolo iza,fa mba hamojy izao tontolo izao ame alalany. ¹⁸ Izay mino azy da tsy heloina, fa izay tsy mino da efa voaheloky sahady satria tsy nino gne agnaran'ilay zanaka laha raiky sy tokan'Andriamanitry. ¹⁹ Izao no anton'gne fitsaràna: avy teto amin'izao tontolo izao gne fahazava, nefa da nalen'gne olombelo gne mizy toy izay gne mazava satria ratsy ireo asa namboariny. ²⁰ Fa izayrehetra magnano ratsy da malay gne mazava ary tsy magnota izany mba tsy ho hita miharihary ireo asany. ²¹ Kanefa, izay magnano gne marigny da magnato gne mazava mba ho hita tsara fa ireo asany da namboary arakan'Andriamanitry." ²² Tafaran'izay, da nandeha tagny Jodia Jesosy sy indreo mpianantriny. Nipetraka fotoa kidy tao niaraka tamindreo izy ary nagnono batisa. ²³ Ary Jaona koa nagnano batisa tagny Ainona akekin'i Saleima satria maro gne rano tagny. Nagnato an'azy gne vahoaka ary namboary batisa, ²⁴ fa tsy mbola nalefa agny andragno mijy i Jaona. ²⁵ Avy eo nisy fifandira tame sasany amindreo mpianatr'i Jaona sy Jiosy raiky momban'gne andro fisasa. ²⁶ Nagnato an'i Jaona izy ireo ka nizaka taminy hoe:"Raby, raiky gne niaraky taminao tagny agnilan-dReniranon'i Joridana, izay nambaranao, indro, manao batisa izy, ary magnotany azy aby izy rehetra." ²⁷ Ary Jaona namaly hoe: "tsy afaky mandray na ino na ino gne olo raiky raha nome azy aby agny an-dagnitry izany. ²⁸ Anareo koa da efa afaky gne vavolombelo ame zakaiko hoe:'tsy ilay Kristy aho,' fa kosa:'nihirany talohany.' ²⁹ Gne ampekary da an'gne mpampiakatry. Ary gne sakaizan'gne mpampiakatry, izay mitsanga sy niteno azy, da mifaly indrindra nohon'gne ame faharesaha gne feon'gne mpampiakatry. Izany, ary, no mameno gne hafaliako. ³⁰ Tsy maintsy mitombo izy, fa izaho koa tsy maintsy mihena. ³¹ Izy izay avy agny ambony da ambanin'gne raha aby. Izy izay avy eto an-tany da avy eto an-tany ary miresaka momban'gne eto an-tany.Izay avy agny andagnitry da ambonin'gne raha aby. ³² Izy da magnambara gne momba izay hitany sy reny, kanefa da tsy misy mandray gne fagnambarany. ³³ Izay nandray nge fangambarany koa da magnamarina fa marina Andriamanitry. ³⁴ Fa izay raiky nirahan'Andriamanitry da mizaka gne zakan'Andriamanitry. Satria tsy nasia fetra gne fagnomeza gne fgnaha. ³⁵ Gne Ray tia gne zanaka laha ary nametraka gne raha aby teo ampelatagnany. ³⁶ Izay mino gne zanaka laha da mana gne fiaina mandrakizay, fa izay tsy makato ilay zanaka laha koa da tsy hahita fiaina, fa hipetrahan'ny gne haviviran'Andriamanitry."