¹ Kade'k ayanyian,ahe ge'k kalabihatn urakng Yahudi ba ahe ge'k gunae babaak? ² Manyak sidi,ba daapm sagala hal.pertama-tama:karna ka merekalah dimicayaatn firman Allah. ³ Jaji ayamae,kade'k ka antara mereka ada nang ina'k setia,bisa ge'k ina'k kasetiaatn koa matalatn kasetiaatn Allah? ⁴ Ina'k bisa! Sabalike: Allah koa banar,ba samua manusia pangalok,saparati ada tatulis:" Biar kao ternyata banar daapm sagala firman-Nyu,ba manang,kade'k kao dihakimi'k." ⁵ Tapi kade'k ka ina'k banaratn diri'k nunjukatn kabanaratn Allah,ahe lah nang mao'k diri'k kataatn? Ina'k adil ge'k Allah--aku bakata sabagai manusia--kade'k Ia neeatn bera-E? ⁶ Sakaipun ina'k! Saandaie yakoa,ayamae ge'k Allah bisa ngakimi'k dunia? ⁷ Tapi kade'k kabanaratn Allah karna dosaku samangkin malimpah bagi kamuliaatn-Ne,ngahe aku masih dingakimi'k agi'k sabagai urakng badosa? ⁸ Buke'k ge'k ina'k banar tuduhatn urakng nang ngataatn,bahwa diri'k bakata:"Ije'k lah diri'k babuat nang jahat,biar nang kateeatn darie."urakng macam koa dah pantas namu ukuman. ⁹ Jaji ayamae? Adage'k diri'k punya kalabihatn dari pada urakng lain?sama sakai ina'k.karna ka atas dah diri'k nuduh baik urakng Yahudi,mao'kpun urakng Yunani,bahwa mereka samua ada kababah kuasa dosa, ¹⁰ Aya ada tatulis:"Ina'k ada nang banar,seko'kpun ina'k. ¹¹ Ina'k seko'kpun nang ba akal budi,ina'k seko'kpun nang ngagui'k Allah. ¹² Samua urakng dah nyaleweng,mereka samua ina'k baguna,ina'k ada nang babuat baik,seko'kpun ina'k. ¹³ Karongkongan mereka aya kubur nang takanga'k,Jiah mereka ngarayu-rayu beber mereka sidi babisa. ¹⁴ Moot mereka barinsi'k ba sumpah sarapah, ¹⁵ Paha mereka gaceh untuk numpahaatn darah. ¹⁶ Karuntuhatn ba kaancuratn mereka ada kajaatn mereka, ¹⁷ ba jaatn damai ina'k mereka kanal; ¹⁸ rasa gai'k ka Allah ina'k ada ka urakng koa." ¹⁹ Tapi diri'k nauan,bahwa sagala ahepun nang tacantum daapm kitab Taurat dinunjukatn ka mereka nang idup ka babah ukum Taurat,biar tatutup satiap moot ba saluruh dunia jantu'k ka babah ukuman Allah. ²⁰ Soale ina'k seko'kpun nang bisa dibanaratn ka adapatn Allah kade'k kahe ngalakukan ukum Taurat,karna justru di ukum Taurat urakng kanal dosa. ²¹ Tapi angkitn,tanpa ukum Taurat kabanarat Allah dah dinyataatn,aya nang di nyaksikan daapm Kitab Taurat ba Kitab-Kitab na'k nabi, ²² Yakoa kabanaratn Allah karna daapm Jubata Kristus untuk samua urakng nang picaya'k.Karna ina'k ada bedae. ²³ Karna samua urakng dah babuat dosa ba kailangan kamuliaatn Allah, ²⁴ ba karna kasih karunia dah dimanaratn dengan cuma-cuma karna panabusatn Kristus Yesus. ²⁵ Kristus nang dah dinantuatn Allah jaji jaatn pandamian karna Iman,daapm datah-E.Hal nyian Ia minjawat untuk nunjukatn kaadilatn-Ne, karna Ia dah miaratn dosa-dosa nang dah ada dee waktu masa kasabaratn-Ne. ²⁶ Maksut-Te koa untuk nunjukatn kaadilatn-Ne ka masa nyian,biar nyata,bahwa Ia banar ba manaratn uga'k urakng nang picaya'k ka Yesus. ²⁷ Kade'k yanyian,ahe ge'k dasare untuk bamegah? Ina'k ada! Badasaratn ahe? Badasaratn pabuatatn? Ina'k ,melainkan badasaratn Iman! ²⁸ Karna kami yakin,bahwa manusia dimanaratn karna Iman,ba buke'k karna ia ngalakukan ukum Taurat. ²⁹ Ato ada ge'k Allah kahe Allah urakng Yahudi aja'k? Buke'k ge'k Ia uga'k Allah bangsa-bangsa lain? Auk, banar.Ia uga'k Allah bangsa-bangsa lain! ³⁰ Artie ,kade'k ada seko'k Allah,nang manaratn baik urakng-urakng babaak karna iman,mao'kpun urakng-urakng ina'k babaak uga'k karna iman. ³¹ Kade'k yanyian,ada ge'k kami matalatn ukum Taurat karna iman? sama sakai ina'k! sabalike,kami nang naguhatn.