¹ De nanomboka nampianatra an'iary zareo tamin'ny resaka fagnoharana Jesôsy. De nizaka Izy hoe: "Nisy lilahy nagnano tanim-bôloboka, nagnisy lakoro nagnodidigna an'izany, sady nandavaka famiazana. Nanangana tilikambo izy de aveo nampagnofainy tamin'ny mpamboly vôloboka igny tanim-bôloboka igny. De nenga nandeha lavitra izy aveon'igny. ² Tamin'ny fotoana mety, de nagniraka mpanompo handeha tamin'ny mpamboly vôloboka igny ndreka izy hangalaka amin'iary zareo ny sasany amin'ny zegny mba tokony anjara vokatra amin'ny tani-mbôloboka io. ³ Fa de nisamboron'iary zareo, nivangoiny, sady niroasiny tsy nitondra ndre ino ndre ino. ⁴ Nagniraka mpanompo hafa handeha amin'iary zareo io ndreka izy. De nivangoin'iary zareo tamin'ny lohany sady nalainy baraka. ⁵ De mbola nandefa hafa my izy, ka de nivonin'iary zareo raika io. Nataon'iary zareo karan'izany koa ny sasagny io, nivangoiny sanagny sady nisy nivoniny. ⁶ De mbola managna olona hafa raika hiraina ndreka izy, de zanaka malala. Izy no olona farany nalefany nandeha tamin'iary zareo tagny. De nizaka hoe: "Mba hagnaja ny zanako lahy iary zareo." ⁷ Nefa nifampikoragna iary zareo mpamboly vôloboka hoe: "Ity mpandova igny. Malaky, Andao vonin-tsena izy, de ho azon-tsena aby ny lova." ⁸ Nisamborin'iary zareo, de nivoniny , sady natsipiny tam-belagny tani-bôloboka. ⁹ ka de, ino arika no ataon'ny tompony tanim-bôloboka? Ho avy izy de handrava an'iary zareo mpamboly vôloboka io sady hagnome ny tanim-bôloboka io ho an'olon-kafa. ¹⁰ Tsy nivakinareo izany Soratra Masina izany a? " Ny vato nilavin'ny mpanangana tragno igny mihitsy, no nagnamboarana fehizoro. ¹¹ Tamin'ny Tompo izany, sady de mahagaga teo imasontsena."' ¹² Miaragna ny hisamborana an'iJesôsy iary zareo, kanefa de matahotra fokonolona, satria fantan'iary zaeo fa hagnoherana an'iary zareo ny fagnoharana izany. Ka de navelan'iary zareo izy de nenga iary zareo. ¹³ De nagniraka an'i Fariseo mbàn'ny Herodiana sanagny iary zareo. ¹⁴ Ka ndreka tonga ary zareo, de nizaka iary zareo tamin'azy hoe: "A mpampianatra, fantanay, fa tsy mandraharaha hevitran'olona Anao, satria tsy miangatra amin'olona. Mpampianatra marina ny lalan'Andriamanitra Anao. Ara- dalàna ma izany sa tsy ara-dalàna ny mandoa hetra amin'i Kaisara? Tokony handoha hetra ma iany ahay sa tsy tokony?" ¹⁵ Efa fantan'i Jesoôsy fa fiantsaram-belatsihin'iary zareo zany ka nizakainy iary zareo hoe: "Nagnino anareo mitsapatsapa Anaha? hitondray denaria raika Aho ijeravako an'izany." ¹⁶ De nitondran'iary zareo vola Jesôsy. De nizaka iary zareo tamin'iary zareo hoe: "Tarehin'iza ny sary mbàn'ny soratra io?" De nizaka iary zaeo hoe: "An'i Kaisara." ¹⁷ De nizaka Jesôsy hoe: "Omeo an'i Kaisara ndregny an'i Kaisara, de omeo an'Andriamanitra ndregny an'Andriamanitra." De gaga tamin'Azy iary zareo. ¹⁸ Aveo ny Sadoseo, nizaka fa tsisy fitsanganana amin'ny maty, de tonga tamin'Azy teo. Nagnotany an'Azy iary zareo, nagnano hoe: ¹⁹ "A mpampianatra, nanoratra an'izany ho anay Mosesy hoe: 'Ndreka maty ny rahalahin'ny raika ka mambela vady izy, nefa tsy nanan-janaka, de tokony manambady an'igny vadin'ny rahalahiny igny, mba hanagna taranaka ho an'ny rahalahiny. ²⁰ Nisy fito mirahalahy; nanambady raika voalohany de maty, tsy nambela taranaka. ²¹ Aveon'igny de nangala an'azy raika faharoy de maty, tsy nambela taranaka., de karan'izany koa raika fahatelo. ²² tsisy nambela taranaka izy fito. Farany, de maty koa raviavy igny. ²³ Amin'ny fitsanganana amin'ny maty arika, ndreka hitsangana ndreka aiary zareo, de ho vadin'iza zany izy? Satria efa samy nanambady