¹ Akhirnyo, sudaaro-sudaroku, basukocitolah dalam Tuhan. Awak tak lagi kaboratan manuliskan hal-hal yang samo kapadomu lantaran hal ni lah yang akan manjagomu. ² Hati-hati lah samo guru-guru palsu samo paro palaku kajahatan, dan samo orang yang manyunat badannyo, ³ sobab kitolah orang-orang basunat yang sajati, yang manyombah Roh Allah, mamuliokan Yesus Kristus, dan yang tak manarok kapacayoannyo samo hal-hal yang lahiriah ⁴ maskipun sabonarnyo awak punyo alasan untuk bamogah pada hal-hal yang lahiria. Jiko ado orang yang bapikir bahwa dio punyo alasan untuk bamogah pada hal-hal yang lahiriah, bagitu jugo awak: ⁵ Awak disunat pada hari ka dalapan, katurunan asli bangso Israel, dari suku Benyamin, orang Ibrani yang babahaso Ibrani. Manurut Hukum Taurat, awak adalah orang farisi. ⁶ Dalam hal samangat, awak ni pangikut ajaran sosat, dan dalam hal kabonaran di bawah Hukum Taurat, awak tak bacacat. ⁷ Tapi, sagalo yang dulu ku anggap manguntungkan awak, sakarang ku anggap rugi lantaran Kristus. ⁸ Sunggu, samuonyo ku anggap rugi dibandingkan dengan pangonalan akan Yesus Kristus, Tuhanku, yang jauh lobih bahargo dari apo pun. Domi Kristus, awak tolah kahilangan samuonyo -- karono samuonyo tu kinin kuanggap sampah! -- supayo awak boleh mamparoleh Kristus. ⁹ Awak ditomukan dalam Kristus bukan dalam kabonaran yang barasal dari diriku sandiri yang ku dapatkan dari Hukum Taurat, tapi yang datang malalui iman dalam Kristus, yaitu kabonaran dari Allah yang badasarkan pado iman. ¹⁰ Kironyo awak dapat mangonal Dio dan kuaso kabangkitannyo, serta basatu dalam pandaritoan-Nyo untuk manjadi macam Dio dalam kamatian-Nyo ¹¹ sahinggo akhirnyo awak mandapatkan kabangkitan dari antaro orang mati. ¹² Tapi, bukan bararti awak tolah mandapatkannyo atau tolah sampurna, malainkan awak mangorjokannyo supayo awak manangkapnyo macam Kristus Yesus manangkap awak. ¹³ Sudaro-sudaro, tak kuanggap aku yang manangkapnyo. Tapi, satu hal yang ku pabuat: awak lupokan apo yang di balakang dan mangarah apo yang di dopan ku. ¹⁴ Awak torus maju kapado tujuan untuk mangambek hadiah, yaitu panggilan sorgawi dari Allah dalam Yesus Kristus. ¹⁵ Ayoklah kito yang sampurna bapikir macam tu. Jika kamu tak bapikir macam tu, Allah akan manengokkannyo dengan jolas samo mu. ¹⁶ Jadi ayoklah kito torus hidup sasuai dengan kabonaran yang sudah kito punyo. ¹⁷ Sudaro-sudaro, ikutlah taladan ku dan parhatikan dengan sarius orang-orang yang jugo sasuai dengan taladan yang kamu tengok dari kami. ¹⁸ Sobab, ado banyak orang yang hidup sabagai musuh-musuh salib Kristus. Tontang hal ni, sudah soring awak caritokannyo samo mu dan sakarang awak caritokan balek dengan air mato. ¹⁹ Hidup orang tu barakhir dengan kabinasoan, karono Allah orang tu adalah porut orang tu, dan pujian orang tu adalah hal-hal yang mamalukan. Pikiran orang tu hanyolah tontang duniowi. ²⁰ Tapi, kawarganagaroan kito adalah surgo, dengan samangat kito manunggu-nunggu Jurus Salamat, yaitu Tuhan Yesus Kristus. ²¹ Dio akan mangubah badan yang hino ni manjadi sarupo dengan badan kamulioan-Nyo. dengan kuasonyo itu, Kristus bisa mambawak samuonyo manurut samo-Nyo.