¹ "Zakaiko aminareo, marina, da marina tokôtry, fa ze tsy miditry gne vavahady ho ame valan'ondry, fa magnaniky lalagny hafa, da mpagnakatry sady mpandroba Izy. ² Fa izay miditry e vavahady da mpiandry ondry tsara. ³ Izy e vahan'e mpiandry vavahady. Mahare gne feony gne ondry, da izy nagnanso gne ondriny manokagny ame gn'agnarany da mitondra anazy mijotso. ⁴ Rehefa namoaky gn'anazy aby manontolo izy, da nialo nitariky gne lalan-dreo, sady nagnaraky anazy gne ondriny, satria mahafantatry gne feony. ⁵ Da tsy hagnaraky vahiny indreo fa hilefa anazy, satria tsy fantany gne feon'e vahiny." ⁶ Jesosy nizaka an'izany fagnoharagny zany tamindreo, f'izy tsy azondreo mintsy gne raha nizakainy tamindreo. ⁷ Da nizaka indraiky koa Jesosy tamindreo hoe: "Zakaiko aminareo, marina, da marina tokôtry, fa Iao gne vavahadin' e ondry. ⁸ Gne rehetra avy taloako da mpangalatry sady mpandroba, satria tsy niteno andreo gne ondry. ⁹ Iao gne vavahady. Raha misy miditry ao amin'e gn'alalako, da ho voavonjy izy; hiditry sady hijotso izy da hahita gne fihinanagny. ¹⁰ Fa gne mpangalatry tsy avy raha tsy hangalatry sady hamono da handrava. F'izy Iao avy mba hanagnan-dreo fiainagny sady hanagny an'izany maro da maro. ¹¹ Iao gne mpiambigny tsara. Gne mpiambigny tsara da manolotry gn'ainy hagnavotagny gne ondriny. ¹² Gne mpikarama da tsy mpiambigny sady tsy tompon'e ondry. Raha nahita amboadia magnantogny Izy da hiaka gne ondry da hilefa, da gn'amboadia misambotry sady mampiparitaky andreo. ¹³ Milefa izy satria mpikarama ka tsy miraharaha gne ondry. ¹⁴ Iao gne mpiambigny ondry tsara, da fantako gn' Anà, da fantany Iao. ¹⁵ Gne Ray mahafantatry Ana, da Iao mahafantatry e Ray, da manolotry gn'aiko ho an'e ondry Iao. ¹⁶ Managny ondry hafa tsy agnatin'ity vala ity Iao. Tsy maintsy hindesiko avakoa ireny, da indreo naregny gne feoko mba hatonga andininy raiky ¹⁷ Izao gn'antony hitiavan'e Ray Ana: mahafoy manolotry gne vatako Iao mba hazahoako an'izany indraiky. ¹⁸ Tsy misy mangala an'izany aminà, fa gne tegnako avao e manolotry an'izany. Managny fahefagny honolotry an'izany Iao, sady managny fahefagny nangala an'izany indraiky. Izany didy izany da azoko avy tamin'i Abako." ¹⁹ Nisy fizarazaragny indraiky koa tamindreo Jiosy noho ireo teny ireo. ²⁰ Maro tamindreo gne nizaka hoe: "Managny demonia Izy sady very Saigny. Nagnino me anareo raha miteno Anazy?" ²¹ Gne sasany nizaka hoe: "Tsy fizakàn'olo misy demonia izany. Gne demonia me ko afaky mampahiratry gne Mason's jamba?" ²² Avy teo da avy gne fetin'e fanokanagny ta Jerosalema. ²³ Rirignigny tam'izay, da Jesosy nitsangagny tame kianjan'ny tempoly tame fialofan'i Solomona. ²⁴ Avy teo notangorognan-dreo Jiosy Izy sady nizaka taminazy hoe: "Mandrapa-hovia gne hampisalasalanao anay? Raha Anao e Kristy, da hambarao mibaribary aminay." ²⁵ Da Jesosy namaly andreo hoe: "Efa nagnamba anareo iao, fa tsy mino anareo. Gne asa maro aniko amign'agnaran'e Raiko, ireo gne magnambara gne mahakasiky Ana. ²⁶ F'izy anareo tsy mino satria tsy mba ondriko. ²⁷ Mahare gne feoko gne ondriko; fantako indreo, sady nagnaraky Ana. ²⁸ Omeko andreo gne fiainagny mandrakizay; ka tsy ho faty mandrakizay indreo, da tsy hisy handrobaky anazy eo am-pelantagnako. ²⁹ E Raiko, gne nagnome anio Ana, da lebe noho gne hafa aby, sady tsy misy mahavita mandrobaky andreo eo am-pelatagnan'e Ray. ³⁰ Iao Izy amin'i Abako da raika avao." ³¹ Avy teo nangala vato indraiky indreo Jiosy mba hitora-bato Anazy. ³² Da Jesosy namaly andreo hoe: "Maro gne asa tsara nabôkiko anareo avy tame Ray. Ino tamin'e asa aby aby io gne hitorahanareo vato Ana?" ³³ Namaly andreo Jiosy hoe: "Tsy gn'asa tsara gne hitorahanay vato anao, fa gne zaka ratsy, satria anay, olombelo, da magnano gne tegnanao ho Andriamanitr." ³⁴ Namaly andreo Jesosy hoe: "Tsy efa voasoratry agnatin'e lalàgninareo me hoe: 'Hoy Iao hoe: "Andriamanitry anareo"'? ³⁵ Raha mangaiky ireny ho Andriamanitra izy, da ho an'ia izany gne niavian'e zanak'Andriamanitry ( sady gne Soratry Masina da tsy azo foagnagny), ³⁶ gne nohamasinin'e Ray sy nihiraniny amin'izao tontolo izao gne aninaareo hoe: "Mizaka ratsy Anao; noho Iao nizaka hoe: "Iao gne Zanak'Andriamanitry'? ³⁷ Raha tsy magnano gne asany Abako Iao, da ka mino Ana. ³⁸ Fa raha magnano an'io Iao, ndre da tsy mino Ana aza anareo, da mino gn'asako mba ahafantaranareo sy ahazahoanareo fa e Ray da aminà atoa sady Iao amin'e Ray." ³⁹ Mbola nikinia gne nisambotry Anazy indraiky indreo, fa nilefa Izy. ⁴⁰ Da nandeha an-dafin'e Jordana indraiky Izy ho amin'e toeragny izay nagnamboaran'i Jaona Batisa voalohany, sady nipetrak teo. ⁴¹ Maro gne olo nagnantogny Anazy da hoy indreo hoe: "Jaona tsy nagnano famantaragny, fa gne raha marobe nozakain'i Jaona momba anio lelà io da marina." ⁴² Maro gne olo nino Anazy teo.