¹ karono ti, sudaro-sudaro yang kukasihi dan kurindukan, yang manjadi sukocito dan kabanggan ku, bangkit lah dengan toguh dalam Tuhan. ² Awak sangat mamohon kapado Euodia dan jugo kapado Sintikhe untuk hidup rukun dalam Tuhan. ³ Iyo, awak maminto samo mu, kawan-kawan dokat sajati ku, bantulah parampuan-parampuan ni sobab orang-orang tu tolah karojo koras basamo ku domi palayanan Injil, jugo basamo Klemens dan Kawan-kawan sakarojo ku yang lain, yang namo-namo nyo tatulis dalam buku kahidupan. ⁴ Basukocitolah torus dalam Tuhan. Sakali lagi ku katokan, basukocitolah! ⁵ Biarlah kalombutan hati mu di ketahui samuo orang. Tuhan sudah dokat. ⁶ Janganlah bimbang tontang aou oun jugo. Namun, dalam sagalo sasuatu nyatokan niat mu kapado Allah dalam doa dan parmohonan sorta ucapan syukur. ⁷ Damai sajahtora Allah yang malampaui samuo pangortian akan marawat hati dan pikiran mu dalam Yesus Kristus. ⁸ Akhirnyo, sudaro-sudaro, samuo yang bonar samuo yang mulio, samuo yang adil, samuo yang suci, samuo yang indah, samuo yang tapuji, samuo yang sampurna, samuo yang patut dipuji, pikirkanlah samuonyo tu. ⁹ Apo yang kamu palajari, tarimo, dongar, dan tengok dari awak, lakukanlah samuo tu, maka Allah sumber damai sajahtorah akan basamo kamu. ¹⁰ Awak sangat basukacito dalam Tuhan karono sakarang, akhirnyo kamu mamborikan kambali parhatianmu samoku. Tapi tak ado kasompatan. ¹¹ Awak bacakap hali ni bukan karono awak sodang kakurangan, sobab awak tolah balajar rahasio hidup mancukupkan, diri dalam kaadoan apo pun. ¹² Awak tahu apo artinyo kakurangan, dan satiap kaadaan, awak tolah balajar rahasio hidup bakacukupan, apokah dengan konyang atau lapar, apokah hidup banyak uang ato tak punyo uang. ¹³ Awak dapat malakukan sagalo sasuatu malalui Dio yang mambori kakuatan samoku. ¹⁴ Tapi, kamu tolah babuat baek ondak babagi boban donganku. ¹⁵ Kamu sandiri tau, jomaat Filipi, bahwo saat awal partamo palayanan Injil, saat awak maninggalkan wilayah Makedonia, tak ado jomaat yang ondak babagi boban dongan ku dalam hal mangkasi dan manarimo, kacuali kamu. ¹⁶ Bahkan, katiko di kota Tesalonika, kamu mangirim bantuan ondak kaporluanku lobih dari sakali. ¹⁷ Namun, bukan bantuan tu yang ku cari, malainkan awak mancari buah yang akan mampabosar kauntunganmu. ¹⁸ Awak tolah manarimo pambayaran ponuh, bahkan lobih . Awak mamiliki samuo yang awak butuhkan karono pamborian yang kamu kirirm kapado ku malalui Epafroditus. Pamborian tu manjadi parsombahan yang harum, kurban yang bakonan, dan manyonangkan Allah. ¹⁹ Allah ku akan mamonuhi sagalo kaporluan mu manurut kakayoan-Nyo yang mulio dalam Yesus Kristus. ²⁰ Kamulioan bagi Allah dan Ayah kito untuk salamo-lamonyo. Amin. ²¹ Baritokan lah salam kami kapado satiap orang kudus dalam Yesus Kristus. Salam untuk mu dari sudaro-sudaro seiman yang ado basamo ku di sini. ²² Samuo orang kudus mangirim salam kapado mu, Khususnyo orang-orang tu yang karojo malayani di istana Kaisar. ²³ Anuhgorah dari Tuhan Yesus Kristus basamo rohmu. Amin.