¹ Nagnano fagnoharana tamin'iary zareo Jesôsy, de nizaka hoe: ² Ny fanjakan'ny Lagnitra de mitovy amin'ny mpanjaka zay nagnomagna fanasana amin'ny fanambadeny zanagny lilahy. ³ Nagniraka ny mpiasany hagnatso zay nahazo fanasana hagnatrika ny fetin'ny fanambadena izy, ka tsy nety tonga iary zareo. ⁴ Nandefa ny mpiasany hafa ndreka ny mpanjaka, nizaka hoe: zakay ndregny nasaina hoe: "Jerevo, efa vita karakara ny hanina. efa nivonina ny omby amban'ny zanak'omby nafahiko, sady efa vognona ny raha marobe. tongava amin'ny fetin'ny fanambadena."' ⁵ Nefa tsy niraraha iary zareo fa dila nandea, ny raika namonjy ny fiompiany, ny hafa tamin'ny fivarotany. ⁶ Ny sanagny nanambotra ny mpiasan'ny mpanjaka, nangala baraka sady namono an'iary zareo. ⁷ Vingitra ny mpanjaka de nagniraka ny miaramilany, Ka namono ny mpamono olona iary zareo, amban'ny nandoro ny tanànany. ⁸ Aveo de nizaka tamin'ny mpanompony izy hoe: Efa vognona ny fanambadena, fa zay natsovana no tsy avy(tsy mendrika). ⁹ Noni zany de mandiana egny amin'ny sampagnan- dalagna de mangatsova olona marobe ndreny hitanareo mba hotonga amin'ny fety nifanambadena. ¹⁰ Nandea tegny an-dalambe ny mpiasa de nagnotrika olona marobe ndregny hitany iary zareo, na ny tsara na ny ratsy. Ka de feno vahiny ny efi-tragno lebe nisy ny fanambadena. ¹¹ Ka ndreka niditra ny mpanjaka mba hijaha ny vahiny, de nahita lelihy tsy nagnatao ny akanjo fandao amin'ny izy. ¹² De nizaka tamin'azy ny mpanjaka hoe: Ry akamako, ino no idiranao ato tsy miaraka amin'ny fiakanjo fandao amin'ny fanambadena?' Fa tsy nahazaka i lilahy igny. ¹³ Aveo nizaka tamin'ny mpiasany ny mpanjaka hoe: 'Fatory nitagnany amban'ny tongotrany io lilahy oi ka atsipizo amin'ny mizigna agny ivelany izy, fa agny no misy fitomagniana ambany fikitrohanify. ¹⁴ Ka olona marobe natsovana, nefa vitsy no voafidy. ¹⁵ aveo nandea ny fariseo de nagnomagna ny fomba mety hamandriana an'i jesôsy amin'izay nozakainy. ¹⁶ Aveo de nirahan'iary zareo handea agny ny mpianatra, niaraka tamin'ny Herodiana. Nizaka tamin'ny Jesôsy iary zareo hoe: "Ry mpampinatrô, lalanay fa marina anao, ka mampianatra ny lalan'andriamanitra amin'ny marina. Tsy mandraraha ny hevitry ny hafa Anao, de tsy mizaha vilagna. ¹⁷ Nony zany zakay aminay, ino ny hevitr'Anao? Ara-dàla ma ny fagnefan-ketra agny amin'ny Kaisara sa tsia?" ¹⁸ Nefa fatatr'i Jesôsy ny faharatseny ka nizaka hoe: "Magnino na mitsapa Anaha anareo, ry mpiatsaravelatsihy? ¹⁹ Atoroy Anaha ny vola amin'ny hetra." Aveo nitondra denaria tamin'Azy iary zareo. ²⁰ Nizaka Jesôsy tamin'iary zareo hoe: "an'iza ny sary amban'ny agnarana ity?" ²¹ Nizaka tamin'Azy iary zareo hoe: "An'iKaisara." Aveo Jesôsy nizaka an'iary zareo hoe: "Ameo an'i Kaisara zay an'i Kaisara, de an'Andriamanitra zay