¹ Fa ny fanjakan’ny lanitra de karan'ny tompon-tany nandeha vô mandraigna be hampikarama mpiasa amin’ny tanim-boalobokany. ² Ndreka avy nifagnaraka tamin’ny mpiasa izy fa ho denaria raika isan’andro ny karaman’iary zareo, de nalefany tamin’ny tani-boalobakany iary zareo. ³ Ndreka nivoaka izy tamin’ny lera fahatelo de nahita mpiasa nijorojoro tabazary. ⁴ De nizaka tamin’iary zareo izy hoe :" Anareo koa, mandiana agny amin’ny tanim-boaloboka, de zegny an-keviny marina de omeko anareo ." De nandeha niasa iary zareo. ⁵ Mbola nivoaka ndreka izy tokony tamin’ny enina de tamin’ny sivy, de nagnano karan’izany my. ⁶ Tamin’ny raika ambin’ny folo de nivôka ndreka izy ka nahita mpiasa hafa nipetrapetra-potsiny. De nizaka izy tamin’iary zareo hoe : 'Nagnino anareo na mipetra-potsiny eto magnalin'andro?' ⁷ De nizaka taminazy iary zareo hoe: 'Tsisy olona mampikarama anay.' De nizaka tamin’iary zareo ndreka izy hoe : ‘Anareo my koa, mandiana agny amin’ny tanim-boaloboka.' ⁸ Ndreka alina ny andro, de nizaka tamin’ny tompon'andraikitra ny tompon’ny tanim-boaloboka hoe : 'Angizo ny mpiasa de aloavy ny karaman’iary zareo, manomboka avy amin’ny farany mandeha amin’ny voalohany.’ ⁹ Ndreka tonga ny mpiasa zegny nalaina tamin’ny raika ambiny folo, de nahazo denaria raika tsitokatokana aby iary zareo. ¹⁰ Ndreka tonga ny mpiasa voalohany, de nagnantegna fa ahazo ambony iary zareo, nefa iary zareo koa de nahazo denaria raika tsitokatokana aby. ¹¹ Ndreka nahazo ny karamany iary zareo, de nitaraigna tamin’ny tompon-tany iary zareo. ¹² De nizaka iary zareo hoe : 'Ny mpiasa farany io de niasa adin’ny raika fotsiny, nefa de nampitovinao taminay iary zareo, izahay ndreny niaritra ny vesatra nagnalin'andro sady niharitra tanign'andro.' ¹³ Fa namaly ny tompon-tany de nizaka tamin’ny raika tamin’iary zareo hoe: ‘ Tsy magnano zegny tsy mety aminao aho. Tsy denaria raika ma nifagnarahanao taminaha ? ¹⁴ Alay zegny anao de zory lalagnanao. Izaho de nifidy ny hagnome an’ny mpiasa nikaramaina farany kara ny nenao igny my. ¹⁵ Tsy managna zo hagnano an'izay teko amin'ny rahako ma izaho an ? Sa mialogna anareo satria malala-tagnana aho?’ ¹⁶ Ka ny farany de ho voalohany, de ny voalohany ho farany. [Fagnamarihana : Ny dikan-teny taloha tena tsara de ny mangala ny hoe: "Maro no nantsovana fa vitsy no voafidy."] ¹⁷ Ndreka handeha ho agny Jerosalema Jesôsy, de nangala ny roy ambin’ny folo tagnilany Izy, de tan-dalagna tegny Izy nizaka tamin’iary zareo hoe : ¹⁸ " Andao fa, hiakatra ho agny Jerosalema antsena, sady ny Zanak’Olona de hatolotra ny lohan’ny mpisorona mban’ny mpanora-dalàna. Iary zareo de hagnameloka an’Azy ho faty ¹⁹ sady hanolotra an’Azy amin’ny Jentilisa mba homehezana, hovangoina, sady hamantsihana an’Azy amin’ny hajofijalena. Fa ndreka avy ny andro fahatelo de hitsangana ndreka Izy. » ²⁰ Aveo de nagnatogna an’i Jasôsy endrin-janaka lahin'i Zebedio niaraka tamin’ny zanagny lilahy. Nandohalika tagnatrehany izy sady nangataka raha avy amin’Azy. ²¹ De nizaka Jesôsy tamin’azy hoe : "Ino raha irinao?" Nizaka izy tamin'Azy hoe: "Mandidia mba hahezany zanako roy lahy tôgny mipetraka, ny raika amin’ny tagnanao ankavanana de ny raika amin’ny tagnanao ankavia, ao amin’ny fanjakanao." ²² De namaly Jesôsy ka nizaka hoe : "Tsy fantatrareo ny raha angatahinareo. Afaka hinagna amin'ny kapoaka zay ho aniko ma anareo ?" Namaly iary zareo hoe : « Afaka arô zahay .» ²³ De nizaka Izy tamin’iary zareo hoe : "Ihinagna ny kapoakako tokôtra ma anareo? Fa ny hitometra amin’ny tagnako ankavanana sy amin’ny tagnako ankavia de tsy anjarako ndreka igny, fa an’ny zegny efa nomagnin'Iabako." ²⁴ Ndreka naregny an’igny ny mpianatra folo lahy hafa, de vignitra be tamin’azy mirahalahy. ²⁵ Ka nagnantso an’iary zareo Jesôsy hagnantogna an’Azy de nizaka hoe : « Fantanareo fa ny mpanapaka ny Jentilisa de hampijaly an’iary zareo, de ny lilay manankaja amin’iary zareo de hagnampatra ny fahefany amin’iary zareo. ²⁶ Fa tsy tokony ho karan’izany ny aminareo. Fa mifanohitra amin’izany, n'iza n'iza magniry hanjary ho lebe aminareo de tsy mentsy ho mpiasanareo, ²⁷ ka n'iza n'iza magniry ho voalohany aminareo de tsy mentsy ho mpiasanareo, ²⁸ karan'ny Zanak’Olona tsy tonga ho mpampiasa, fa ho mpiasa, sady hagnome ny tegnany mba ho vidim-pagnavotana ho an’ny maro." ²⁹ Ndreka nivôka avy tagny Jeriko iary zareo, de fokonolona maro nagnaraka an’Azy. ³⁰ Nisy lilay jamba roy nitometra tamoron-dalana. Ndreka naregny fa nandalo i Jesôsy , de nihoaika mafibe iary zareo hoe: "Tompo, zanak’i Davida, mamindra fo aminay." ³¹ Nitrerogniny fokonolona iary zareo mba tsy hizaka, kanefa de vômeka nagnantsognantso mafy hoe : "Tompo, zanak’i Davida, mamindrà fo aminay." ³² Aveo de nijanogna Jesôsy sady nagnantso an’iary zareo de nizaka hoe : "Ino ma raha tenareo hataoko aminareo ?" ³³ De namaly iary zareo tamin’Azy hoe : "Tompo, mba hampahiratra ny masonay ." ³⁴ Aveo Jesôsy, nalahelo, de nikasika ny mason’iary zareo. Teo no ho eo de nahita iary zareo ka nagnaraka an’Azy.