¹ Tafarany e raha marobe io Jesosy da nandeha ta Galilia, fa ts te-ho a Jodia anefa Izy noho indreo Jiosy mitady hamono Anazy. ² Da efa mariny gne andro firavoravoan'e Jiosy e tabernakely. ³ Noho izany indreo ralàny nizaka taminazy hoe: "Mialà am'ity toeragny ity da mandehàna a Jodia, mba hafahan-dreo mpianatrinao mahita gne asa maro aninao avakoa. ⁴ Tsy misy olo magnano raha mifiny zany raha Izy tegnany sady te-ho fantatry ampahibemaso. Raha magnano an'io Raha marobe io Anao, da miboà am'izao tontolo izao." ⁵ Fa ndre indreo ralàny aza tsy nino Anazy. ⁶ Noho izany Jesosy nizaka andreo hoe: "Mbola tsy avy gne fotoagniko, f'izy gne fotoagninareo da vonogny lalandava. ⁷ Tsy afaky gne hankahala anareo izao tontolo izao, fa Iao gne halany satria magnambara fa ratsy gne asany. ⁸ Anareo mekara amin'e firavoravoagny; f'izy Iao tsy nandeha am'izany satria tsy mbola avy gne fotoagniko." ⁹ Tafaran'e nizakany gne raha io andreo, da nijanogny ta Galilia Izy. ¹⁰ Fa rehefa niakatry tame firavoravoagny indreo ralàny, da niakatry tagny avakoa Izy avy teo, tsy nisehoseo fa nifiny. ¹¹ Nitadia anazy tame firavoravoagny indreo Jiosy sady nizaka hoe: "Aia Izy?" ¹² Nisy koragny marobe momba Anazy tamin'e fokonolo. Gne sasany mizaka fa: "Lelà tsara Izy." Gn'afa mizaka hoe: "Aha, mitaogny gne fokonolo ho ame fahaverezagny Izy." ¹³ Da tsy nisy nasahy nizaka amaso amaso momba Anazy nohon'e fatahoran-dreo Jiosy. ¹⁴ Rehefa nisasaky gne firavoravoagny, da niakatry tame tempoly Jesosy da nanomboky nampianatry. ¹⁵ Avy teo da Gaga indreo Jiosy, magnano hoe: "Akognaia gne nahezan'io lelà io an'izany raha marobe izany? Izy tsy mba nandalo fenaragny mihintsy." ¹⁶ Jesosy namaly andreo da nagnano hoe: "Tsy Anà gne fampianarako, fa avy amin'Izy nagniraky Ana. ¹⁷ Raha misy olo magniry hagnano e sitrapony, da nahafantatry momban'io fampianaragny io Izy, na avy amin'Andriamanitra izany, ndre Iao gne mizaka avy ame tegnako. ¹⁸ Ndre ia ndre ia mizaka avy ame tegnany da nitadia voninahitriny gne tegnany manokagny, fa ndre ia ndre ia mitadia voninahitr'e nagniraky anazy, da io olo io e marigny, da tsy misy tsy fahamarinagny aminazy ao. ¹⁹ Tsy nimen'i Mosesy anareo me gne lalàgny? F'izy tsy misy aminareo mitandrigny gne lalàgny. Nohoa anareo gne mitady hamono Ana? ²⁰ Namaly gne fokonolo hoe: "Anao da misy demonia. Ia koa gne mitady hamono anao?" ²¹ Jesosy namaly da nizaka andreo hoe: "Asa raiky avao gne aniko, sady da Gaga noho izany avakoa anareo. ²² Nomen'i Mosesy gne famoràgny anareo (tsy hoe Avy amin'i Mosesy izany, fa avy amin-dreo razagny), da amin'e Sabata da mamora olo anareo. ²³ Raha amin'e Sabata gne amoràgny gne olo mba tsy ho voadika gne lalàn'i Mosesy, da nagnino anareo vignitry aminà Raha hagnasitragny tanteraky olo raiky tamin'e Sabata Iao? ²⁴ Ka mitsara amign'endriky ivelany, fa mitsarà am-pahamarinagny." ²⁵ Gne sasany tamindreo avy a Jerosalema nizaka hoe: "Tsy ity me gne tadiavindreo ho vonoigny?" ²⁶ Iteo, miresaky mibaribary Izy, sady tsy misy mizaka ndre ino ndre ino Anazy indreo. Da ho fantatrin'e mpitondta tokôtry me fa Izy e Kristy, sa akognaia? ²⁷ Efa fantatsika hoe avy aia io lelà io. Fa rehefa avy e