¹ Ndreka nagnantogna an'i Jerosalema Jesôsy mban'ny mpianatrany de nandeha ta Betifaga, amin'ny tendrombohitra Oliva, de nagniraka mpianatra roy Jesôsy, ² nizaka tamin'iary zareo hoe : "Mandiana amin'ny vohitra magnaraka an'io, fa eo noho eo de hahita ampondra mifatotra anareo sady misy zanaka apondra koa miaraka aminazy. Tatay iary zareo de handozy aminaha aty. ³ ka na misy mizaka anareo mikasika anazy, de zakay hoe :"Misy raha ilan'ny Tompo an'azy, de halefan'olona miaraka aminareo eo noho eo izany." ⁴ De nitranga izany mba hahatanteraka zay nizakaina tamin'ny mpaminany. De nizaka Izy hoe : ⁵ "Zakay zanaka vavy n'i Ziona hoe :"Igny, fa magnantogna anao ny Mpanjakanao, Manetry tegna sady mideba apondra de zanak'apondra lahy." ⁶ Aveo de nandeha ny mpianatra sady nagnano zegny nandidian'i Jesôsy an'iary zareo. ⁷ De nandozin'iary zareo ny apondra mban'ny zanagny sady napetrakazareo taminazy ny lamban'iary zareo, ka de nipetraka tambonin'ny lamba Jesôsy. ⁸ Aveo de namelatra ny lambany tamin'ny tany aby ny ankamaroan'ny olona, de ny sasagny nanapaka sampan-kazo sady nagnaparitaka an'izany tamin'ny lalagna. ⁹ Aveo de nandeha talohan'iJesôsy ny olona mban'ny zegny nagnaraka anazy sady nitabataba hoe : "Hosana ho an'ny Zanak'i Davida! De isaorana ilay tonga avy tamin'ny agnaran'ny Tompo! Hosana agny amin'ny avo indrindra!" ¹⁰ Ndreka niditra tao Jerosalema Jesôsy, de nihoaika ny tanan-draika de nagnano hoe : "Ka iza ma io?" ¹¹ De nivalin'olona hoe :"Izy no Jesôsy ilay mpaminany avy agny Nazareta agny Galilia." ¹² Aveo de niditra tamin'ny tempolyJesôsy. De niroany aby ny mpividy mban'ny mpivarotra tamin'ny tempoly, ka navadikany ny latabatran'ny mpanakalo vola mban'ny fitomerany mpivarotra voromailala. ¹³ De nizaka Izy tamin'iary zareo hoe :"Efa vôsoratra hoe :"Ny tragnoko de atao hoe tragno fivavahana."Kanefa de ataonareo toerana fisitrian'ny dahalo. ¹⁴ Ndreka avieo de nisy jamba mban'ny kilemaina nagnantogna an'Azy tamin'ny tempoly,de nositragniny iary zareo. ¹⁵ Fa ndreka nahita ny raha mahagaga namboariny ny leben'ny mpisorona mban'ny mpanora-dalàna, sady regnin'iary zareo koa ny zaza biataka naresaka tamin'ny tempoly hoe :"Hosana ho an'ny zanak'i Davida", de vignitra be iary zareo. ¹⁶ De nizaka taminazy iary zareo hoe :"Regninareo raha zakain'olona zany va?" De nivalin'i Jesôsy iary zareo hoe :"Aika! Ka tsy mbola nivakinareo mintsy ma ny hoe :"Avy amin'ny vavan'ny zaza bitaka mban'ny zaza minono no nandavorariana ny fiderana?" ¹⁷ Aveo de nengan'i Jesôsy iary zareo ka nandeha tagny amin'ny tanànan'i Betania Izy sady nitometra tao ny alina. ¹⁸ De niverigna tan-tanàna Izy nandraignan'igny, de mosarena. ¹⁹ Ndreka nahita aviavy tamin'ny sisin-dalagna, de nantogniny tegny kanefa tsy nahita na ino na ino teo afa-tsy raviny fotsiny.De nizaka taminazy Izy hoe :"Enga anie de tsy ho hisy isiny koa avy aminao mandrakizay", de niaraka tamin'izay de maigna tampoka ny aviavy. ²⁰ Ndreka nahitan'ny an'izany ny mpianatra, de gaga iary zareo ka nizaka hoe: "Ino ma nahatonga de nahamaigna an'ny aviavy tiky?" ²¹ Namaly Jesosy ka nizaka an'iary zareo hoe: " Zakaiko tsara aminareo, na manam-pinôna sady tsisy fisalasalana anareo, de tsy zay namboarina tamin'ny aviavy io my ny hamboarinareo, fa ndre de hizaka amin'ny tendrombohitra ity aza hoe: 'Miongota de milavoa an-dranomasina agny', de ekeny zany. ²² Zegny raha angatahinareo am-bavaka, na am-pinôna, de ho azonareo." ²³ Vatany vô niditra tan-tempoly Jesôsy, de nagnatogna an'Azy ny lehiben'ny mpisorona mban'ny zokiolona ndreka nampianatra Izy ka nizaka hoe: " Fahefana avy aza ma ny agnamboaranao an'ny raha io, de iza koa nagnome Anao an'ny fahefana zany?" ²⁴ Namaly Jesôsy de nizaka tamin'iary zareo hoe: "Hametraka fagnotanena