¹ Ary raha nandalo Jesosy, da nahita lelà jamba hatramin'izy vô teraky. ² Nanontany an'Azy e mpaminany hoe: "Raby, ia rô e nanota, io lehilahy io sa e ray aman-dreniny, no da teraky jamba akô zao izy?" ³ Jesosy namaly hoe: " Tsy io lelà io gne nanota, na e ray aman-dreniny, fa nanigny izao mba hanehoagny amin'azy gn'asan'Andriamanitry. ⁴ Tsy manao e asan'izay Anà isika raha mbola mazava. Fa ho avy gn'aligny zay tsy ahafahan'ia ndre ia miasa esanaky. ⁵ Râ mbola eto am'zao tontolo zao Iao, Da Iao gne fahazavan'zao tontolo zao." ⁶ Refa avy nizaka an'zany Jesosy, da nandrora tame tany, sady nganano feta tame rora, ka nagnosotry gne fotaky tame mason'e lelà. ⁷ Hoy izy tamin'azy hoe: "Mandehana, sasao egny ame ranon'e Siloama (zay adika hoe: nirahina) gne masonao." Ka lasa ralelà, nanasa an'zany, da nipody nahiratry. ⁸ Ary nifampanontagny ireo ologny mpiray voy rindrigny tamin-dralelà da ireo zay nahita an'azy nangataky taloha nagnano hoe: "Tsy ty ve e lelá nipetraky nangataky teto?" ⁹ Gny sasany nagnano hoe: "Izy io." Da e hafa nizaka hoe: "Tsia, fa mitovy amin'azy avao izy." Fa izy kosa nagnano hoe: "iao ty." ¹⁰ Hoy indreo tamin'azy hoe: "Koa ahoagny ary e nahiratan'e masonao?" ¹¹ Namaly izy hoe: "Ilay lelà antsovagny hoe Jesosy gne nagnano feta da nagnosotry an'zany tame masoko ka nizaka taminah hoe: 'Mandihana agny Siloama da sasao e masonao.' Da nandeha iao sady nanasa an'zany, ka nahiratry." ¹² Hoy indreo tamin'azy hoe: "Aia Izy?" Da novaliany hoe: "Tsy fantatro." ¹³ Nentindreo tame Fariseo e lelà zay jamba taloha. ¹⁴ Tame andro sabata moa gne nagnamboaran'i Jesosy gne feta da nampahiratany gne masony. ¹⁵ Ary nanontagny an'azy koa indreo Fariseo gne ame fomba nahiratany. Hoy tamindreo hoe: "Nasiany feta gne masoko, nosasako, ka mahita iao zao." ¹⁶ Gne sasany tamindreo fariseo nizaka hoe: "Tsy avy amin'Andriamanitry ty lelà ty satria tsy mba nagnaja gne andro Sabata." Gne hafa nagnano hoe: " Ahoagny gne afahan'e ologny mpanota magnano famantaragny zakabe akô zao?" Ka da nisy fizarazaragny teo amindreo. ¹⁷ Ka da nipody nanontagny e lelà jamba koa indreo hoe: "Ino gne ambaranao momba an'Azy, hatramin'e nampahiratany gne masonao?" Hoy e lelà jamba hoe: "Mpaminany Izy." ¹⁸ Ary mbola tsy nino gne momba an'azy avao ireo Jiosy hoe izy da efa jamba ka nahiratry raha tsy nangaiky gne ray aman-drenin'e lelà nahiratry indreo. ¹⁹ Nagnontany e ray aman-dreny indreo hoe: "Ty ve e zanakareo zay zakainareo fa hoe teraky jamba? Koa ahoagny ary e nahitany zao?" ²⁰ Ary da novaliany hoe: "Lalanay fa zanakay io sady teraky jamba izy. ²¹ Saigny gne ame nahitany, tsy lalanay, sady zay nampahiratry gne masony, tsy lalanay. Anontanio an'azy, efa zakabe izy. Afaky mizaka ho an'e tegnany izy." ²² Nizaka an'zany e ray aman-dreniny, satria natahotry andreo Jiosy indreo. Satria efa nifagneky indreo Jiosy fa raha misy magneky an'Azy ho Kristy, da ho roahigny hiala ao ame synagoga izy. ²³ Nohon'e amin'zany, gne nizakandreo ray aman-dreniny hoe: "Efa zakabe izy, izy gne agnontanio." ²⁴ Da nangaiky e lelà jamba taloha fagnindroany koa indreo da nizaka tamin'azy hoe: "Omeo voninahitry Andriamanitry. Lalanay fa mpanota zany lelà zany." ²⁵ Aveo da namaly e lelà hoe:" Tsy lalako aloha raha mpanota Izy. Ny hany lalako dia zao: efa jamba iao taloha, fa amizao iao mahita." ²⁶ Aveo da hoy indreo tamin'azy hoe: "Fa ino gne namboariny taminao? Ahoana gne fomba nampahiratany gne masonao?" ²⁷ Da namaly izy hoe: "Efa nambarako taminareo, fa tsy niteno anareo! Ka nahoana ianareo gne te- hiteno zany koa? Te ho isan'ny mpianany koa ve anareo, sa sa tsy zany?" ²⁸ Nagneso an'azy indreo ka nizaka hoe: "Anao gne mpianany, fa iay mpianatr'i mosesy. ²⁹ Lalanay fa efa niresaky tamin'i Mosesy Andriamanitry, fa raha zany lelà zany da tsy lalanay zay nihaviany." ³⁰ Da namaly e lelà ka nagnano tamindreo hoe: "Mahagaga zany, tsy lalanareo izay nihaviany, kanefa nampahiratry gne masoko Izy. ³¹ Lalatsika fa tsy miteno gne mpanota Andriamanitry, fa raha misy mazoto mivavaky da magnano gne sitrapony, da miteno an'azy izy. ³² Hatramin'e niatombohan'zao tontolo zao da tsy mbola regny mihintsy hoe nisy nampahiratry gne mason'zay teraky jamba. ³³ Koa raha tsy avy amin'Andriamanitry zany lelà zany, da tsy mahefa ndre ino ndre ino." ³⁴ Sady namaly indreo ka nagnano hoe: "Tena teraka tame ota anao, da anao koa ve gn'ampianatry anay?" Aveo da noroahindreo hijotso izy. ³⁵ Regnin'i Jesosy fa noroahindreo tao ame Synagoga izy. Ary Izy nahita azy da nizaka hoe: "Mino gne Zanak'Olona ve ianao?" ³⁶ Namaly izy hoe: "Iza me gne Izy?" ³⁷ Jesosy nagnano tamin'azy hoe: "Efa nahita an'Azy anao, sady e raiky zay miresaky aminao zao zany." ³⁸ Hoy e lelà hoe: "Tompo, mino aho." sady nidera an'Azy izy. ³⁹ Jesosy nizaka hoe: "Fa fitsaragny gne nahatongavako eto amin'zao tontolo zao mba hahiratry indreo zay jamba sady mba ho tonga jamba indreo zay mahiratry." ⁴⁰ Naregny an'zany gne sasany tamin'e Fariseo zay niaraky tamin'azy ka nagnontany hoe: "Ary iay avakoa ve jamba?" ⁴¹ Fa Jesosy nizaka tamindreo hoe: " Raha jamba anareo, da tsy nanan-keloky, fa anareo kosa amizao fotoagny zao mizka hoe: 'Mahiratry iay,' da mbola mipetraky gne helokanareo."