¹ Tarima'klah urakng nang lamah imane tanpa ngomongan pandapate. ² Nang saurakng yakin,kade'k ia muih makatn sagala jenis makanan,tapi urakng nang lamah imane kahe makatn sayur-sayuran aja'k. ³ Sae nang makatn,amelah menghina urakng nang ina'k makatn,amelah menghakimi'k urakng nang makatn,karna Allah udah narima'k urakng koa. ⁴ Sae ge'k kao,lalu kao ngakimi'k amba urakng lain? Intah ge'k ia badiri,intah ge'k ia jantu'k, koa adalah urusan tuane sandiri'k.Tapi ia akan tatap badiri, karna Jubata bakuasa nyaga ia hane badiri. ⁵ Nang seko'k urakng nganggap ari nang sote'k lebih penting dari pada ari nang lain,tapi nang lain nganggap samua ari sama aja'k.sabaike satiap urakng banar-banar yakin daapm atie sandiri'k. ⁶ Sae nang ba pegang ka ari nang tatantu, ia ngalakukan iya untuk Jubata,karna ia ngucap syukur ka Allah. Ba sae ina'k makatn, ia ngalakukan iya untuk Jubata, ba ia uga'k ngucap syukur ka Allah. ⁷ Karna ina'k ada seko'kpun ka antara kita'k nang idup untuk diri'ke sandiri'k, ba ina'k ada seko'kpun nang mati untuk diri'ke sandiri'k. ⁸ Soale kade'k diri'k idup,diri'k idup untuk Jubata,ba kade'k diri'k mati, diri'k mati untuk Jubata. jaji mao'k idup ato mati, diri'k nyian nu'k Jubata. ⁹ Karna koalah Kristus udah mati ba idup agi'k, biar Ia jaji Jubta, mao'k untuk urakng-urakng mati, mao'k pun untuk urakng-urakng idup. ¹⁰ Tapi kao, ngahelah kao ngakimi'k kamaru'k nyu? Ato ngahelah kao menghina kamaru'knyu? Karna samua diri'k harus ngadap takhta pangadilatn Allah. ¹¹ Karna ada tatulis: "Demi Aku idup, yakoahanlah firman Jubata, samua urakng pasti batekuk tuut ka adapatn-Ku ba samua urakng akan muliaatn Allah." ¹² Yakoaihanlah satiap urakng ka antara diri'k akan mare'k patanggongan jawab untuk diri'k e sandiri'k ka Allah. Ame mare'k batu sandungan ¹³ karna koa amelah diri'k saling ngakimi'k agi'k! tapi lebih baik kao ikuti'k pandangan nyian: Ame diri'k minjawat kamaru'k diri'k jantu'k ato tarantuk! ¹⁴ Aku nauan ba nyakin daapm Jubata Yesus, kade'k ina'k ada jukut nang najis dari diri'k e sandiri'k. kahe untuk urakng nang ba anggapatn,kade'k jukut koa najis, untuk urakng koalah jukut koa najis. ¹⁵ Soale kade'k kao nyakiti'k ati kamaru'k karna jukut nang kao makatn, maka kao ina'k idup agi'k menurut tuntutatn kasih. Amelah kao ngancuratn kamaru'knyu karna makanan nyu,soale Kristus udah mati untuk ia. ¹⁶ Ahe nang baik,nang kao miliki'k, amelah kao biaratn difitnah. ¹⁷ Karna karajaan Allah buke'klah soal pamakanan ba minuman, tapi soal kabanaratn, damai sejahtera ba sukacita di Roh Kudus. ¹⁸ Karna barang sae nang ngalayani'k Kristus ba cara nyian, bakenan ka Allah ba dihormati'k di manusia. ¹⁹ Karna koa je'k lah diri'k nalama'k ahe nang ngatangan damai sejahtera ba nang baguna untuk saling membangun. ²⁰ Amelah kao ngarusak pakarajaatn Allah karna dimakanan! sagala sesuatu koa suci, tapi cilakalah rakng, kade'k karna pamakanan ne urakng lain tarantuk! ²¹ Sabaike kao ame makatn degen ato nyocok anggur, ato jukut nang jaji batu sandunga untuk kamaru'k nyu. ²² Bapeganglah ka kayakinan nang kao miliki'k koa, untuk diri'k nyu sandiri'k ka adapatn Allah. Babahagialah ia, nang ina'k ngukum diri'k e sandiri'k daapm ahe nang ia anggap baik untuk dilakukan. ²³ Tapi barang sae ragu, kade'k ia makatn, ia udah di ngukum, karna ia ina'k ngalakukan ia badasaratn iman. ba sagala jukut nang ina'k badasaratn iman, koa dosa.