Kristy, da tsy hisy hahafantatry hoe Avy aia Izy." ²⁸ Avy teo nihiaky mafy Jesosy t'an-tempoly, nampianatry sady nizaka hoe: "Anareo da samby mahafantatry e tegnako sady mahalala gne fiaviko. Tsy avy nohon'e tegnako manokagny Iao, Fa gne nagniraky Ana da marigny, sady tsy fantatrareo Izy. ²⁹ Fantatr'i Izy satria Iao da avy aminazy sady Izy gne nagniraky Ana". ³⁰ Niezaky gne nisambotry Anazy indreo, fa tsy nisy naninji-tanagny taminazy satria tsy mbola avy gne fotoagny. ³¹ F'izy maro tame fokonolo gne nino Anazy, da hoy indreo hoe: "Rehefa avy e Kristy, hagnano famantaragny maro noho e vitan'io lelà io me Izy?" ³² Naregny gne fokonolo nivitsikitsiky gne raha momban'i Jesosy indreo Fariseo, da gne lohan'e mpisorogno sy indreo Fariseo da nagniraky mpiandry raharaha nisambotry Anazy. ³³ Hoy Jesosy avy teo hoe: "kidy sisa gne fotoagny heresako aminareo, da handea ho ame nagniraky Ana Iao. ³⁴ Hitady Ana anareo fa tsy hahita Ana; Gne handianako, tsy ho azonareo andeanagny." ³⁵ Noho izany indreo Jiosy da nifampiresaky hoe: "Fa handea hoegnaia io lelà io gne tsy ho vitantsika gne nitadia anazy? Handea ho amin'indreo niparitaky nandea amin'e Grika da hagnanatry indreo Grika me? ³⁶ Da ino gne dikan'e teny nozakainay hoe: 'Hitadia Ana anareo fa tsy hahita Ana; gne handeanako, tsy ho azonareo andeanagny'?" ³⁷ Da tamin'e farany, andro zakabe amin'e firavoravoagny, da nitsangagny Jesosy sady nizaka mafy, magnano hoe: "Raha misy mangetaheta, Avelay izy hagnantogny Anà da hisotro. ³⁸ Gne mino Anà, araky e vôzakan'e Soratry Masigny, da hikoriagny avy an-trokiny gne onin'e rano velogny." ³⁹ Fa akô izao gn'ambarany e momban'e Fagnahy, indreo nino Anazy gne handray; gne Fagnahy da tsy mbola nomeny satria tsy mbola nahazo voninahitry Jesosy. ⁴⁰ Gne sasany tamindreo fokonolo, rehefa naregny gne zaka marobe io, da nizaka hoe: "Ity tokôtry gne mpaminany." ⁴¹ Indreo hafa nizaka hoe: "Ity gne Kristy." Fa gne sasany nizaka hoe: "I Kristy me ko avy e Galilia? ⁴² Tsy vôzakakan'e Soratry Masigny me fa Kristy da ho avy ame taranak'i Davida sady avy a Betlehema, gne tanàgny nisy an'i Davida?" ⁴³ lasa nisy fizaragny tamin'e fokonolo noho Izy. ⁴⁴ Gne sasany tamindreo te-hisambotry Anazy, fa tsy nisy nagnampatry tagna taminazy. ⁴⁵ Avy teo indreo mpiambigny raharaha niverigny tamindreo lohan'e mpisorogny sy indreo Fariseo, e nizaka tamin-dreo hoe: "Nahoa me anareo raha tsy ninday Anazy?" ⁴⁶ Namaly indreo mpiambigny raharaha hoe: "Tsy mbola nisy nikoragny akô izany mihintsy." ⁴⁷ Noho izany indreo Fariseo namaly andreo hoe: "Voafitaky avakoa me anareo? ⁴⁸ Mba nisy tamindreo mpanapaky me mba nino Anazy, na tamindreo Fariseo? ⁴⁹ Fa indreo fokonolo da nahafantatry gne Lalàgny, voahozogny indreo." ⁵⁰ Nikodemosy (raiky tamin'e Fariseo, e avy mialoha taminazy), nizaka hoe: ⁵¹ "Gne lalàgnitsika me ko mitsara olo mialohan'e aregnesagny anazy ka ahafantatry gne naniny?" ⁵² Namaly indreo da nizaka taminazy hoe: "Avy e Galilia avakoa me anao? Mitadiava da iteo fa tsy misy mpaminany avy e Galilia." ⁵³ (Fagnamarihagny: Gne dikan-teny taloha tena tsara da tsy ahita gne Jaona 7:53-8: 11) [Avy teo gne tsiraidraiky nande an-dragnony aby.