¹ Ary andro mialohan'gne fifalian'gne Paska izao. Fantatr'i Jesosy fa tonga gne lera hialagny eto amin'izao tontolo izao ka handeha agny amè Ray. Rehefa nitia gne mpiara-dia taminy tetoa amin'izao tontolo izao Izy, da nitia andreo hatramin'gne farany. ² Ary gne devoly da efa nametraky izao tao an-tsain'i Jodasy Iskarioata zanak'i Simona, da gne hamadihagny an'i Jesosy. ³ Izy da nahafantatry fa gne zavatry rehetra da efa napetrakin'gne Ray teo am-pelatagnany ary Izy da avy amin'Andriamanitry ary hiverigny agny amin'Andriamanitry. ⁴ Nitsangà Izy teo am-pisakafoagna ary nangala gne akanjogny ivelany. Avy eo Izy nangala lamba ary nisafotry izà. ⁵ Avy eo nandraraky rano tao agnaty signy Izy da nanomboky nanasa gne tombondreo mpianatry ary namafa andreo tamin'ilay lamba nisaforany. ⁶ Nagnato an'i Simona Petera Izy, ary hoy Petera taminy hoe: "Tompo, hanasha gne tomboko avao Anao?" ⁷ Jesosy namaly ary nizàka taminy hoe: "Izay ataoko da mbola tsy ho azonao izao gne heviny, fa ho azonao avao izà afara agny." ⁸ Hoy Petera taminy hoe: "Tsy hanasha gne tomboko mihintsy Anao." Jesosy namaly anazy hoe: "Raha tsy manasha gne tombonao Iao, da tsy managny anjara ato amiko anao." ⁹ Hoy Simona Petera taminy hoe:" Tompo, aza gne tomboko avao gne sashà, fa gne tagnako sy gne lohako avakoa." ¹⁰ Hoy Jesosy taminy hoe: "Izay efa nisheky da tsy mila izà, afa-tsy gne manasha tomboky avao, fa izy da efa madio tanteraky; anao da madio, fa tsy gne rehetra nefa." ¹¹ (Satria efa fantatr'i Jesosy hoe iza ilay hamadiky Anazy; izà gne antony nizàkany hoe: "Tsy anareo rehetra gne madio.") ¹² Ka rehefa avy nanasha gne tombondreo Jesosy sy nangala ireo lambany ka nidoboky indraiky, da hoy Izy tamindreo hoe: "Fantatrareo gne naniko ho anareo? ¹³ Angianareo Iao hoe 'mpampianatry' sy 'Tompo,' ary marina gne voazàkanareo, satria izà tokôtry Iao. ¹⁴ Kanefa raha Iao, sady Tompo gne mpampianatry, gne nanasha gne tombonareo, anareo avakoa da tokotry hifanasha gne tombonareo. ¹⁵ Satria efa nagnome ohatry ho anareo Iao ka mba tokotry hagnano toy izay naniko ho anareo avakoa anareo. ¹⁶ Ambarako aminareo, marina, da marina tokôtry, fa gne mpagnompo da tsy ho zakabe noho tompony izà mihintsy; na koa gne mpitondra hafatry da tsy zakabe nohon'gne nagniraky anazy. ¹⁷ Raha fantatrareo ireo zavatry ireo, da ho tahia anareo raha magnatanteraky izà. ¹⁸ Tsy anareo rehetra gne reshako; fantatro ireo izay nofidiko fa izà da mba hahatanteraky gne Soratra Masina hoe: 'Izay mihinagny gne mofoko da nanandratry gne vodi-tombony hamadika Anah.' ¹⁹ Ambarako aminareo izao izà mialohan'gne hitrangany mba rehefa mitranga izá, da mety hino anareo fa Iao gne Izy. ²⁰ Ambarako aminareo, marina, da marina tokotry, fa izay mandray izay nirako, da mandray Anazy izay nagniraky Anah." ²¹ Rehefa nagnambara izà Jesosy, da nangorohoro gne fagnahiny. Nagnambara Izy ary nizáka hoe: "Ambarako aminareo, marina, da marina tokotry fa hisy raiky aminareo hamadiky Anah." ²² Nifagnety indreo mpianatry, nagnontany tegna hoe ia izà nozàkainy izà. ²³ Nisy raiky tamindreo mpianany, izay tian'i Jesosy, nidoboky teo amè latabatry ampitan'i Jesosy. ²⁴ Nagnato io mpianatry io Simona Petera ary nizàka hoe: "Agnontanio Anazy hoe ia izà zakaigny izà." ²⁵ Ka nipody nianky tamin'i Jesosy izy ary nizàka taminy hoe: "Tompo, ia izà?" ²⁶ Avy teo Jesosy namaly hoe: "Ilay raiky izay handonako sy homeko ity mofo ity izà." Ka rehefa nolomany gne mofo, da nomeny an'i Jodasy zanak'i Simona Iskariota izà. ²⁷ Ary tafaran'gne mofo, da niditry tao aminy satana, ka hoy Jesosy taminy hoe: "Izay ataonao, ataovy malaky izà." ²⁸ Tamin'izà indreo rehetra teo an-databatry tsy nisy nahalala gne antony nizàkan'i Jesosy anazy izà. ²⁹ Gne sasany nieritreritry hoe, satria Jodasy gne nitazogny gne kitapom-bola, gne nizàkan'i Jesosy taminy hoe: "Vidio gne zavatry rehetra ilaintsika amè andro fifalia," na hoe tokotry hanome zavatry hoan'gne mahantra izy. ³⁰ Raha avy nandray gne mofo Jodasy, da lasa nijoso avy hatrany izy. Aly gn'andro tamin'izay. ³¹ Rehefa lasa Jodasy, da hoy Jesosy hoe:" Amisia da omem-boninahitry gne Zanak'Olo, ary Andriamanitry da omem-boninahitry ao aminy. ³² Andriamanitry da hanome voninahitry Anazy ao amè tegnany, ary Izy hanome voninahitry Anazy avy hatrany. ³³ Ry marao madiniky, fotoa fohy sisa gne hindraisako aminareo. Hitadia Anah anareo, ary araky gne nambarako tamindreo Jiosy hoe: 'Zay alehako, tsy azonareo aleha.' Ary ambarako aminareo koa izà amisia. ³⁴ Didy vaovao gne omeko anareo da gne hifankatiavanareo; mitovy am'gne nitiavako anareo, gne tokotry hifankatiavanareo avakoa. ³⁵ Amin'izà gne hahafantaran'gne rehetra fa mpianatro anareo, raha mifankatia anareo." ³⁶ Hoy Simona Petera taminy hoe: "Tompo, fa andeha ho aia Anao?" Namaly Jesosy hoe: "Izay andehanako, da tsy afaky hanarahanareo Anah izao, fa hagnaraky anareo agny afara." ³⁷ Da hoy Petera taminy hoe: "Tompo, nahoa iao gne tsy afaky magnaraky Anao izao? Hafoiko ho Anao gne aiko." ³⁸ Da namaly Jesosy hoe: "Hafoinao ho Anah gne ainao? Ambarako aminao, marina,da marina tokôtry, fa mbola tsy hagneno gne akoho da efa handà Anah in-telo anao."