¹ Jaji ahe ge'k nang mao'k dikataatn tentang Abraham,apa'k leluhur jasmani diri'k? ² Sabab saandaie Abraham dibanaratn karna pabuatatne,makae iya namu dasar untuk bamegah,tapi ina'k ka adapatn Allah. ³ Sabab ahe ge'k nang dingataatn nas Kitab Suci?"Lalu picaya'klah Abraham ka Jubata,ba Jubata marekenan hal koa ka ia sabagai kabanaratn ⁴ Kade'k ada urakng nang karaja,upahe ina'k diparekenan sabagai adiah,tapi sabagai hak ke. ⁵ Tapi kade'k ada urakng nang ina'k karaja,tapi picayak ka Ia nang manaratn urakng durhaka,imane dietong jaji kabanaratn. ⁶ Tolen Daud uga'k bakata bahagialah urakng nang dimanaratn Allah buke'k badasaratn pabuatatne: ⁷ "Bahagialah urakng nang dingampuni'k palangaran-palangarne,ba nang dinutupi'k dosae; ⁸ Bahagialah manusia nang kasalahatne ina'k diperetongan Tuhan." ⁹ Ada ge'k ucapatn bahagia nyian kahe balaku untuk urakng nang babaak aja'k ato balaku uga'k untuk urakng nang ina'k babaak? Soale dah kami ngataatn, bahwa ka Abraham iman diparetongn sabagai kabanaratn. ¹⁰ Daapm kadaan mae ge'k hal koa diparetongan? Sanape'k ato saaka'k ia dimaak?Buke'k saaka'k dimaak,tapi sanape'ke. ¹¹ Lalu tanda babaak koapun dinarima'k sabagai palajaran kabanaratn badasarkan iman nang dihenunjukatn,sanape'k ia dimaak.yanyianlah ia bisa jaji apa'k samua urakng picaya'k nang ina'k ba baak,biar kabanaratn diparetongan ka mereka, ¹² Dan jaji uga'k apa'k urakng-urakng babaak,yakoa buke'k kahe urakng nang babaak,tapi ngikuti'k uga'k jejak iman Abraham,apa'k ene'k moyang diri'k,pada waktu mereka nape'k dibaak. ¹³ Sabab buke'k karna ukum Taurat dah dimareatn janji ka Abraham ba katurunane,bahwa ia pasti miliki'k dunia,tapi karna kabanaratn badasarkan iman. ¹⁴ Sabab kade'k mereka nang ngarapatn dari ukum Taurat,narima'k bagiatn nang dinyanjiatn Allah,maka sia-sialah iman ba batalah janji koa. ¹⁵ Karna ukum Taurat mangkitatn bera,tapi dimae ina'k ada ukum Taurat,dikoa ina'k ada uga'k palanggaran. ¹⁶ Karna koalah kabanaratn badasarkan iman supaya merupakan kasih karunia,biar janji koa balaku untuk samua katurunan Abraham,buke'k kahe untuk mereka nang idup dari ukum Taurat,tapi uga'k untuk mereka nang idup dari iman Abraham.Sabab Abraham koa apa'k diri'k samua,-- ¹⁷ Tolen ada tatulis:"Kao dah kunatapatn jaji apa'k samua bangsa"--ka adapatn Allah nang ka Ia diri'k picaya'k,yakoa Allah nang ngidupatn urakng mati ba nang nyajiatn ba firman-E ahe nang ina'k ada jaji ada. ¹⁸ Sabab kade'kpun ina'k ada dasar untuk ba arap,tapi Abraham ba arap uga'k ba picaya'k,kade'k ia mao'k jaji apa'k manyak bangsa,menurut nang dah difirmankan:"yakoalah ana manyak katurunanyu." ¹⁹ Imane ina'k jaji lamah,walaupun ia nahui'k,kade'k tubuhe udah lamah sidi,soale umure dah kira-kira saratus tahutn,ba rahim Sara dah tatutup. ²⁰ Tapi ka janji Allah ia ina'k ragu ka ina'k picayaatn,malahan ia mangkin kuat daapm iman ne ba ia muliaatn Allah, ²¹ Ba yakin sidi,kade'k Allah bakuasa untuk ngalaksanaan ahe nang dah Ia nyanjiatn. ²² Karna koa hal nyian diparetongan ka ia sabagai kabanaratn. ²³ Kata-kata nyian intie "hal koa diparetongan kaia,"ina'k ditulis untuk Abraham aja'k, ²⁴ Tapi ditulis uga'k untuk diri'k; sabab ka diri'kpun Allah paretongan,karna diri'k picaya'k ka Ia,bang udah mangkitatn Yesus,Jubata diri'k,dari antara urakng mati, ²⁵ Yakoa Yesus,nang udah dinyarahatn karna palangaratn diri'k dan dibangkitatn karna pambanaratn diri'k.