¹ Jadi, jika dalam Kristus ni ado dorongan samangat, panghiburan kasih, parsakutuan Roh, kasih sayang, dan bolas kasihan, ² sampurnakanlah sukocitoku dongan sahati sapikir, punyo kasih sayang samo, diparsatukan dalam roh, dan punyo satu tujuan. ³ Jangan lakukan ambisi yang egois ato kasombongan yang sio-sio; tapi dongan rondah hati, anggap ajo orang lain lobih ponting daripado dirimu sandiri. ⁴ Jangan mamontingkan diri sandiri, tapi pontingkan jugo orang lain tu. ⁵ Biarlah pikiran ni ado diantaro kamu macam dipunyoi Yesus Kristus, ⁶ walaupun punyo Allah, Dio tak dinggap-Nyo sataro samo Allah tu sabagai sasuatu yang harus diparhatikan. ⁷ Sabaliknyo, dibuat-Nyo diri- Nyo tak punyo apo-apo dan manghamburkan diri saporti pambantu supayo sarupo samo manusio. ⁸ Dalam kaadoan-Nyo saporti manusio, Dio rondahkan diri-Nyo dongan taat sampe mati, bahkan maninggal di atas kayu salib. ⁹ Untuk alasan ni lah, Allah sangat maninggikan Dio dan dianugrahkan namo-Nyo diatas sagalo namo ¹⁰ supayo dalam namo Yesus satiap lutut batokuk-- baek di langit, di bumi, maupun di bawah bumi-- ¹¹ dan satiap lidah mangaku bahwa Kristus Yesus lah Tuhan bagi kamuliaan Allah, Sang Bapa! ¹² Karono tu, Sudaro-sudaro yang takasih, sabacomano kamu tu salalu taat-- tak hanyo waktu awak ado samomu, lobih-lobih sakarang waktu awak tak samomu mangorjokan kasalamatanmu dongan takut dan gontar. ¹³ Sobab, Allah yang korjo dalam kamu, baek mangingini ato mangorjokan apo yang manyonangkan-Nyo. ¹⁴ Lakukan samuonyo tanpa mangorut ato mambantah ¹⁵ supayo kamu tak cacat dan tak salah, sabagai anak Allah yang tak bacola tongah ganarasi-ganarasi yang bengkok dan sosat ni, sahinggo kamu basinar diantaro torang dunio ni. ¹⁶ Bapogang oratlah pado Firman Kristus supayo pado hari Kristus, awak punyo alasan untuk bamogah dan tak lari dongan sio-sio dan karojo koras dongan sio-sio. ¹⁷ Sakalipun awak harus dicurahkan macam cawan parsombahan atas kurban dan palayanan iman mu, awak gambira dan sukocito dongan kamu samuo. ¹⁸ Dongan alasan samo, bagambiro dan sukocitolah basamo-samo donganku. ¹⁹ DIdalam Tuhan Yesus, harapan ku dapat dongan copat mangutus Timotius kapadomu supayo awak dihiburkan saat mandongar kabar tontang kamu. ²⁰ Sobab, awak tak punyo orang lain macam dio, dongan tulus mamadulikan kasajohtoraanmu. ²¹ Sobab, awak tak punyo orang lain dongan kapontingan sandiri, bukan kapontingan Kristus Yesus. ²² Saporti kamu tau, tolah dibuktikan Timotius bahwa baharga dirinyo , dio malayani samo ku domi kamajuan pambaritaan Injil saporti anak ka. bapaknyo. ²³ Karono tu, awak baharap bisa mangutus dio sagora satolah awak tahu apo tajadi donganku, ²⁴ dan awak pacayo pado Tuhan bahwa awak sandiri jugo datang padomu. ²⁵ Tatapi, porlu jugo awak bapikir mangutus Epafroditus padomu. Dio tu sudaroku, toman sapalayanku, toman sajuangku, dan jugo orang yang mambawa posan dan malayani. ²⁶ Sobab, dio sangat ringu kamu samuo dan sangat susah hatinyo karono kami mandongar kamu dio sakit. ²⁷ Memangnyo, dulu awak sakit hampir mati, tapi Allah ditunju-Nyo bolas kasihan-Nyo-- dan bukan untuk dio, tapi jugo pado ku-- supayo dukocito tak batumpuk-tumpuk. ²⁸ Karono tu, awak samakin ondak mangutusnyo balek ka kamu supayo dapat basukocito waktu manengoknyo lagi, dan bakurang kakhawatiran. ²⁹ Sambutlah Epafroditus dalam Tuhan dongan ponuh sukacito dan hormatilah orang-orang saporti dio. ³⁰ Karono dio hampir mati domi pakorjoan Kristus; dio taruhkan nyawanyo untuk manggantikan bantuan yang tak dapt kamu bagikan ka aku.