¹ Karna koa,diri'k nang dimanaratn karna iman,diri'k idup daapm damai sejahtera ba Allah oleh karna Jubata diri'k Yesus Kristus. ² Karna Ia diri'k uga'k namu maraga taama'k karna iman untuk kasih karunia nyian.Kadaapm kasih karunia nyian diri'k badiri dan ba megah daapm pangarapatn untuk narima'k kamuliaatn Allah. ³ Ba buke'k nyian aja'k.diri'k malah bamegah uga'k daapm kasengsaraatn diri'k,karna diri'k nauan,bahwa kasengsaraatn koa nimuan ketekunan, ⁴ Ba ketekunan nimuan tahan uji ba tahan uji nimuan pangarapatn. ⁵ Ba pangarapatn ina'k ngecewaatn,karna kasih Allah dah dinyurahatn ka daapm ati diri'k di Roh Kudus nang dah dimarekatn ka diri'k. ⁶ Karna waktu diri'k gi'k lamah,Kristus udah mati untuk diri'k urakng-urakng durhaka pada waktu nang dinantuatn di Allah. ⁷ Jukut ina'k gampang seko'k urakng mao'k mati untuk urakng nang banar--tapi mungkin untuk urakng nang baik ada urakng nang barani mati--. ⁸ Tapi Allah nunjukatn kasih-E ka diri'k,oleh karna Kristus udah mati untuk diri'k,waktu diri'k masih badosa. ⁹ Apalagi'k,karna diri'k angkitn dah dimanaratn di darah-E, diri'k pasti disalamatatn dari bera Allah. ¹⁰ Karna saandaie diri'k,saat masih bamusuhatn,didamaiyatn di Allah ba kamatiatn anak-Ke, apalagi'k diri'k, nang angkitn dah dinamaiyatn,pasti disalamatn di idup-Pe! ¹¹ Ba buke'k kahe koa aja'k! diri'k malah bamegah daapm Allah karna Yesus Kristus,Jubata diri'k,sabab karna Ia diri'k dah narima'k padamaiyatn koa. ¹² Karna koa, sama aya dosa dah taama'k ka daapm dunia di seko'k urakng,ba didosa koa uga'k maut,ayakoa uga'klah maut koa bajangkit ka samua urakng,karna samua urakng udah babuat dosa. ¹³ Jukut sanape'k waktu ukum Taurat ada,udah ada dosa kadunia. tapi dosa koa ina'k diperetongan kade'k ina'k ada ukum Taurat. ¹⁴ Sungguhpun yakoa maut udah udah bakuasa dari zaman Adam sampe ka zaman Musa uga'k atas mereka,nang ina'k babuat dosa ba cara nang sama aya nang udah diminjawat di Adam,nang adalah bayangan-Ne ana. ¹⁵ Tapi karunia Allah ina'klah sama ba palangratn Adam.karna,kade'k ba palangaratn seko'k urakng samua urakng udah jantu'k kadaapm kuasa maut,jauh labih aya'k agi'k kasih karunia Allah ba karunia-E,nang Ia mareatn untuk samua urakng karna seko'k urakng,yakoa Yesus Kristus. ¹⁶ Ba kasih karunia ina'k berimbang badosa seko'k urakng.karna panghakiman untuk sote'k palanggaratn koa udah ngakibatatn ukuman,tapi untuk anugerah karunia untuk manyak palanggaratn koa ngakibatatn kabanaratn. ¹⁷ Karna,kade'k didosa seko'k urakng,maut dah bakuasa di seko'k urakng koa,jaji labih banar agi'k mereka,nang udah narima'k pamare'k kasih karunia ba anugerah kabanaratn,pasti idup ba bakuasa karna seko'k urakng koa,yakoa Yesus Kristus. ¹⁸ Karna koa,sama aya sete'k palanggaratn samua urakng namu ukuman,yakoa ihan lah sete'k pabuatatn kabanaratn samua urakng namu pambanaratn untuk idup. ¹⁹ Jaji sama aya ba kaina'k taatatn seko'k urakng samua urakng jaji urakng banar. ²⁰ Tapi ukum Taurat dinambahatn,biar palanggaratn jaji samangkin manyak;nang dimae dosa mangkin batambah manyak,kanaun kasih karunia manyak sampe balimpah-limpah, ²¹ Biar, sama aya dosa bakuasa daapm alam maut,yakolah kasih karunia bakuasa karna kabanaratn untuk idup nang kekal,di Yesus Kristus,Jubata diri'k.