¹ Tafaran'e Raha maro be io, da nandeha nitsaky gne ranomasin'i Galilia Jesosy, angiagny avakoa hoe ranomasin'i Tiberiasy. Nisy fokonolo marobe ² nagnaraky Anazy satria hitandreo gne famantaragny izay naniny tamign'e marary. ³ Niakatry tamin'e tendrombohitry I Jesosy da nidoboky tegny niaraky tamindreo mpianatriny Izy. ⁴ (Da gne Paska, gne andro firavoravoan'e Jiosy, da efa akeky.) ⁵ Da nagnety t'akabôgny Jesosy da nahita fokonolo marobe nagnantogny Anazy, Da hoy Izy tamin'i Filipo hoe: "Aia gne hividianan-tsika mofo mba hafandreo nihinagny?" ⁶ (Fa Jesosy nizaka an'izany mba hitsapagny an'i Filipo, fa efa fantany gne ho aniny.) ⁷ I Filipo Namaly Anazy hoe: "Ndre da mofo roanjato dinaria aza tsy ho amoy ho an'e tsiraidraiky ndre da kidy agnaby aza. ⁸ "Raiky tame mpianatry, Andrea, ralàhin'i Simona Petera, nizaka tamin'i Jesosy hoe: ⁹ "Misy lelà raiky etoa managny mofo dimy da laok'andrano riy, fa ino ireo agnatrehan'olo marobe toa?" ¹⁰ Da Jesosy nizaka hoe: "Ampidoboy gne olo" (sady feno ahitry tamin'e toeragny.) da nidoboky gne olo, akevikeviny ho dimy arivo teo gne isany. ¹¹ Avy teo Jesosy nangala an'e mofo maro io da rehefa avy nisaotry, da nizara an'izany tamindreo nidoboky teo. Akô izany avakoa gne naniny tamin'igny laoky an-drano igny, da maro gne nilain-dreo. ¹² Rehefa voky gne olo, da hoy Izy tamin'e mpianatriny hoe: "Aorogny gne sisa tavela, mba tsy hisy ho very." ¹³ Da nahorin-dreo izany da nahafeno harogny roy ambin'ny folo ne sisasisan'e mofo dimy sisa navelan-dreo nihinagny. ¹⁴ Avy teo, Raha nahita an'izany famantaragny naniny izany gn'olo, da hoy indreo hoe: "Ity marina gne mpaminany izay tonga amin'izao tontolo izao." ¹⁵ Rehefa hitan'i Jesosy fa hoavy indreo nangala Anazy sady hanandratry Anazy an-keriny ho mpanjaka, da niverigny ta tendrombohitry raiky indraiky koa Izy. ¹⁶ Rehefa aligny gn'andro, da nidigny tame ranomasigny gne mpianatriny. Niditry tagnatin'e sambokidy ¹⁷ indreo, da nitsaky gne ranomasigny ande e Kapernaomy. Efa mizigny tam'izay, sady Jesosy mbola tsy avy tamin-dreo avakoa. ¹⁸ Nisy rivotry nifofofofo mafy, sady niha-nahery gne ranomasigny. ¹⁹ Rehefa nivoezin-dreo tokony ho dimy amby roapolo stadio teo, da nahita an'i Jesosy nandeha tamin'e ranomasigny sady nagnakeky gne sambokidy, da nalia indreo. ²⁰ Fa hoy Izy tamin-dreo hoe: "Iao avao ity! Ka malia." ²¹ Avy teo da vonogny gne handray Anazy tamin'e sambokidy indreo, da tampoky teo da avy ame toeragny andehanan-dreo gne sambokidy. ²² Gn'omaray, hitan'e fokonolo izay nitsangagny t'ampitan'e ranomasigny fa tsy nisy sambokidy hafa tamigneo afa-tsy gne raiky igny avao, da Jesosy tsy niditry tao niaraky tamindreo mpianatriny fa nandeha raiky indreo mpianatriny. ²³ F'izy nisy sambokidy maromaro avy ta Tiberiasy takekin'e toeragny nihinanan-dreo gne mofo rehefa avy nisaotry gne Tompo. ²⁴ Raha hitan'e fokonolo fa tsy teo fa tsy teo na I Jesosy na indreo mpianatriny, da