¹ Vô mandraigna be, de nivory ny mpisoronabe mbàn'ny loholona mbàn'iary zareo mpanora-dalàna Synedriona Jiosy izy marobe. Nifatoran'iary zareo Jesôsy de nindôsin'iary zareo nivôka. Natolotran'iary zareo tamin'ny Pilato. ² Nagnontany an'Azy Pilato hoe:: " Anao no mpanjakan'ny Jiosy a?" Nivaleny hoe: " Aika arô." ³ Natolotra fitorena maro manohitra an'i Jesôsy ny lohan'ny mpisorona. ⁴ Nagnotany an'Azy ndreka Pilato hoe: "Tsy manan-kavaly mihitsy Anao a? Jerevo ma ny hafatraran'ny fitorena nindôsin'iary zareo mba hanoherana Anao!" ⁵ Fa tsy namaly an'i Pilato koa i Jesôsy, de nahagaga an'azy izany. ⁶ Tamin'ny andro fety, de namôka gadra raika ho an'iary zareo Pilato, gadra zegny angatahin'iary zareo. ⁷ Niaraka tamin'iary zareo mpikomy tam-ponja, tamin'ny mpamono olona zegny vôtana nagnano an'izany, de nisy lilahy raika atao hoe Barabasy. ⁸ De nagnatogna an'i Pilato ny fokonolona ka nanomboka nangataka tamin'azy mba hagnano kara ny fataon'iary zareo taloha tagny. ⁹ Pilato namaly an'iary zareo ka nagnano hoe: "Tenareo ma raha ny mpanjakan'ny Jiosy no omeko anareo?" ¹⁰ Azony fantan'iary zareo fa fialognana no nanolorany ny lohan'ny mpisorona an'i Jesôsy tamin'azy. ¹¹ Nagnetagna ny fokonolona ny lohan'ny mpisorona mba hioaika mafy fa tokony Barabasy havôka. ¹² De namaly an'iary zareo ndreka Pilato nagnano hoe: "Ino arika zany ny tokony ataoko amin'ny mpanjakan'ny Jiosy?" ¹³ De nihoaikaika ndreka iary zareo oe: " Fantsio Izy!" ¹⁴ De nizaka ndreka Pilato tamin'iary zareo hoe: "Ino arika ny ratsy namboariny?" F nihoaika mafy be fezay iary zareo hoe: "Fantsio Izy." ¹⁵ Te hagnano raha mahafapo an'iary zareo i Pilato, navôkany ho an'iry zareo i Barabasy. Nivangony Jesôsy aveo de nomeny mba ho fantsiana. ¹⁶ Nindôdin'ny miaramila an-tokontany Izy (antegnategnan'ny fanjakana), sady nantsovan'iary zareo aby n antoko miaramila marobe . ¹⁷ nampagnatofain'iary zareo akanjo voloparasy Jesôsy, sady nagnambôtra feloha fantsy iary zareo ka napetany tamin'Azy. ¹⁸ De nanomboka nagnotsafa an'Azy iary zareo de nizaka hoe: "Akory a mpanjakan'ny Jiosy!" ¹⁹ Nivangoin'iary zareo tamina volotara ny lohany sady nandrorany Izy. De nandohalika talohan'iary zareo mody nidera Anazy. ²⁰ Ndreka avy nisomborogna Anazy iary zareo, de nalain'iary zareo tamin'Azy ndreka ny akanjony voloparasy sady nampagnatofain'iary zareo akanjo ndreka Izy, de nindôsin'iary zareonivôka Izy mba hamatsiana an'Azy. ²¹ Niteren'iary zareo ny pandalo raika avy tan-kosy mba hitondra ny hazo fijalen'ny Jesôsy, lilahy raika atao hoe: Simona Kereniana iaban'i Aleksandra sy Rofosy. ²² Nindôsin'ny miaramila tamin'ny pilasy atao hoe Gologota Jesôsy ( dikan'izany de hoe " pilasin'ny karandoha"). ²³ Nomen'iary zareo divaigna nifangaro miora Izy, fa tsy nisotro n'izany Izy. ²⁴ De nifantsian'iary zareo Izy sady nifampizaran'iary zareo natao ankitsapaka ny akanjony mba hafantarana ny antsasany alain'ny miaramila tsitokatokana. ²⁵ Tamin'ny