an'Andriamanitra." ²² Ndreka naregny an'zany iary zareo, de gaga. De nenga teo iary zareo ka de nandea. ²³ Tamin'ny andro io my ny Sadoseo sanagny, de nizaka fa tsisy ny fitsanganana amin'ny maty, ka nagnatogna an'Azy. De nagnotany an'Azy iary zareo ²⁴ nizaka hoe: "Ry mpampianatra, Mosesy nizaka hoe: 'Na maty ny olona, tsy manan-janaka, de tokony hanambady ny vadin'ny ny ampiralay amin'azy ka hanan-janaka ho an'ny ralainy. ²⁵ Nisy ampiralahy fito. Nanambady ny vôlohany de maty aveo. Maty tsy niteraka, ka napetrany ho an'ny ralainy ny vadiny. ²⁶ De nagnano kara an'izany my koa ny faharoy, de mbola kara an'zany my fahatelo, karan'zany fezay ziska tamin'ny fahafito. ²⁷ Tafaran'izy marobe reo, de maty i viavy igny. ²⁸ Ka amin'ny fitsanganan'ny amin'ny maty, ho vadin'iza aminazy fito miralay izy? Satria efa samby vadiny aby zareo marobe io." ²⁹ Namaly Jesôsy de nizaka an'iary zareo hoe: "Diso anareo, satria tsy nafantatra ny Soratra Masina na ny herin'Andriamanitra. ³⁰ Fa amin'ny fitsanganan'ny maty de tsy hanambady iary zareo no tsy omena ampakarina. Nefa koja mitovy amin'ny anjely agny an-danitra. ³¹ Fa momba ny fitsanganana amin'ny maty, ka mbola tsy novakianareo ma zay nozakain'Anandriamanitra taminareo, nagnano hoe: ³² 'Izaho no Andriamanitr'i Abrahama, Andriamanitr'Isaka, amban'ny Andriamanitr'i Jakoba'? Fa Andriamatra de tsy Andriamanitry ny maty, fa an'ny velogna." ³³ Ndreka naregny an'zany ny fokonolona, de varena tamin'ny fampianarany. ³⁴ Ka ndreka regnin'ny Fariseo ny nampanginan'i Jesôsy an'ny sadoseo, de nitambatra raika iary zareo. ³⁵ Ny raika tamin'iary zareo de mpahay lalàna, nametraka fagnotanena tamin'Azy hoe: ³⁶ "Ry mpampianatra, ino no lebe indrindra amin'ny didy ao amin'ny lalàna?" ³⁷ Nizaka tamin'Azy Jesôsy hoe: "Tiavo amin'ny fonareo amban'ny fagnahinareo de amin'ny saignareo manotolo ny Tompo Andriamanitrareo.' ³⁸ Zany no didy lebe sady voalohany. ³⁹ Ka ny didy faharoy de karan'zany my: 'Tiavo ny mpiara-monigna aminaro kara ny tegnanareo.' ⁴⁰ Amin'ny didy roy io no iankinan'ny lalàna marobe amban'ny mpaminagny." ⁴¹ De na mbola nitambatra raika ny fariseo, de nametraka fagnontaniana tamin'iary zareo Jesôsy. ⁴² Nizaka Izy hoe: "Ino no eritreritranareo momba an'i Kristy? Zanaka lilahin'iza Izy? Namaly an'Azy iary zareo hoe: "zanak'i Davida." ⁴³ Nizaka Jesôsy tamin'iary zareo: Nagnino arka Davida mipetraka amin'ny fanahy no magnatso an'Azy hoe Tompo, ⁴⁴ Ny Tompo nizaka tamin'ny Tompoko hoe: "mitomera amin'ny tagnan-kavanako, mandra-pagnamboarako ny fahavalonao ho fitoeran-kongotrao?' ⁴⁵ Na Davida aza magnatso an'i Kristy hoe: 'Tompo,' de ino no maha-zanak'i Davida an'Azy?" ⁴⁶ Tsisy navaly an'Azy tamin'ny zakany, de tsisy olona nasahy nametraka fagnotane hafa koa nanomboka tamin'io andro io.