¹ Tafaran'io raha io de nahita anjely hafa tonga nijotso avy agny an-danitra aho. Nanagna fahefana lehibe izy, sady namirapiratra noho ny voninahitrany ny tany. ² Nioaika tamin'ny feo mafy izy, nbizaka hoe: "Lavo, lavo ny Babylona lehibe! Nanjary tonga toera-ponenan'ny demony, felofana ho an'ny fagnahy maloto de felofana ho an'ny vorogna maloto sady madikidiky marobe. ³ Fa ny firenena marobe de nihinagna ny divaignan'ny fitondran-tegna malotony. Ny mpanjakan'ny tany de nagnano fitondran-tegna maloto tamin'azy. Ny mpivarotra ny tany de nanjary mpanan-karena tamin'alalan'ny fomba fiaignany amin'ny nofo." ⁴ Aveo de naregny feo hafa avy tan-danitra aho, mizaka hoe: "Menga amin'azy, zegny olon' anaha, mba ts hizarany ny fahotany aminareo, sady tsy hahaonareo ny lozany. ⁵ Efa nivory kara ny amboasan'ny lanitra ny fahotany, sady Andriamanitra mahatadidy ny asa ratsiny. ⁶ Mamalia an'azy kara ny namalian'ny hafa, de valio indroy ambonin'ny efa vitany, tamin'ny kapôka zegny efa nofenooiny, de fenoy indroy ho an'azy. ⁷ kara ny nagnomezany voninahitra ny tegnany say niaigna tagnatin'ny fiafena, ameo an'azy ny fampijalena mban'ny alahelo ampy an'azy. Fa izy nizaka tam-pony hoe: 'Nipetraka kara mpanjaka viavy aho. Tsy maty vady aho, sady tsy hisaona mandrakizay.' ⁸ Noho izany de ho avy amin'ny andro raika ny aretina mandripaka: ny fahafatesana, ny fisaonana, mban'ny mosary. Horôn'ny afo izy, fa ny Tompo Andriamanitra de mahery, sady Izy no mpitsara azy." ⁹ Ny mpanjakan'ny tany zegny nijangajanga sady nandeha tsy amperitreretana niaraka tamin'azy de hitomagny sady henkohoka agnatrehany ndreka hahita ny setrokan'ny fagnasazena an'iary zareo. ¹⁰ Hitsangana lavitra iary zareo, hatahotra ny fijaleny, hizaka hoe: "Loza, loza ho an'ny tanàna lehibe, Babylona, ny tanàna mahery, fa amin'ny ora iray de avy ny sazinareo." ¹¹ Ny mpivarotra ny tany de mitomagny sady misaogna ho an'azy, satria tsy nisy olona niady varotra ho an'azy koa- ¹² varotra volamena, volafotsy, vato sarobidy, firavaka, lamban-drongony tena tsara, volomparasy, landy, mena, ny karazana kakazo ala, ny fanaka ivoara, ny fanaka marobe vita avy amin'ny kakazo sarobidy, varahigna, vy, marbra, ¹³ kanelina, raha magnitra, ditin-kakazo, miora, hagnitra, divaigna, menaka, koba tsara toto, vary, biby fiompy mban'ny ondry, sôvaly mban'ny kalesy, ny andevo mban'ny fagnahin'olona. ¹⁴ Ny vokatra zegny tenao tamin'ny herinao marobe de henga aminao. Ny entagnano lefo vidy mban'ny namirapiratra de nanjavogna, sady tsy ho hota mandrakizay koa. ¹⁵ Ny mpivarotra ny entegna zegny tonga mpanan-karena avy amin'azy de henga amin'azy lavitra noho ny fatahorana ny fijaleny, hitomagny sady hisaogna mafy. ¹⁶ Hizaka iary zareo hoe: "Loza, loza ho an'ny tanàna lehibe zegny nisikina tamin'ny lamban-drongony tena tsara, volomparasy, mena sady niravahana tamin'ny volamena, firavaka sarobidy, mban'ny vatosoa! ¹⁷ Agnatin'ny adiny raika de ho fôgna zany harena marobe zany. "Ny kapitenin-tsambo marobe, ny mandeha egny ambonin'ny ranomasina aby igny, tantsambo, mban'ny zegny mipetraka an-dranomasina, de hitsangana alavitra. ¹⁸ Nioaika iary zareo vô nahita ny setrokan'ny fagnasazena. Nizaka iary zareo hoe: "Tanàna ino kara tanàna lehibe?" ¹⁹ Nanipy vovoka tan-dohany izy, sady nioaika mafy, nitomagny, sady nisaogna, nagnano hoe: "Loza; loza ho an'ny tanàna lehibe zegny nisy an'ny olona nanagna ny sambo an-dranomasina de nanjary mpanan-karena avy amin'ny harenany. Fa tagnatin'ny adiny raika de simba izany." ²⁰ Mifalia amin'azy, ny lanitra, anareo mpino, apostôly, mban'ny mpaminany, fa Andriamanitra nitondra ny fitsaranareo tamin'azy!" ²¹ Anjely mahery raika nangala vato kara vato be sady ananipy an'izany tan-dranomasina, de nizaka hoe: "Amin'izany fomba izany, Babylona, ny tanàna lehibe, harodagna arahina herisetra, sady tsy ho hiita koa. ²² Ny feo natàn'ny lokanga, mpitendry mozika, mpitsoka sodina,mban'ny trompetra de tsy ho regny aminao koa. Ny mpagnano asa-tagnana isan-karazany de tsy hita aminao koa. Tsy hisy feon'ny vato fikosoham-bary ho regny koa eo aminao. ²³ Ny fahazavan'ny jiro, de tsy hamirapiratra aminao koa. Ny feon'ny mampakatra mban'ny ampakarina de tsy ho regny aminao koa, fa ny mpivarotranareo no andrian'ny tany, sady ny firenena de vôfitaka tamin'ny famosavenareo. ²⁴ Tamin'azy no nahitana ny ràn'ny olona zegny voavono tambonin'ny tany teto."