¹ No zany ôka mba ho mpaka taka an'Andriamanitra, ôtrany zanaka malala. ² Ary mandagna amin'ny fitiavagna, araka ny nitiavan'i Kristy antsika iany kô sy nagnomezany ny tegnany ho antsika, fagnatitra manim-pôfona sy sorona ho an'Andriamanitra. ³ Fa tsy tokony hisy na de resaka fijangajangana na karazagna falotôgna na tsy fahononan-tegna aza akeo aminareo, fa tsy mendrika ny olo-masin'Andriamanitra reo. ⁴ Ôka tsisy mamôfady, resaka adaladala, ary hanihany tafaôtra, fa tsy mendrika ny daôly reo. Fa kosa tokony hisy fankasitragna. ⁵ Fa afaka mahazo antoka ny am-zao nareo, fa tsisy mpijangajanga, maloto, na ny mpierigna - zany hoe, mpanompo sampy - magnana lova akao amin'ny fanjakan'i Kristy sy Andriamanitra. ⁶ Ôko tsisy hamitaka anareo amin'ny teny fôgna, satria nony reo ra reo de tonga amin'ny zanaky ny tsy fankatoavagna ny hatezeran'Andriamanitra. ⁷ No zany, aza mikambana am-jareo. ⁸ Fa maizigna nareo talô, fa zao nareo de fazavagna akao amin'ny Tompo. Mandagna ôtrany zanaky ny mazava, ⁹ (fa ny vokatry ny fahazavagna de akao amin'ny fahatsarana daôly, fahitsina, sy famarignana.) ¹⁰ Ary tedavo ze mafinaritra ny Tompo. ¹¹ Aza mikambana am-reo asa tsy mamokatra ny haizigna, fa ampiseo kosa reo. ¹² Fa mamegnatra na de ny manognona reo ra atôn-jareo akagny amin'ny miafigna aza. ¹³ Fa rafa hazavain'ny fazavana ny ra raika, de lasa mitranga. ¹⁴ Fa ny ra daôly ze mitranga de fazavagna. No zany de vôlaza hoe: "Mifoaza, enao matory, ary mitsangana amin'ny plasin'ny maty, de hamiratra aminao Kristy." ¹⁵ Mitandrema amin'ny fomba fiaignanao tsy ôtrany tsy hendry fa ôtrany hendry. ¹⁶ Ararôty ny fotogna satria zao andro zao de ratsy. ¹⁷ No zany, aza medaladala, fa takaro hoe: Ino ny sitrapôn'ny Tompo. ¹⁸ Ary aza magnano mamon'ny divay, fa mitondra akeigny amin'ny fasimban-toetra izeigny. Fa kosa, ôka ho fenon'ny Fagna Masina, ¹⁹ mifampiresa aminareo samy nareo amin'ny salamo sy fihirana ary hiram-pagna, mihirà ary mikaloa amin'ny Tompo amin'ny fonareo daôly. ²⁰ Misaora mandrakariva amin'ny ra daôly, amin'ny agnaran'i Jesosy Kristy Tompontsika ho an'Andriamanitra le Ray, ²¹ mifanolora tegna amim-pagnajana ho an'i Kristy. ²² Ry vevavy, magneke ny vadinareo, ôtrany amin'ny Tompo. ²³ Fa ny leila no lôn'ny vavy ôtrany Kristy kô lôn'ny fengonana, ary Kristy tegnany no mpamonjy. ²⁴ Fa ôtrany ny haneken'ny fegnonana an'i Kristy, de ôtrany zany kô no tôkony haneken'ny vevavy ny vadiny amin'ny ra daôly. ²⁵ Ry lehilà, tiavo ny vadinareo, ôtrany ny nitiavan'i Kristy ny fengonana sy nagnomezany azy ny ainy. ²⁶ Nagnolotra ny tegnany ho an'ny fengonana Kristy mba afany magnamasigna an'azy, tamin'ny fanadiovagna an'azy tamin'ny rano fagnasana amin'ny teny, ²⁷ mba afany mampiseo an'azy ho be voninaitra akeo aminy, tsy misy pentigna na kentrogna na ra ôtrany zany, fa masina sady tsisy diso. ²⁸ Ôtrany zany iany kô ny leila de tôkony ho te ny vadin-jareo avy ôtrany tegnan-jareo. Izy ze te ny vadiny de te ny tegnany iany kô. ²⁹ Tsy mbola nisy nakahala ny tegnany, fa mamagna sy mikarakara zany tsara, ôtrany an'i Kristy mamagna ny fegonana sy mikarakara an'azy iany kô, ³⁰ satria isika de ratsam-batany. ³¹ No zany antony zany ny leila de hiala ny ray sy ny reniny ka hikambagna amin'ny vadiny, ary izy roa ho tonga nofo raika iany. ³² Lehibe zany famarignana misitrika zany fa Za de miresaka momban'i Kristy sy ny fengonana. ³³ Kanefa ny tsitokatokagna aminareo iany kô de tokony ho te ny vadiny avy ôtrany ny tegnany, ary ny vevavy de ôtrany hanaja ny vadiny.