niditry tagnatin'e sambokidy indreo da nande ta Kapernaomy hitadia an'i Jesosy. ²⁵ Rehefa hitan-dreo t'ampitan'e renirano Izy, da hoy indreo taminazy hoe: "Raby, ovia anao avy tetoa?" ²⁶ Jesosy namaly andreo, nagnano hoe: "Zakaiko aminareo marina, da marina tokôtry, fa mitadia Ana anareo, tsy nohon'e nahitanareo famantaragny, fa nohon'e nihinananareo gne mofo da voky. ²⁷ Ka miasa ho an'e hanigny mety levogny, fa miasà ho an'e hanigny izay maharitry hi an'e fiainagny mandrakizay izay homen'e Zanak'Olo anareo, satria Andriamanitra Ray gne nagnisy tombo-kase taminazy." ²⁸ Avy teo da hoy indreo taminazy hoe: "Ino e tsy maintsy haninay, mba nagnamboaranay ireo asan'Andriamanitra?" ²⁹ Jesosy namaly da nizaka tamin-dreo hoe: "Izao gne asan'Andriamanitra: da gne hinoanareo gne raiky nirahiny." ³⁰ Ka hoy indreo taminazy hoe: "Ino gne famantaragny haninao, mba hahitanay sy hinoanay anao? Ino gne ho ataonao? ³¹ Gne ababenay nihinagny gne mana tame tany foagny, arak'e voasoratry hoe: ' Nomeny mofo avy t'an-dangnitry indreo hoanigny."' ³² Avy teo Jesosy namaly andreo hoe: "Zakaiko aminareo marigny, da marigny tokôtry, fa tsy Mosesy e magnome anareo gne mofo avy t'andagnitry, fa i Abako gne nagnome anareo gne Tena mofo avy t'andagnitry. ³³ Satria gne mofon'Andiamanitry da gne nidigny latan-dagnitry da magnome fiainagny ho an'izao tontolo izao." ³⁴ Da hoy indreo taminazy hoe:"Tompoko, omeo anay isanandro gne mofo zany." ³⁵ Da hoy Jesosy tamindreo hoe: "Iao gne mofon'e fiainagny; gne magnantogny Ana tsy mba ho mosaregny koa, da gne olo mino Ana tsy hangetaheta koa. ³⁶ F'izy efa nizakaiko taminareo fa nahita Ana avao anareo, f'izy tsy mino. ³⁷ Gne olo aby izay omen'e Raiko Ana da hagnantogny Anà, sady gne magnantogny Ana da tsy mba ho ariako. ³⁸ Fa nizoso avy t'andagnitry Iao, tsy mba hagnano gne sitrapoko manokagny, fa gne sitrapon'Izy izay nagniraky Ana. ³⁹ Da akô izao gne sitrapon'Izy izay nagniraky Ana, da gne tsy hagnariako gne raha aby nomeny Ana, fa hanangagny andreo ame gn'andro farany. ⁴⁰ Satria akô izao gne sitrapon'e Raiko, da gne mba ahazahoan'e maro izay mahita gne Zanaky sady mino Anazy gne fiainagny mandrakizay sady ho hatsangako amign'andro farany izy. ⁴¹ Avy teo da nimenomenogny Anazy indreo Jiosy satria Izy nizaka hoe: "Iao gne mofo nidigny avy t'andagnitry." ⁴² Da hoy indreo hoe: "Tsy gne Jesosy Zanak'i Josefa me io, izay fahotantsika gne ray aman-dreniny? Akognaia me gne izakany hoe: 'Nidigny avy t'andagnitry Iao'?" ⁴³ Jesosy namaly da nizaka tamin-dreo hoe: "Ajanogny gne fimenomenogny misy aminareo. ⁴⁴ Tsy misy olo afaky magnantogny Ana raha tsy gne Ray izay nagniraky Ana gne mitaogny Anazy, da ho hatsangako izy amign'andro farany. ⁴⁵ Izany da vôsoratry ame bokin'ny mpaminany hoe: 'Hampianarin'Andriamanitry indreo aby.' Gne olo aby naregny sady nianatry tame Ray gne magnantogny Ana. ⁴⁶ Tsy nisy nahita gne Ray, afa-tsy gne avy