¹ Tafaran'izany raha izany de naregny kara feona fokonolona mafy be tsy tambo isaina tagny an-danitra aho nagnano hoe: "Aleloia. Ny famonjena, ny voninahitra , sy ny hery de an'Andriamanitrantsena. ² Ny fitsarany dfe marina sady mahitsy, fa nitsara ny mpivaro-tegna lehibe zay nagnaratsy ny tany tamin'ny fijangajangana Izy. Namaly faty ny ran'iary zareo mpiasany, zay nalatsagny izy". ³ Nizaka fagnindroiny iary zareo hoe: "Aleloia! Ny vovoka de miakatra avy aminazy mandrakizay doria". ⁴ Ny loholona efatra amby roapolo amban'ny zegny raha managn'aigna efatra de niondrika sady nanompo an'Andriamanitra zay nitometra tamin'ny seza fiandrianana. Nizaka iary zareo: " Amena. Aleloia!" ⁵ De nisy feo nivôka avy tamin'ny seza fiandrianana, nagnano hoe: "Derao Andriamanitrantsena, anareo marobe mpiasany, anareo zegny matahotra Anazy, na ny bitaka na ny agnonabe." ⁶ De naregny kara feon'olona marobe, kara ny fireondreognan'ny rano be, mban'ny filatsahan'ny oram-be, nagnano hoe: "Aleloia! Fa manjaka ny Tompo, Andriamanitra zay manapaka amin'ny marobe. ⁷ Oka antsena hifaly sady ho ravoravo ka hagnome voninahitra Anazy satria tonga ny fagnamboarana ny fanambadenan'ny Zanak'ondry, de ny ampekaria efa miomagna. ⁸ Nomena alalagna hagnatao lamba rongony mamirapiratrasady madio izy" (ny lamba rongony de ny asa marin'ny olo-masina). ⁹ Ilay anjely nizaka taminaha hoe: "Soraty izao: Sambatra ireo izay nasaina tamin'ny fety fampakaram-badin'ny Zanak'ondry. Nizaka taminaha ko izy hoe: " Io de zakan'Andriamanitra marina." ¹⁰ Niankohoka tamin'ny tongotrany teomba hanompo Anazy aho, de nizaka izy taminaha: " Aza magnano an'izao! Izaho de mpiara-manompo aminao mban'ny rahalahinao zay mitana ny fijorôna vavolombelona momba ani Jesôsy. Manompoa an'Andriamanitra, fa ny fijorôna vavolombelona momba an'i Jesoa de ny fagnahin'ny faminaniana." ¹¹ De nahita ny lanitra nidagnadagnaaho nijery nisy sôvaly fotsy. Ny mpideba an'izany de nantsovana hoe: matoky sady marina. Amin'ny fahamarinana no hitsarany mban'ny hiadiany. ¹² Ny masony de kara lelan'afo afo, de amin'ny lohany eo misy satro-boninahitra maro. Managna agnarana vaosoratra aminazy eo zay tsisy mafantatra afa- tsy izy my izy io. ¹³ Magnatao akanjo lava zay najoboka tamin'ny ra izy, ka ny agnarany de nantsovana hoe ny zakan'Andriamanitra. ¹⁴ Ny mpiady tan-danitra de nagnaraka anazy tamin'ny sôvaly fotsy, magnatao akanjo lamba rongony fotsy sady madio. ¹⁵ Avy amin'ny vavany ao no ivoan'ny sabatra maragnitra zay havoazany ny firenena, de hanapaka an'iary zareoamin'ny tehina vy izy. Magnitsaka amin'ny famiazan'ny fahavigniran'Andriamanitra Tsitoha izy. ¹⁶ Managna agnarana voasoratra amin'ny akanjo lavany eo amin'ny feny izy hoe: "Mpanjakan'ny mpanjaka sady Tompon'ny tompo. ¹⁷ Naita anjely nitsangana tamin'ny masoandro aho. nagnantso mafy ny voro- manidina any ambony izy hoe: "Malaky, mivorovoroa ho amin'ny feti-ben'Andriamanitra. ¹⁸ Malaky ihinagna ny vatagnan'iary zareo mpanjaka, ny vatagnan'ny mpitari-tafika, ny vatagnan'ny lilahy matanjaka, ny vatagnan'ny sôvaly mban'ny zegny mpideba an'izany, ny vatagnan'ny lilahy marobe, na ny afaka na ny andevo, na ny bitaka na ny agnonabe ." ¹⁹ De nahita ny bibi-dia mban'ny mpanjakan'ny tany niaraka tamin'ny tafikan'iary zareo aho. Nitambatra iary zareo mba hiady amin'ny raika zay nideba ny sôvaly mban'ny tafika anazy. ²⁰ Voasambotra lay bibi-dia mban'ny mpaminany sandoka zay nagnano famantarana tagnatrehany. Tamin'io famantarana io ny no namitahany an'iary zareo zegny nandray ny mariky ny bibi-dia mban'iary zareo zegny nanompo ny sariny. Izy roy io de natipy velona tagnatin'ny farihin'afo mirehitra solifara. ²¹ Ny sisa tavela tamin'iary zareode nivonina tamin'ny sabatra zay nivôka tamin'ny vavan'ny raika zay nideba ny sôvaly. Niohanin'ny vorogna marobe ny fatin'iary zareo.