raika aminareo my koa Aho. Raha zakainareo Aminaha, de ho zakaiko aminareo ny fahefana agnamboarako ny raha izany. ²⁵ Ny batisan'i Jaona- avy taza ma neveny? Avy tan-danitra sa avy tamin'olombelona?" De niady hevitra iary zareo, nagnano hoe: "Na mizaka antsena hoe, 'Avy tan-danitra,'hizaka amintsena Izy hoe: ' Fa magnino zany anareo na tsy mino an'Azy?' ²⁶ Fa na mizaka antsena hoe: 'Avy tamin'olombelona', matahotra ny fokonolona io antsena, satria iary zareo maro be de mieritreritra fa i Jaona de kara mpaminany". De namaly an'ny Jesôsy iary zareo sady de nizaka hoe: "Tsy lalanay." ²⁷ De nizaka my ko Izy tamin'iary zareo hoe: "Izaho koa de mba tsy hizaka aminareo hoe avy aza ny fahefana agnamboarako an'ny raha io. ²⁸ Ka magnano akory ma ny hevitra anareo? Nisy lilahy raika nanagna zanaka roy lahy . Nenga amin'ny voalohany izy de nagnano hoe: 'Zanako, mandiana miasa amin'ny tanimboaloboka agny niany.' ²⁹ Ny zanagny lilahy namaly an'azy hoe: "Tsy ho agny aho," fa niova hevitra my izy aveo de nandeha. ³⁰ Aveo de nandeha tamin'ny faharoy izy de nizaka karan'izany koa. Namaly izy de nizaka hoe: "Ho agny, aho tompoko, nefa tsy nandeha agny izy. ³¹ Iza tamin'ny zanagny roy io no nagnano ny sitrapon'ny iabany?" De nizaka iary zareo hoe: "Ny vôlohany." Nizaka an'iary zareo Jesôsy hoe: "Zakaiko tsara aminareo, ny mpangalaka hetra mban'ny mpivaro-tegna de hiditra ny Fanjakan'ny lanitra alohanareo. ³² Fa i Jaona nagnatogna anareo tamin'ny fahamarinana, fa tsy nino an'azy anareo. Fa ny mpanagalaka hetra mban'ny mpivaro-tegna nino an'azy. Fa anareo, ndre de nahita an'izany aza, de tsy nivalo sady nino an'azy. ³³ Tenoy fagnoharana raika hafa ity. Nisy lilahy raika, managna tany. Nagnano tanim-boaloboka izy, naseny lakoro io, naseny lavaka famiazana agnatiny, nananganany tilikambo, de nampagnofainy tamin'ny mpamboly voaloboka. Avy teo izy de nandeha tamina tanàna hafa . ³⁴ Ndreka nagnakeky ny fekaran'ny vokatra, de nagniraka ny sanagny tamin'ny mpiasa izy ho agny amin'ny mpamboly voaloboka hangala ny vokatrany. ³⁵ De nisamborin'ny mpamboly voaloboka ny mpiasany, nivangoiny ny raika, nivoniny ny sanagny de nivalavalainy vato ny sanagny. ³⁶ De mbola, nandefa mpiasa hafa ndreka ny tompon-tany, maro ambonin'ny tamin'ny voalohany, fa de nataon'iary zareo karan'izany my koa. ³⁷ Tafaran'izay, de nagniraka ny zanagny lahitokana tagny amin'ny tompon-tany, nizaka hoe: 'Hagnaja ny zanako iary zareo.' ³⁸ Ka ndreka nahita ny zanagny lahy ny mpamboly voaloboka io, de nifampikoragna iary zareo hoe: 'Ity ny mpandova. Andao, hivonintsena izy de alaintsena ny lova.' ³⁹ Izany ny nahatonga an'iary zareo nanambotra an'azy, natsipy tagnatin'ny tanim-boaloboka sady nivoniny. ⁴⁰ Ka ndreka avy ny tompon'ny tanim-boaloboka, ino ny hatôny amin'ny mpamboly voaloboka?". ⁴¹ Nizaka iary zareo tamin'azy hoe: " Ho aripakany amin'ny fomba mafy be ny olona tsy manjary io, de aveo ampagnofainy amin'ny mpamboly voaloboka hafa ny tanim-boaloboka, olona mba hagnome an'azy ny anjara vokatra amin'ny fotôm-pamokarana." ⁴² Nizaka tamin'iary zareo Jesôsy hoe: "Tsy mbola no vakinareo mihitsy ma ny Soratra Masina hoe: 'Ny vato nolavin'ny mpagnano tragno no natao vato fehizoro. Avy tamin'ny Tompo izany, ka mahagaga amasontsena'? ⁴³ Ka izany mahatonga Anaha mizaka aminareo, alaina aminareo ny Fanjakan'Andriamanitra ka hatolotra ny firenena zay magnome vôny. ⁴⁴ N'iza n'iza ho lavon'io vato io de ho potipotika. Fa zay hilavoany koza de ho torotoro." ⁴⁵ Ndreka naregny an'izany fagnoharana zany ny leben'ny mpisorona mban'ny Fariseo, de nazava tamin'iary zareo fa makasika an'iary zareo no nokoragnina. ⁴⁶ Nieritreritra ny hanambotra an'Azy, nefa natahotra ny fokonolona iary zareo, satria neveri'olona fa mpaminany Izy.