amin'Andriamanitra, izy gne nahita gne Ray. ⁴⁷ Zakaiko aminareo marina, da marina tokôtry, fa izay mino gne managny fiainagny mandrakizay. ⁴⁸ Iao gne mofon'e fiainagny. ⁴⁹ Gne Abanareo nihinagny gne mana tame tany foagny, da maty indreo. ⁵⁰ Ity gne mofo nidigny avy t'andagnitry, mba tsy ho faty gne mihinagny am'izay. ⁵¹ Iao gne mofo velogny nidigny avy t'andagnitry. Raha misy olo mihinagny am'ity mofo ity, da ho velogny mandrakizay izy. Gne mofo homeko gne nofotriko ho an'e fiainan'izao tontolo izao." ⁵² Ne-vignitry indreo Jiosy da nanomboky niady hevitry, nagnano hoe: " Akognaia gne afahan'io lelà io magnome antsika gne nofotriny hoanigny?" Da hoy I Jesosy tamindreo hoe: ⁵³ "Zakaiko aminareo marina, da marina tokôtry, fa Raha tsy minagny gne mofon'e Zanak'olo anareo sady misotro gne ràny, da tsy hanagny fiainagny ao anareo. ^{56 54} Ndre ia ndre ia mihinagny gne nofotriko sady misotro gne ràko da managny fiainagny mandrakizay, sady hatsangako izy ame gn'andro rany. ⁵⁵ Fa gne nofotriko e tena fihinagny, da gne ràko gne tena fisotro. ⁵⁶ Gne olo mihinagny gne nofotriko sady misotro gne ràko gne mipetraky Aminà ao, sady Iao aminazy ao. ⁵⁷ Akô e nagnirahan'e Ray velogny Anà, sady akô gne hivelomako nohon'e Ray, izay mihinagny Anà, da ho velogny avakoa nohon'e Aminà. ⁵⁸ Ity gne mofo nidigny avy t'andagnitry, tsy akô gne Ababe nihinagny da maty. Gne olo mihinagny ity mofo ity da ho velogny mandrakizay." ⁵⁹ Fa Jesosy nizaka gne raha marobe io t'agnatin'e synagoga rehefa nampianatry ta Kapernaomy Izy. ⁶⁰ Sady maro tamin'e mpianatriny naregny anizany gne nizaka hoe: "Fampianaragny sarotry izany; ia gne afaky agneky an'izany?" ⁶¹ Jesosy, noho Izy nahafantatry ntaminazy tao fa nimenomenogny tam'izany indreo mpianatriny, nizaka andreo hoe: "Manafitohignh anareo me izany? ⁶² Akognaia raha tokony hahita gne Zanak'Olo miakatry ame nidoboan'e taloha anareo? ⁶³ Gne Fagnahy e magnome fiainagny; gne nofo tsy ahazaoagny ndre ino ndre ino. Gne zaka marobe nizakaiko taminareo da fagnahy, sady fiainagny. ⁶⁴ Mbola misy sasany aminareo tsy mino. "Fa Jesosy efa nahafantatry hatramin'e voaloany gne tsy hino da gne hamadiky Anazy. ⁶⁵ Hoy Izy hoe: "Avy amizany e nizakako taminareo fa tsy misy olo afaky magnantogny Anà raha tsy nomen'e Ray Anazy izany." ⁶⁶ Nohonizany, maro tamin'e mpianatriny gne lasa sady tsy niara-dia taminazy sanaky. ⁶⁷ Da hoy Jesosy tamindreo roa ambin'ny folo hoe: "Tsy te-andeha ⁶⁸ sanaky me anareo, sa Tsia?" Sady Simona Petera namaly Anazy hoe: "Tompo, hande amin'ia me anay? Anao gne managny e zakan'e fiainagny mandrakizay, ⁶⁹ sady mino anay ka magnantogny mba hafantatry fa Anao gne Masignin'Andriamanitry." ⁷⁰ Hoy Jesosy tamindreo hoe: "Tsy Iao me gne nifidy anareo, roy ambin'ny folo, da gne raiky aminareo da devoly? ⁷¹ Da Jodasy Zanak'I Simona Iskariota gne resahiny, satria Izy, e raiky amin'izy roy ambin'ny folo, izay hamadiky an'i Jesosy.