an'azy aby izy fito mirahalahy." ²⁴ De nizaka Jesôsy hoe: "Tsy izany ma izany ny antony maha diso hevitra anareo, satria tsy fantanareo na ny Soratra Masinana ny herin'Andriamanitra? ²⁵ Satria na mitsangana amin'ny maty iary zareo, de tsy hanambady na omena vady, fa ho karan'ny anjely an-danitra agny. ²⁶ Fa momba ny fitsanganan'ny tena amin'ny maty, tsy novakianareo ma ny tagnatin'ny bokin'i Mosesy, amin'ny an-dalana momba ny voaroy, ny nikoranan'Andriamanitra tamin'azy ka nizakany hoe: "Izaho ny Andriamanitran'i Jakoba'? ²⁷ Izy de tsy Andriamanitra ny maty, fa an'ny velona. kara diso hevitra anareo." ²⁸ Nisy raika tamin'iary zareo mpanora-dalàna tonga sady naregny any raha nikoragnin'iary zareo; hitany fa nahavaly tsara an'iary zareo i Jesôsy. Sady nagnotany an'Azy izy hoe: "Ino zany ny tena didy lehibe amin'azy marobe io?" ²⁹ De namaly Jesôsy hoe: "Ny farany lehibe de hoe: 'Mitenoa, ny Tompo Andriamanitrantsena, ho an'ny Israely, raika my Tompo. ³⁰ Tsy mentsy tiavinao amin'ny fonao marobe ny Tompo Andriamanitranao, de amin'ny fagnahinao marobe, amin'ny saignanao marobe, sady amin'ny herinao marobe.' ³¹ Itiky ny didy faharoa: 'Tsy mentsy tiavinao karan'ny tegnanao koa ny akamanao.' Tsisy didi hafa lehibe ambonin'io." ³² De nizaka mpanora-dalàna igny oe: "tsara arô zany, a mpampianatra! voazakanao marina tegnany fa Andriamanitra de raika my, sady tsisy afa tsy izy. ³³ Sady ndregny mankatia an'azy amin'ny fo marobe mbàn'ny amin'ny saignany marobe mbàn'ny hery arobe sady ndregny mankatia an'ny akamany karan'ny tegnany, de tsara be ambonin'ny rakitra orôna mbàn'ny sorona marobe." ³⁴ Ndreka hitan'i Jesôsy fa nagnome valin-teny kanty izy, de nizaka tamin'azy Izy hoe: "Tsy lavitran'ny fanjakan'Andriamanitra anao io." De tafaran'izany, de tsisy olona nasahy nagnapetraka fagnotanena tamin'i Jesôsy koa. ³⁵ De namaly Jesôsy, ndreka nampianatra tao amin'ny tempoly Izy; de nizaka Izy hoe: "Ino ma izakàn'ny mpanora-dalàna hoe Kristy de zanak'i Davida? ³⁶ Vatategnan'i Davida, tamin'ny Fanahy sy Masina, nizaka hoe: "Ny Tompo nizaka tamin'ny Tompoko hoe: mitomera amin'ny tagnana ankavanako etsy, mandrapangamboarako an'ny fahavalonao ho fitomeran'ny tongotranao. ³⁷ Vatategnan'i Davida mihitsy aza ndre nagnantso an'Azy hoe 'Tompo', ka de ino zany no maha zanak'i Davida an'i Kristy?" Niteno an'Azy tamin-kafalena aby ny fokonolona marobe tao. ³⁸ Tamin'i Jesôsy nampianatra de nizaka hoe; "magnamboara tsara amin'iary zareo mpanora-dalàna io, zegny tia magnatao akanjo lava sady ten'iary zareo ny antsafa azon'iary zareo a bazary. ³⁹ Sady ten'iary zareo koa ny mahazo seza aloha ndreka am-pengonana mbàn'ny pilasy aloha ndreka amina fety. ⁴⁰ Mandroba tragno na mpitondra tegna iary zareo, sady magnano vavaka lavabe te ho hitan'olona. Io lilahy io de ahazo sazy agnona be tegnany." ⁴¹ Aveonigny Jesôsy de nipetraka takekin'ny boatin-drakitra tamin'ny tempoly; nizaka an'ny olona ndregny nandatsaka vola tamin'ny fanatazana rakitra tao. Mpanankarena maro be no tena nandatsaka vola maro be tao. ⁴² De nisy viavy sahiragna mpitondra tegna raika zay tonga nandatsaka vola madinika roy, zegny farany bitaka na ampitovizina amin'ny iraimbilanja. ⁴³ De nantsovany aby mpianatrany io sady nizakainy hoe: "Zaikaiko aminareo ne tena marina, fa ity viavy sahiragna amim-pitondrantena ity no tena nandatsaka be ambonin'ny olona zegny nandatsaka vola tamin'ny boatin-drakitra. ⁴⁴ Satria ny sanagny de nagnome tamin'ny fangnamben'iary zareo, fa ity mpitondratena ity koza, de nandatsaka any ndregny vola tokony namelomany tegna izy."