¹ Diri'k, nang kuat,wajib nanggong kalamahatn urakng nang ina'k mampu ba ame diri'k ngago'k kasenangan diri'k sandiri'k. ² Satiap urakng ka antara diri'k harus ngago'k kasenangan sesama diri'k demi kabaikatn untuk manguniya. ³ Karna Kristus pun ina'k ngago'k kasenangan-Ne babaro, tapi ada aya tatulis:"Kata-kata maki mereka, nang maki kao, udah nganai'k aku." ⁴ Karna sagala jukut nang dinulis dee, udah dinulis untuk jaji palajaran untuk diri'k, biar diri'k teguh bapegang ka pangarapatn karna katekunan ba pangiburatn dari Kitab Suci. ⁵ Semoga Allah, nang adalah sumber katekunan ba pangiburatn, ngaruniaatn karukunan ka kao, sesuai ba kahendak Kristus Yesus, ⁶ Biar ba sote'k Ati ba sote'k suara kao muliaatn Allah ba Apak Jubata diri'k , Yesus Kristus. ⁷ Karna koa tarima'klah seko'k ba nang lain, sama ba Kristus uga'k udah narima'k diri'k, untuk kamuliaatn Allah. ⁸ Nang aku maksut koa, kade'k karna kabanaratn Allah Kristus udah jaji palayan urakng-urakng babaak untuk nguatatn janji nang udah dimarekatn di jubata ka ene'k moyang diri'k, ⁹ ba biar mungkinan bangsa-bangsa,biar mereka muliaatn Allah karna rahmat-Te, aya ada tatulis :"Karna koa aku mao'k muliaatn Kao ka antara bangsa-bangsa ba balagu mazmur untuk dama-Nyu." ¹⁰ Ba salanjute: "Basukacitalah, hai bangsa-bangsa, ba umat-Te." ¹¹ Ba tarus Pujilah Jubata, hai kita'k samua bangsa-bangsa, ba biarlah samua suku bangsa muji Ia." ¹² Ba salanjute jakata Yesaya:" Taruk dari pangkal Isai akan tarabit, ba Ia akan bangkit untuk marentah bangsa-bangsa, ba ka Ia lah bangsa-bangsa akan nyimpan harapan." ¹³ Semoga Allah, sumber pangarapatn, nginsik'ik kao ba sagala sukacita ba damai sejahtera daapm iman nyu,biar di kakuatatn Roh Kudus kao balimpah-limpah daapm pangarapatn. ¹⁴ Kamaru'k-kamaru'k, aku sandiri'k memang yakin tentang kao, kade'k kao uga'k udah penuh ba kabaikatn ba sagala kabaikatn pengetahuan ba sanggup untuk saling nasehati'k. ¹⁵ Tapi, karna kasih karunia nang udah dinganugerahatn Allah ka aku, aku dian dinak'un ba agak barani udah nulis ka kao untuk ngingati'k kao, ¹⁶ Yakoa kade'k aku muih jaji palayan Kristus Yesus untuk bangsa-bangsa buke'k Yahudi daapm palayanan pangabaratn Injil Allah, biar bangsa-bangsa buke' Yahudi bisa ditarima'k di Allah sabagai persebahan nang bakenan ka Ia, nang disuci kan di Roh Kudus. ¹⁷ Jaji daapm Kristus aku muih bamegah tentang palayananku untuk Allah. ¹⁸ Karna aku pasti ina'k barani bakata-kata tentang sesuatu nang lain, kacoali tentang ahe nang udah dingarajaan Kristus untuk ku, yakoa untuk mimpin bangsa-bangsa lain ka kataatatn, untuk pakataatn ba pabuatatn, ¹⁹ Di kuasa tanda-tandz ba mujizat-mujizat ba dikuasa Roh. Yakoalah daapm pajaanan bakulilikng dari Yerusalem sampe ka Lirikum aku udah ngabaratn sapenuhe Injil Kristus. ²⁰ Ba daapm pangabaratn koa aku nganggap sabagai kahormatatnku, kade'k aku ina'k ngalakukan katampat-tampat, dimae dama Kristus udah dikanal urakng, biar aku ame mangun ka atas dasar, nang udah diletakan urakng lain, ²¹ Tapi sasuai ba nang ada tatulis:" Mereka, nang nape'k suah narima'k berita tentang Ia, akan nee'k Ia, ba mereka, nang ina'k pernah nangaratn ia, akan ngarati ia." ²² Koalah sababpe aku salalu takandala untuk nabo'k kao. ²³ Tapi angkitn, karna aku ina'k agi'k ada batampat karaja kadaerah nyian ba karna aku dah sangahe tahutn lamae mao'k nabo'k kao, ²⁴ aku baarap daapm pajaanan ku ka Spanyol aku bisa singah katampat nyu jaji bisa bayamu bakao, biar kao bisa ngantat aku kanakun, saaka'k aku sakatika nikmati'k/repo batamu ba kao. ²⁵ Tapi angkitn aku gi'k daapm pajaanan ka Yerusalem untuk ngantat bantu'kan ka urakng-urakng kudus. ²⁶ Karna Mekadonia ba Akhaya udah naap kaputusatn untuk nyumbang sasuatu ka urakng-urakng kodo ka antara urakng-urakng kudus ka Yerusalem. ²⁷ Kaputusatn koa memang udah mereka naap, tapi koa adalah kawajibpatn mereka.sabab, kade'k bangsa-bangsa lain udah namu bagiatn daapm harta rohani urakng-urakng Yahudi, jaji wajiblah uga'k bangsa-bangsa lain koa ngalayani'k urakng Yahudi ba harta duniawi mereka. ²⁸ Kade'k aku udah nyaatni'k tugas koa ba udah nyarahatn hasil usaha bangsa-bangsa lain koa ka mereka, aku mao'k barangkat ka Spanyol ngalalui'k kota'k nyu. ²⁹ Ba aku nauan, kade'k misale aku atakng nabo'k kao, aku mao'k ngalakukaniya ba barinsi'k barakat Kristus. ³⁰ Tapi demi Kristus, Jubata diri'k, ba demi kasih Roh, aku nasehati'k kao, kamaru'k-kamaru'k, untuk bagumul basama-sama ba aku daapm doa ka Allah untuk aku, ³¹ biar aku tapihara dari urakng-urakng nang ina'k taat ka Yudea, ba biar palayananku untuk Yerusalem disambut ba baik di urakng-urakng kudus kanakun, ³² biar aku nang ba sukacita atakng ka kao di kahendak Allah, namu kasagartn basama-sama ba kao. ³³ Allah, sumber damai sejahtera, nyaratai'k ka sakalian! Amin.