telo Izy de nifantsian'iary zareo. ²⁶ Tamin'ny takelaka kakazo raika no nanoratan'iary zareo ny fitorena nanohitra an'Azy hoe: "Mpanjaka ny Jiosy." ²⁷ Dahalo roy lahy niaraka nifantsian'iary zareo tamin'Azy ka ny raika tankavanan'Azy teo de ny raika tankaviany. ²⁸ [Fagnamarihana: Ny fandikana taloha tena tsara de tsisy ny Marka 15: 28 hoe: "De tanteraka ny Soratra Masina magnano hoe: 'Natao ho agnisan'ny mpanota Izy.' (Ampitahay ny Lioka 22:035)] ²⁹ Zegny nandalo teo de nagnano tsisy diakny an'Azy aby, nandà sady nagnano hoe: "Aha! Anao afaka mandrava ny tempoly sady mangana an'izany agnatin'ny telo andro, ³⁰ avoty ny tegnano sady mijotsoa amin'io hazofijalena io!" ³¹ Ny lohan'ny mpisorona koa de nisomboronga an'Azy kara an'izany, niaraka tamin'ny mpanora-dalàna sady nizaka iary zareo hoe: " Nagnavotra ny hafa Izy, nefa tsy mahavotra ny tegnany. ³² Avelay Kristy, Mpanjakan'Israely, hijotso amin'ny hajofijalena io, mba hiitanay de hinônay," ndre zegny nifantsiana niaraka tamin'Azy de nisomboronga an'Azy. ³³ Tamin'ny enina ka hatramin'ny sivy de nanjary mizigna be magnodidigna ny tanàna teo. ³⁴ Tamin'ny sivy izany de nihoaika mafy be Jesôsy hoe: "Eloy, Eloy, lamà sabaktany?" dikany de hoe: "Andriamanitro ô, Andriamanitro ô, nagnino lôtra anao de nahafoy Anaha?" ³⁵ Ny sasany tamin'ny egny mbola nitsangana teo de naregny ny raha nizakainy ka nizaka hoe: "'Jerevo, miantso an'i Elia Izy." ³⁶ Nisy olona raika nihazakazaka, namoraka eponjy tamina divaigna marikivy sady nandraikitra an'Azy tamina volotara, de nampinominy an'Azy. De lilahy igny nizaka hoe: "Hitanay eo raha ho tonga anjotso an'Azy eo i Elia. ³⁷ Aveo Jesôsy de nihoaikaika mafy be de maty. ³⁸ Rota nizara roy nanomboka ambony tonga tambany ny lamban'ny tempoly. ³⁹ Ndreka hitan'ny kapiteny nitsangana sady nifagnatrika tamin'i Jesôsy fa maty tamin'izany fomba izany Izy, de nizaka Izy hoe: "Zanak'Andriamanitra marina tegnany io Lilahy io. ⁴⁰ De nisy viavy koa nitsinjo tegny. Agnisan'izany Maria Magdalena, Maria( renin'i Jakoba zandriny Josesy), de Salome. ⁴¹ Tamin'Izy tany Galilia de de nagnaraka an'Azy nanompo an'Azy iary zareo. Viavy maro hafa koa niaraka niakatra tamin'Azy tagny Jerosalema. ⁴² Ka ndreka alina ny andro, azon'ny andro fiomagnana; izany hoe, alohan'ny andro sabata , ⁴³ de tonga teo Josefa avy agny Arimatia. mpikambana manan-kaja amin'ny Synedriona izy, izay nandigny ny Fanjakan'Andriamanitra. Nahasahy nandeha tagny amin'i Pilato hangataka ny fatin'i Jesôsy. ⁴⁴ Gaga Pilato fa maty sahady Jesôsy; de nantsovany ny kapiteny sady nagnotaneny an'Azy raha maty tegnany Jesôsy. ⁴⁵ Ndreka naatoky ny raha nizakain'ny kapiteny fa maty Jesôsy, de nomeny an'i Josefa ny fatiny. ⁴⁶ De Josefa nividy tapatsihy madinika igny, sady napetragny tam-pasagna nangdiny tamin'ny vatolampy. Aveo de nitohagnany vato ny varangaram-pasagna. ⁴⁷ De hitan'i Maria Magdalena sy Maria endrin'i Jesôsy ny pilasy nandevegnana an'Azy.